الي راح تنفس في بيتها تدخل(دردشه النفوسات)

[ام لميـس]

عاشقه الجنه جزاكي الله خير علي دعواتك ياقلبي تسلمين الله يخلي لك عيالك يارب
والله حبيتك فالله ياعاشقه اكثر شي بالذات يوم قريت انك من الباحه انشرحت نفسي لك
لاني انا بعد من الباحه وعايشه في الرياض وكل اهلي بعيدين عني ماعندي هنا الا اهل زوجي
الله يعين بس ..عندي ملاحضه بس ليش اخذ مر معي للمستشفي ؟؟ وش اسوي فيه لاني انا عادتا
وانا نفاس اذوبه واجلس فيه ربع ساعه تقريبا يوميا وبعض الاحيان كنت ابلع منه قطع صغيره نصايح من امي والله اعلم عن نصايحهم احس ذالكهيل خبرتهم بهذي الامور مييييح لاني يوم قريت واطلعت اكتشفت اخطاء كثيره نسويها من غير علم منا ومنهم ..
حياتي عيالي الف مبروك الحمل الله يرزقك الذريه الصالحه يارب العالمين وشدي حيلك واعتمدي علي الله ثم علي نفسك وجهزي امورك ,,وحابه اقول لك انا استقدمت بعد رمضان شغاله من اندنوسيا ولين يومك ماشرفت ..لو تفكرين تسقدمين استقدمي من نيبال اختي استقدمت وحده وتمدحها مررره وماطولت اقل من شهر وهي عندها وراتبها 500 ريال فقط لانها سبق لها العمل والي ماسبق لها العمل رواتبهم 400 ريال بسسس عيبهم انهم مافيهم مسلمات وهذا شي مايمنع اختي تحاول تكسب اجرها وتدخلها الاسلام ..والحبشياااات شبعوووو خلاص كل ماكلم وحده هنا تصرفني وبلشانه انا ولادتي قربت باذن الله وكل حمولي تاركتها علي الله
ان شاءء الله اذ ولدت اطمنك ياعاشقه..

تحياااتي لكم

..........

[عاشقة الجنه]

احبك الله الذي احببتني فيه يا ام لميس
المر يالغاليه عشان الشمم غسلس قطعتين واحرصي يكون من المر لي لونه احمر غامق افضل شي ونقعيه فيه قارورة ماء صحه صغيره وعشان الشمم والجرح اول ما تطلعين بالسلامه من غرفة الولاده اشربي نصف فنجان قهوه ولمدة ثلاث يام على الريق ولاتنسين تشمين دهن عود عشان جروحك ما تستشم انا بحملي الي قبل كذا شفت انواع العذاب والالم لاني ما شميت عطر ولا مر وولادتي هذي الحمد لله رب العالمين ما جاني شمم ولا تتشطفي بالمر ولاتجلسي فيه الابعد ما تنفك خيوطك نهائيا يعني بعد شهر من الولاده لانه ينشف الخيوط خليك على الغسول او البتادين المخفف وكريم تكتبه لك الدكتوره مضاد حيوي واهم اهم اهم شي نشفي الخياطه كل مره تدخلي الحمام من الماء نشفيها بالكلينكس تماما

[عاشقة الجنه]

ام لميس
عندي ارقام شغالات بارسلها لك على الخاص ان شاء الله يناسبك وحده منهم خاصه فترة نفاسك

[ام لميـس]

يالله ياعشقه الجنه الله يعطيك العافيه

ومشكوره علي اهتمامك ربي يجزيك الجنه

والارقاااااااااااام جات بوقتها الله يسعدك يارب ماقصرتي

واتصلت وان شاء الله تجيني وحده اليوم بيض الله وجهك

الشمم انا ماعندي خبره في هالاشياء هههههههه انا اول مره سمعت عنه

بولادتي الاخيره كانت قيصيري وجاني شمم ومافهمت شي لحد ماجات حرمه بجمبي الله

يجزاها خير وشربتني مر والحمد لله مرت بسلام

بعد الولاده ان شاء الله لو ما سوولي المستشفي خياطه بخلي الخياطه لحد ماطلع

من المستشفي واروح اي مستشفي واسوي خياطه الله يعين الوحده بعد الولاده ماودها

ترجع للكشفه والالم بس حيل الله اقوي ماعاد لي حل ثاني ..
ومادري وين اروح ؟ افكر اروح الحبيب يمدحون دكتوراتهم وافكر اروح دله ,,ومدري
وين اروووح .. وهل انتو تنصحوني بالخياطه بعد الولاده بيومين ؟؟

تحياااتي وتقديري

................

[عاشقة الجنه]

الله يسهل امرك حبيبتي
لازم تقرري عن قناعه عشان ترتاحي نفسيا وين بتولدي وبعدين تختاري الطبيبه حسب المستشفى واناانصحك تخيطي مره وحده مالها داعي تعذبي نفسك مره ثانيه بالكشف والبنج الله يكتب لك مافي الخير

[حياتي عيالي]

الله يجزاكم خير ام لميس وعاشقه الجنه ويبارك فيكم والله يقومك بالسلامه ياام لميس وتفرحين بسلامتك وسلامه النونويارب وعقبالي مااجهز اغراضي صح الحمل واللولادة تعب بس الضنى غالي لما الوحده تشوف ابنها ماكانه صار شي الحمدلله على نعمه

[عاشقة الجنه]

سبحان الله وبحمده سبحان الله العظيم

[كل شي ولا دمعه امي]

الله يخارجنابالسلامه

[ام لميـس]

اللهم آمين يارب

جزاكم الله كل خير عاشقه الجنه وحياتي عيالي

اتصلت علي مستشفي الحبيب وسالتهم عن الولاده وكم تكلفتها

وكم تكلفه الخياطه التجميليه وانصدمت !!! الولاده الطبيعيه من غير اي ابره ضهر

او خياطه مجردولاده 7000 وسالتهم عن الخياطه التجميليه وصدمووووووني

قالت لي انتي جبتي كم ؟؟ قلت هذا ان شاء الله الخامس

قالت لي 5000 ريال الخياطه التجميليه !!؟؟؟وش هذا سعرهم خيالي

وكلمت اكثر من مستشفي اعطتني سعر معقول 1600 وحولها

ولسا ماخذت قرار ..الله المعين

المهم اليووووم خلاص جهزت لهووووم اخر شي كنت متاخره فيه

والحمد لله جاتني شغاله حبشيه يارب تكون كويسه وتنضبط معي

الله يسعدك عاشقه والله ماقصرتي ,,

الله يهون علينا حاسه بخوف ومتوتره كثير

....................

[نلي خانم]

أنا كمان راح أولد في بيتي
بس مره شايله هم لأني بكريه ومو عارفه أتصرف مع البيبي
بالنسبه لتجهيزاتي بجيب شغاله بأذن الله وبجهز مشروبين الأول (قشر قهوه) أطبخه واضيف ملعقتين مطحونين من( نونخه\ زنجبيل طازج مبشور\قرنفل) وأتركها ربع ساعه وأشرب
والمشروب الثاني(حلبه\ يانسون\شمر \ كمون\بابونج\ قرفه)بطحنها وأغلي مويه وأضيف ملعقتين وأنقعهاوبعد ربع ساعه أشرب
ملاحظه\ مايسير نطبخ الاعشاب مع بعض لهذا السبب أن أطحن الاعشاب واضيفها مع المغلي

والغسول مره منقوعه ومرهم ميبو وبعد ماتطيح الخيوط بضيف للمره قشر رمان مطبوخ
والأكل الفطور ماأحب العصيده باكل خبز البر مع العسل والحليب والغدا مرقة لحم وكذلك العشا
والجسم بستخدم كريمات تفتيح

والبيبي بدهن جسمه يوميا بزيت زيتون وأشربه يانسون وسكر نبات وكمان بذوب تمر في مويه واسقيه وطبعا ماننسى بودرة السره والمسحه الطبيه

هذا اللي في بالي .. أتمنى افدتكم
ويارب يكون بعوننا وربي مره خايفه من جلستي بالبيت لوحدي وبكريه أخاف أواجه أمور ماأعرف أتصرف فيها بس لازم أتعلم