تجمع لمن تعاني من ارتفاع هرمون الذكورة

[زهرة البنفسج]

انا يابنات اعاني منه وتعالجت كثيييير عشان احمل كانوا يعطوني ابر ومنشطات وبدون اي فائده ..بعدين عملت رجيم لان وزني كان 102 ونزلت 25 كيلو ..وكنت استخدم حبوب جلوكوفاج وهي تساعد على ازالة التكيس كنت اخذ 3 حبات في اليوم ..واشرب بردقوش عشان هو ينظم الهرمونات بس وقت الدوره اوقفه ..اول شي لاحظته الشعر خف ودورتي انتظمت ..وبفضل من الله وحده حملت بعد 7 سنوات ..عقبالكم وكل محرومه يارب هو هرمون التستسرون ودليل ارتفاعه غياب الدوره وعدم انتظامها وزيادة شعر الجسم وخشونة الصوت والسمنه او واحد من الاعرض

[زهرة النرجس]

ياهلا خيتي زهرة البنسفج تسلمين على ردودك الحلوة والله عطيتني امل وربي يحفظ لك فهوددي
فعلا والله معاناة الحمدلله على كل حال

[مثايل]

انا معي هذا الهرمون وهذا انا اتعالج لي اربع سنوات من تزوجت والى الان ربي ماكتب لي انا سويت تحليل وباقي اسوي اشعه وان شالله تطلع النتيجه طيبه ياارب الله يرزقنا اجمعين ويسخر زوجي لي يارب

[ام ريما _5]

انا معي ظهور شعر بالوجه خشن وزيادة في لوزن وعدم انتظام الدورة تتاخر شهرين
وعملت ليزر ووقفت ورجع لي الشعر بزيادة ولا مرة فكرت اسوي تحليل رغم جسمي كله فيه شعر خشن وكثيف يمكن كسل او عدم مباله لاني والحمد لله ولا مرة تاخرت في الحمل والمستشفئ الحكومه يعطيك مواعيد وانتظري شهرين والمستوصف الخاص مقدر بسبب ظروف ماديه بس الي الحظه انه في فترته الحمل يتاخر ظهور الشعر ويخف بس بعد الولادة يرجع نفس قبل واكل الي يشوفني يقولي اكيد معك هرمون الذكورة عالي بس مااحب العلاج ا و الابر ولا احب انتظم الله يعينهويسهل حملي ولادتي ويرزق كل محرومه

[زهرة النرجس]

مثايل وام ريما ربي يسهل اموركم ويرزقكم كل خير يارب ياكريم

[زهرة النرجس]

حبيت اقول لكم اني حاامل كل من يدخل موضوعي يدعيلي ربي يثبت جنيني واشوفة في احضااني حملت بفضل ربي من بعد التمريخ الحمدلله يارب

[Nossi]

زهرة النرجس الله يثبت لج اياة وتشوفينه وتفرحين فيه إن شاء الله

أأأأأأأأأأأأأأأأمين يارب العالمين

[زهرة النرجس]

تسلمين يارب يانوسي ربي يسهل امورك

[نور اليقين]

الله يثبت حملك ويرزقك بتوأم صالحين معافين يارب وتولد وتقومي بالف سلامة آمين
حبيت ادعي لك حبيبتي

[زهرة النرجس]

تسلمين يانور وربي يرزقك بالذرية الصالحة العاجله يارب