منصدمه حيل

[جنة الامومه]

من اين ابتدي لا اعلم
يوم من الايام قال لي زوجي ان ركب على جواله برنامج جديد وحلو انا ماعرف اسمه بس اعرف اوصفه هو يكون ربع يدردشون مع بعض ولكن مايخسروا كثير الخساره تكون قليله
انا قلت له خلاص ابغي اشوف بس مو الحين لانه مشغوله اشوي
كان اليوم وانا اشوف البرنامج كان اطيح عليه انو يكلم بنات في هذا البرنامج انا انصدمت لانه مو تبع هالشكال ولايحب احد يتكلم عنهم يقول عنهم اشياء واجد مو زينه
صدقوني اني انا مو مقصرة مع في شيء
حتى الجماع اذا كنت تعبانه اخليه يجامع اقول في نفسي حرام عليي هو مسكين عليه ضغوطات العمل واهله واجي انا ماعطيه حقه
حتى صحتي تدهورة علشانه واقول في نفسي يلا كل شيء يهون هذا زوجي اذا ماخذ من بياخذ مع مين
حتى السوالف دائم هو ساكت من اقوله تكلم يقول لي انا ماحب اتكلمم واجد
اظل انا اتكلم وهو مو معبرني ساعات اسكت في نص السالفه مايقول لي كملي او يحسسني انو مهتم فيني او حتى مجامل مع هذا انا اشوفه يتكلم عند اهله
مايظل سالفه مايقولها واذا جى الشقه يظل ساكت
القهر انو حتى يخواته وخوانه الصغار يتكلم معهم يعني تدرون سوالف البزارين تفاها
مرة قلت خلني اسكت يمكن يحس على عمره اشوي وقولي سالفه
تدرون شنو سوى ماعبرني باي شيء

ويش اسوي صدقوني وانا اكتب لكم مشكله والدمع على خدي يجري لاني من جد منصدمه
آه آه آه آه آه آه آه
لاتقولوا اني افتش الجوال لا والله انا قلت له اني راح اشوف البرنامج بس بعدين مو الحين مشغوله كنت ارتب العشى وبعدها غسلت المواعين بعدها نسيت ونمت اليوم الصبح جلست وذكرت وقلت في نفسي خليني اشوفه مدامي ذاكرتنه

احس اني كرهت نفسي

انا الحين حامل في شهر الاخير
ادعوا لي اولد بالسلامه ولا يأثر على جنيني
ولاعلى ولادتي

[جنة الامومه]

والقهر انو كاتب لها كلام غزل وراح يرسل لها رقم رصيد لشحن
انا ابغي اعرف انا ابشنو مقصره معه الشقه نظيفه انا مهتمه في روحي وكل يوم التعطر وتكشخ والجماع يجامع وقت لي يريده
والاكل مايجي إلا كل شيء جاهز
كلام غزل واقول طلعات مع شباب يطلع مااقوله لاتطلع انا خليته على راحته
تصدقون انه اثاث الشقه مو انا وياه المختارين اهله مختارينه وانا مو عاجني وساكته
وقت لي يبغيه آه آه لو اعرف ليش اسوي كذا ؟
آه تعبت
شنو اسوي ؟؟؟؟؟؟؟؟؟؟؟؟؟؟؟

[um-yazan]

لا حول ولا قوه الا الا بالله الله يفرج همك وتولدي بالسلامه
ويهدي ازواج المسلمين اجمعين يا رب

[ام منيره2]

السلام عليكم ورحمة الله وبركاته ياحبيبتي ياجنت الامومه اهم شئ صحتك الان وتعوذي من ابليس واقراي على نفسك لانه بوعيالك وماراح يتخلا عنك بسهوله مع هالبنات الفاضيات هو قاعد يتسلا بسبب يمكن احد من ربعه قاله عن هذا البرنامج ويبي اهو ان يجربه مو اكثر بس خلليك انتي متابعته وراه وراه يعني قعدي جمبه وقت ميصير اهو يدردش مهاهم وطول منت قاعده يمه بياخذ احتياطه انه مايطول معاهم ويستحي منك لانه مايتكلم معك شلون يتكلم مع هالبنات ولاتنسيين اذكرينه بالله وان عليك حق على زوجتك مثل مالك حق على نفسك وانك تخاف الله قبل كل شئ وانتبه مثل اليوم انت تكلم بنات بكره يجي يوم خواتك الصغار يكلمون ارجال مثل ماانت تكلم بنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟على فكره اذا ردعتيهم باهلهم تطلع فيهم غيره عللى اهلهم وبعدين بيستحي على دمه وبيحس فيك ثم بعدين انتي دايم ضميه ترئ في الضمه والحظن الدافي من التقرب بينك وبينه الله يرضى عليك وعلي واذا شفتي كلامي في محله عطيني ردك وبالله التوفيق الله يسهل عليك الولاده

[الوان الحياة]

يااااقلبي لاتسكتين صااارحيه بالي شفتيه
لاتكتمينهااا بنفسك اخرتهااا انتي الي بتتعبين وهوو مو داري عنك
قولي له ماقصرت معاااك كل شي اسووويه لك شنووو نااقصك اسويله لك
وانتي يااقلبي لاتحرقين نفسك على وووشك ولادة اهتمي بنفسك ورااحتك النفسية انااا عاارفة المووضوع صعب بس الشكواااا لله كل الرجال كذااا طنشيه زي مااهو مطنشك والله لووو لاحظ انوو اسلوبك تغيررر معااه يركضورااكي
الله يهونهااا عليكي ويفرج همك

[جنة الامومه]

um-yazan
مشكوره اختي على الدعوة من فمك الى باب السماء
ام منيره2
انشاء الله راح اجرب واشوف اذا فاد معه او لا
الوان الحياة
راح اصارحه بس بعد ماسوي عليه الي قالت لي اختي ام منيره2 اذا مافاد راح التجأ الى طريقتك
مشكورين خواتي على ردودكم وتفاعلكم مع مشكلتي
يارب ويفقكم
انشاء الله راح اطمنكم اذا نحلت مشكلتي

[ام عمر ..]

الله يسخره لك يا رب ويصرفه عن الحرام اميييين

[سيدة الغرام]

حبيتي لاتتعبن حالك ياقلبي وانتي على وشك ولدتك والله بنات الحراام واااجدين الله يسخرلك زوجك ويبعدنو بنات الحراام وان شاء الله يسهل على ولادتك

تقبلي تحياتي واحترامي وتقديري

[TOomy]

حبيبتي لا تتعبي روحج
اهم شي صحتك وسلامتك
وسلامه البيبي
وانا اقولج صاريحه ولا تلفي ولا ادورين
ترى هذي فيها خراب بيوت
وانا اقول صاريحه في اسرع وقت ممكن وقولي له عرفت كلشي
وقولي له هذا بدال ما تصير الحين ابوه جالس ترجع ورا كأنك مراهق وانا زوجتك
واذا مقصرره معاك بشي قولي وانا اسويه
وانا حلالك وتروح للحرام
انا ما قصرت معاك بشي
قايمه بالبيت وتنظيف وغسيل وانا حامل
ولو وحده غيري وهي حامل وربي ما قامت بواجباتها اتجاه زوجها
وانا امريحتنك وانت تعذبني ومن هالكلام الا يكسر الخاطر ويعور القلب
وخلج زعلانه شوي كم يوم عشان يحس بغلاتك
وحاولي بعد تراقبين مكالماته ومسجاته ترى البنات مالهم امان
الا رضت ع روحها تكلم متزوج وتأخذ منه رصيد عادي تسوي اي شي
بس الله يهديه ويسخره لج يارررررب
وطمنينا عليج

[~ درر ~]

يحياتي تعالي على صدري ابكي الله لايسامح من بكاك
ادعي ربك ان يصرفه ويسخره لك
وصارحيه ليش يسوي كذا وابكي قدامه
ليش الرجال يسو كذا والمصيبه انه راسلها رصيد ياليت
كلمها عادي نقول يكذب عليها

الله يسامحه
كمان اكيد معه اللبلاك بيري البلاك بلاوي والله هههههههههه