زوجي رجع لل...................

[هاله7]

مشكلتي من تزوجنا كانت تصرفات زوجي مو طبيعيه ابد يعصب علي ع اتفه الاشياء واحيانا احلى منه مافي وكنت حييييل استغرب تصرفاته لين حملت واصريت عليه يخبرني ليه هو كذا واعترف لي انه يحشش!!!!!!!!!!!!!!!!!!!!! انا انصدمت حاولت ماخبر احد ابد واني احاول انصحه لحالي ماكنت ابي افضحه وبعد ولادتي وكبرت بنتي سنه تقريبا انا حيل مليت من وضعه لانه صار يهيني عند اهله وبالسوق وبالشارع وبصوت عالي وصار يضربني ضرب قوي فقررت اروح بيت اهلي وخبرت جدتي بس عنه جدتي هي المسؤله عني وهي سوت نفسها ماتعرف كدامها وزعلت عند اهلي وقلت له ياانا يالهالي تدخنهوصج جاني تايب ومبطله وحلف ع القران انه تاب منه لان شاف واحد من اصحابه دخل العناية بسبة الحشيش صدقته لانه حلف وصدك الرجال تغير 180 درجه صار اهدى صار يتفاهم
طولت عليكم المشكلة اني الفترة الاخيرة حسيته رد لللاول لان رجع يكلم اصحابه الي كان معهم ورجع يتنرفز والفلوس تطير فجاة عاد ذاك اليوم دخلت تكرمون الحمام الثاني الي بالشقة لاني اشوفع يعشش فيه ولقيت قطعة حشيش مخبيها بالشباك خذتها ورميتها بالبالوعه وراح يدور عليها وطلع معصب مالقاها بس انا ع اساس ماعرف بشي
شنو اسوي شنو اسوي شنو اسوي بليييييييييييييييييييييييييييز ساعدوني مع العلم انا حامل الحين مرة ثانية!

[H&M]

الله يعينج ويصبررج حبيبتي بس لازم احد من اهلج ولا اهله يدخل لان الموضوع ماينسكت عنه وكبير ومااقول غير الله يهديه لج فديتج *

[كلي وله]

الله يسخره لك و يسخرك له ...
و يتوب توبه نصوحا عن كل شر يااااارب ..

[حبيبت حبيبي]

ما ادري بس مشكلتك صعبه الله يصلحه ميهديه يا رب بس حاولي انه يروح ل مستشفى عشان يتعالج لانه الان يعد مريض والله يشفيه

[**سماسم**]

واجهيه يالغاليه وقولي له أنه على غلط وأن هذا الشيء بيدمره وبيدمر بيته ..
وخيريه بينج أنتي أو الخرابيط إلي يستخدمها وقولي له أنج مو مستعده تخلين عيالج يشوفون أو حتى يسمعون أن أبوهم يحشش تراء هذا الكلام يهزه وبيني له خوفج عليه والسأل الله أن يهديه ويرده عن درب الحرام ..

[بنت الاجواد]

الله يعينك بس لازم تبلغين اهلك او اهله اذا متفهمين مهما كان عندك عيال ويحتاجون ابوهم ومو حل تتخلين عنه لانه مهما كان ابو عيالك

[سما الجوري]

الله يعينك ويقويك ....مو كل الحريم يقدرو يتحملون مثل هذي المواقف .... الله يهديه ويسخره لكي ولعيالك .... اختي عليكي اللجوء لله بصلاة ركعتين بجوف الليل وقراءة سورة البقرة كاملة ....وانشاء الله الله بيهديه من هذي الخرابيط
ودعواتي معك ياغالية....

[سيدة الغرام]

الله يكون بعونك ياغلاتي

[TOomy]

انا من رايي لازم ابوك او احد من اخوانج تقولين له
هذا السالفه مو سهله اليوم حشيش بكره مخدرات وخمر انتين ماتعرفين وهذا يأثر عليك وع عيالج
بس انا اقول لازم يتدخل رجال في السالفه
والله يكون بعونج

[هاله7]

شكرا جزيلا ع ردودكم جميعا
الله اعلم اني ع طول ادعيله ان يبعده عن درب الحرام الشي الثاني اخاف اواجهه وينكر وهو بطبعه حيل عصبي فيمكن يسوي لي مشكلة كبيرة الشي الثالث انا يتيمة وكنت عايشة مع جدتي وماعندي اخوان بس خوات واخاف اقول للاهله مايصدقوني لانه اعز ابنائهم فحدي محتارة شسوي اول مرة كنت افكر بصحته لان هو بالاساس في قلب بس هالمرة كيفه اذا هو مو هامته صحته انا تهمني نفسي ويهمني عيالي لان هالشي يؤثر علي وايد كل العصبيه والنرفزة والفقدان فوق راسي بليز شسوي؟