دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

ثلجه فوشيه · 09-22-2010, 05:00 PM

كروزه كيفك حبيبتي ؟؟
وكيف حملك ان شاء الله مرتاحه ؟؟
وكيف البوبو حقك ؟
انتي بالشهرالثامن ماشاء الله تبارك الله صح ؟؟
بشرينا عرفتني جنس البيبي وفين مقرره تولدي ان شاء الله
يلا بنات خلونا نتعرف احس كل وحده تكلم الي تعرفها خلونا نشعلل التجمع ..

كوكب زحل · 09-22-2010, 05:05 PM

يابنات تتوقعون دكتورة امل موجودة اليوم ولا اجازة علشان اليوم الوطني اتصل ماحد يرد

كوكب زحل · 09-22-2010, 05:07 PM

في مستوصف العساوى

اموورة وكتكوتة · 09-22-2010, 05:19 PM

اقتباس:

المشاركة الأصلية كتبت بواسطة كروزه

هلا رحيمه القلب طولتي الغيبه

عسى خير يارررب

برضك عند الدكتوره دعاء الي في الصاعدي

او غيرتيها

نور القمر هلا وغلا نورتي

هلا ومليون غلا اموره

هلا فيكي حبيبتي نورتي

يا بنات ميييين طفشانة زيي اهل زوجي كلهم طالعين الطايف دحينة وانا ما اقدر اروح الطايف عشان الطريق ماشاء الله مرررررة سهل هههه

مررررة قهر كلهم حيروحو ..

كوكب زحل · 09-22-2010, 05:40 PM

هههههههههههههههههههههه زي حالاتى
اهلى وخالاتى طلعوا الهدا
اخواني في جدة
زوجي راح البحر انا في البيت
الحمدالله اهل زوجي في البيت بروح عندهم

وتين · 09-22-2010, 06:32 PM

كيفكم ياكروشات ؟

<-- الحمدلله راحت كرشتها ههههههههه

والله يبارك فييييييييكم كلكم ياااااااارب ويسهل لكم ولادتكم ويعطيكم ربي ساعه طيبه

بحكي لكم قصة ولادتي بإبنتي البكر (( ساره ))

من يوم الاربعاء يابنات وانا تجيني تقلصات (( يعني الم طلق )) وانا طبعا ماادري انه الم طلق .. وانا من دخلت التاسع قالت لي الدكتوره امشي ساعتين في اليوم عشان يدخل راس الجنين الحوض .. وطبعا مامشيت الا يومين مره 35 دقيقه ومره 12 دقيقه بالضبط كنت مره اتعب لما امشي ..

ويوم الثلاثاء في الليل نزل مني افراز بني وخفت .. رحت قلت لماما قالت اصبري الى الصباح اذا لسه ينزل اوديكي المستشفى نتطمن ..

وفعلا جلست ادور في بيت اهلي وانا الالم ماسكني مررره بس صليت الفجر والافراز لازال مستمر ونزل مني على قولهم السداده وانا ماعرفتها الا بعدين لما قريت عنها افراز ابيض مع شوية دم .. المهم صليت الفجر وانا مرررره تعبانه وسرت ابكي وقلت لماما خلااص شكلي بولد وديني المستشفى وفعلا رحنا المستشفى على الساعه 7 احنا عندهم وكانت الدكتوره الموجوده داليا .. كشفت عليا وقالت لسه دوووووبك 1 سم .. واعطتني ابرتين وحده اخذتها في وقتها والثانيه في الليل يعني 12 ساعه بينهم تقول انها للجنين عشان مايحتاج للحضانه اول ماينولد ..

ورجعنا البيت .. ولازالت التقلصات تروح وتجي .. يشد بطني ويجيني الم في ظهري ويروح .. والدم مازال مستمر الين المغرب بعدين وقف فجأه ..

وفي الليل بعد 12 تزيد التقلصات عندي مررره وماني قادره اكل ولا انسدح ولا شي من الالم .. واستنيت الين الساعه 10 الصباح ورحت المستشفى مع زوجي وكانت دكتوره هبه موجوده .. وكشفت عليا قالت دووبك 1 ونص .. لما قالت كذا كنت هعيييييييييط انقهرت من امس 1 ونص

وحطتني في غرفة الانتظار نص ساعه تقيس فيها قوة الطلق على قولها .. وبس رجعت البيت ..

دخلت البيت ع الساعه 1 الظهر وراح زوجي الدوام .. وعند اهلي من وقت ماوصلت مافي الا بكا من الالم الين الساعه 3 ونص رجعت المستشفى قالت لي انتي لسه 1 ونص امشي في المستشفى واكشف عليكي المغرب والا اذا بيتك قريب روحي وتعالي العشا .. وفعلا رحت بيتي هالمره عشانه قريب من المستشفى ورجعت العشا قالت لي 3 سم مرررررره فرحت وقالت يالله على غرفة الانتظار ..

وجلست في غرفة الانتظار الى الساعه 12 ونص في الليل .. وانا مالي الا صياح وبكا كل ماجاني الطلق في الغرفه ومعايا ماما الله يسعدها مره تعبت معايا ...

الساعه 12 ونص جاتني الممرضه كشفت عليا قالت دحين 5 سم ودكتوره فطيمه هيا اللي حتولدك واعطتني ابرة مسكن على قولها ..

شويتين جاتني وقالت يالله الحين اوديك كشك الولاده ..
ودخلنا الكشك انا وهيا وماما وجلست ع سرير التوليد وفكت كيس الجنين ونزلت المويه واعطتني الكمامه على طول ..

بيني وبينكم والله ليتني مااخذت الكمامه لاني تعبانه خلقه ومااكلت شي فحسيتها عسرت لي الولاده لانها تعبتني ماقدرت ادفع الجنين بالقوه المطلوبه فترتني مرررره ..

وجات الدكتوره فطيمه وذكر الله على لسانها هيا والممرضات وتقول لماما انتي خليكي على راسها اقري اية الكرسي وانا تقولي اقري سورة الزلزله معايا .. بس انا في ايه وهيا في ايه .. حاولت اني مااصيح بس ماقدرت امسك نفسي ..

المهم صارت تقولي ادفعي اشوف راس النونو وانا احاول ادفع بس ماني قادره حاسه بتعب شديد صارت تقولي انا مو مسؤوله لو صار للجنين شي انتي مابتساعدينا وانا اعيييييط واعيييييييييط واحاول بس مافيش فايده غير لما طلعو يضغطو على بطني ممرضتين شفت الموت وقتها انكتمت وتعبت وحاولت اساعدهم والحمدلله خرجت البنت بطلووووووووع الروووووح وفجعتني اكثر لما خرجت من غير صوت مابكيت وشويتين الا اسمع صوتها ارتحت ورميت نفسي ع السرير زي الميته والخياطه الحمدلله مرررررره ماحسيت فيها .. اكيد من التعب اللي شفته ماحسيت بس الحمدلله على كل حال .. طبعا ع الساعه 1,50 صباحاً خرجت البنوته الطعمه ..

الدكتوره والممرضات مره حنونين .. سلمو على راسي بعد ماولدت وقعدو يدعو لي والممرضه روشتني بنفسها ولبستني الله يعطيها العافيه ماقصرت ..

المستشفى يهتمو فيكي مرررره بس اولدي في الصباح

انا ولدت في الليل وقالت لي الممرضه معليش مافي اكل دحين عشان نظام مستشفى مافي اكل بعد الساعه 1 ..

يعني اللي بتروح تولد في الليل توصي احد يجيب لها شي دافي تشربه بعد الولاده ..

والا الباقي الحمدلله كل شي تمام ..

وسلامتكم هذي قصة ولادتي بالتفصيل الممل كمان هههههههههه

ونشوفكم على خير يارب والله يسهل لكم ان شاءالله

Compassionate Heart · 09-22-2010, 07:07 PM

ام لمار
مشكوره حبيبة قلبي انك طمنتيني الله يطمن قلبك يارب ويسهل حملنا يارب و ولدتنا يارب

كروزه
حبيبة قلبي انا بخير الحمدالله بس صار عندي شويت ضغوط و وقفت المثبت ربنا كريم يعني ودخلت الرابع الحمدالله بس احتمال اخذ ابر المثبت يعني مو اكيد دكتوره دعاء تقول اذا احتجنها يعني بصراحه الا تخاف منو ما يجي احسن منو كنت خايفه منها بس انسانه مرا طيبه وسئلتها اذا تولد في مستشفيات قالت ايوا تولد في بخش و الاهلي السعودي و يمكن توقع عقد مع الشفاء
طمنيني عنك انتي ايش اخبارك و كيف حملك

كوكب زحل
طمنيني عليكي ايش اخبارك يارب تكوني بخير؟
هههههههههه اما انا 5 يوم العيد قبل ما ادخل الرابع طلعت الهدا مع زوجي و كان يمشي على اقل من مهلو واتوحمت على النبق الكبير في سوريا اسمو عناب هنا اسمو نبق بس الحمدالله ليقنا منو يعني اكلتها الحمدالله^_^

وتين
حمدالله على سلامتك و ربي يحفظلك ساره

كوكب زحل · 09-23-2010, 02:03 AM

يابنات كانت اخر مراجع 25 رمضان عند محمد خان سمعت النبضلطفل ماشالله قال لى الوضع مررررررررررة تمام الحمدالله ماينزل مني شئ غير افرازات بيضاء مرررررررررررررة خفيفة اليوم قةلت خلني اروح اطمن على النونو مستوصف العساوى عند امل جنب بيت اهل زوجي زوجي مافيه
رحت قولت لها اخر دورة لمن سويت لى السونار قالت لى الطفل يمررررررررررررررررة صغير عمره شهر ونص مافي نبض قولت لها كيف انا رحت لى الدكتور قالت اسوى لكي كشف من اسفل رفضت عرفت امي انى رحت خاصمتني اني رحت زوجي رافض محمدخان مانى عارفة وين اروح دكتورة ممتازة مرررررررررررررة خايفة يارب تكون كاذبة

Compassionate Heart · 09-23-2010, 02:18 AM

كوكب زحل
حبيبتي لا تقعدي من دكتور لدكتور لدكتوره و تلعبي في اعصابك و نفسك
خلاص استقري على دكتوره ولا تخافي يا غالي تجربتك انتي غير تجربت غيرك
يعني استخير الله على دكتوره و خلاص خليكي معها
تدري انا كنت خايفه من دعاء في مستوصف الصاعدي بس الحمدالله بعد كم مرا عرفتها انها مرا كويسه ماشاءالله عليها

خلي ايمانك بالله كبير واستخيري الله والله يكتبلك الف خير يارب

انشودةمطر · 09-23-2010, 03:33 AM

كوكب روحي اي مستوصف ثاني واتاكدي الله يطمنك على خير عشان صحتك لاقدر الله لو الجنين فيه شي مو كويس يمكن يسبب لك تسمم
وتين عيشتيني الجو اقرى واحس بمغص الف مبروك والله يسهل ولادت الباقين ويثبت لاختنا كوكب