دردشة بنات العراق, دردشة حوامل العراق , تجمع بنات العراق

حبيبي · 04-23-2012, 12:10 AM

عذراء اشلونج وشللون هدويه بنت خالتي اليوم ولدت وعمليه قيصريه وجالسه تبجي بلمستشفى من الالم
كسرت خاطري عمرها 17 سنه صغننه خطيه جابت بنوته فاطمه الله يخليها الهاااا

حبيبي · 04-23-2012, 12:12 AM

اووووووف كل يوم اسولف وحدي راح اموووت من هسكوت

مي & · 04-23-2012, 12:57 AM

هلو رحوبه حبي شلونج وشلون صاااار علاوي
الله ايبارك فيج حبيبتي وعقبااال ما اتزوجين جهالج واتصيرين كماشه
ااي والله لبست بدله لونهه كريمي وشسورت شعري ورقصنه وتعبنه اشكد ما رقصنه خخخخخخخ
وبروره زينه اتبوس ايدج حبي لبستهه بدله بنفسجي وطلعت اتجنن

بس شنو انحسدنه اني وابرار واتغصغصت شويه
كلهم ماشايفيني صااار هوايه فكل الي ايشوفني ايكولي ’’ ياهاي شنو سمنانا مي وصايره كلش هلوه ,, ويا هاي بنتج اتجنن شكد حلوهه ..

ورها يا عيني اني مشتريه محبس جديد شفته من ايدي واكع وكلش انقهن عليه وابرار بس رجعنه بعدنه بسياره غلى غفله كامت تبجي تبجي وما ادري اشبيهه اباروع ابكصتهه اكو دم طلعت سوده عليه متعوره من الدنبوس الي ابحجابي يو كسرت خاطر
والله حسدونه اني وبنتي شسوي لعيون الناااس ما ادري وره ساعه او اكثر خابروني كالولي لكينه المحبس تدرون وين لكو بلكنتور الله عليكم شودااا للكنتور قابل طار من ايدي واني لابسه واحد ثاني ولابسه الحلقه ليش مو كعو من ايدي وياه
والله هاي العين الله يستر منها الله يحميكم ويحمي جهالكم من العين بجاااه الحبيب المصطفى

حبيبي · 04-23-2012, 01:42 AM

اهلين مي الحمد الله اني بخيرر وعلاوي الحمد الله احسن من قبل والله كريم

شنو هالعين الي جاتج انتي وبنتج ناس متصلي على محمد
انتى قبل لدخلين لعرس لو لجمعه نسوان اقرئي المعوذات ونفخي بوجه بنتج وتحميكم اثنيناتكم
ومن وحده اتكول الله حلوه ابرار لو اسمينه لو اي شي كولي الها صل على محمد
اللهم صل على محمد وال محمد الحمدالله على سلالامتك
وبلعافيه الرقص عكبال رقص العرررس وزين لكيتي المحبس مال الحلال ما يضيع على كولتهم
وديري بالج هالمرره وخطيه ليش منتبهتي لدبوووسج عورتي بروره
سلامتكم الف سلالالالالالالالامه

اني اخر عرس رقصت فيه رحت للمستشفى طوارى فجاء اجاني الم ببطني كنت ارقص ولا فيني شي
بس رجعت غرفتي حسيت بالم وكل ماله ويزييييد ورحت مسكنات وفحوصات ونتائج التحليل سليمه
ماكو شي غيررر عين وصابتني
مصيبه صابتهم هنااااس ميخلون الواحد ينبسط ويتهنئ

روح ملائكيه · 04-23-2012, 10:24 AM

هلو بنات شلونكم؟

هاي شنو شو حسد ..ههههههههههههههههههه

وربي هسه اموتها الي تحسد هههههههههههه لأن صدك مااتحمل العين بسرعه اوكع بالفراش وجسمي يورم اسم الله عليكم

مياوي همزين لكيتي المحبس مال حلال مثل ماكالت رحوبه ...اني مره ضاعتلي ترجيه(حلق هذي ترجمه لرحاب هع) وره 3 ايام لكتها بنت جيرانه وجابتها الي ..المال الحلال مايضيع ابد..

رحوبه شلونج عيوني ؟عفاريتج شلونهم؟

بقية البنات شلونكم؟؟

قبل شويه جرحت نفسي بالسكين وكاعده حايره شلون اشتغل واطبخ حتى ردت اسوي حلا مااكدر ..لا حول الله

روح ملائكيه · 04-23-2012, 10:38 AM

نورس حمدالله على سلامتج يله هانت مابقى الا القليل ..

سجاوي شلونج عمري ها بشري شكالتلج الدكتوره؟

نجلاء مشتاقوووووووون اكيد هسه تدرسين الله يعينج هانت قلب قبلاتي لأيهومي

رويده 1 شلونج وشوكت ترجعين؟ الوقه شلونها؟

رويده 2 شلونج عمري اخبارج؟

كوكي شو ماكو مختفيه خيرج ان شاء الله..اليوم بحثت على وصفه بتي فور كلت اغير من وصفاتي لكيت بجوجل صورة لولي كاعد ع الطاووس هههههههههه ياعمري يخبل ربي يحفظه

زيونه شلونج اخبارج؟ شلونها هلونه؟

ام محمد مختفيه ماكو شعجب؟؟ ان شاء الله المانع خير عمري

هنوده هم ماكو مختفيه شأخبار السكر وياج؟

ام زهراء شلونج عيوني اخبارج؟

امووووووووووووووووونه ...ان شاء الله ربي ينطيج الصبر وحبي الخربطه بالدوره معناها قرب الحمل

زنوبه الله يعينج عالالم ..عمتج شلونها بعدهي يمج؟ان شاء الله الشهر الجاي نفرح بيج حامل

ايوووووو شلونج عمري مشتاقوووووون سوفي شلونه؟

فله شلونج؟ وشنو اخبار نورهانه والبيبي الجديد ؟ ربي يتممها عليج بخير وسلامه

هواي غياب بالتجمع

اعتقد نسيت هواي اسماء هههههههههه شسوي للزهايمر واصل لمرحله متقدمه عندي ههههههههههههههههههههه
عذرا لكل من نسيت ذكر اسمها الكل في القلب

White angel · 04-23-2012, 10:52 AM

هلو بنــــات شلونكم
مشتاقيـــن
والله صار يومين ماافوت ملتهيه بــ حرب قاسيه جدا هههههههههههه
والله يابنات زوجي خبلني لزمتني كــأبه وبس اكوله شي راسا بعدني ممكلمه يكولي لا لا لا
وبس احد غيري يكوله يطلع يركض
كتله امشي اني جواعنه والاكل ممشتهيته خلي نروح للماكدونالد ناكل وندردش كال لا
كتله خل نتمشى كال لا
كتله عوفه الايفون من ايدك كال لا
بناااااات راح انجن 24 ساعه لازم لي هل الايفون ولايدري بيه وهو صار الليل طبعا ينيمني ع الايفون وهو سهران
وبس يريد هذيج السالفه يجي يحضن عود كانه من زمان هيج
واني اسكت اكوله اني مرتك بس بالنوم
بنات ماره عليكم هيج حاله..!
اني قبل الحمل جان يدللني ومع العلم السبب مني مجان يحسسني انو مني والي يساله يكول مني السبب يعني منه
بس هسه فد نوب تغير
فددددددددد نوب واني حساااسة للاخر
يعني مااتحمل
والبارحه عناد بي مااكلت ولاشربت وجسمي كله كام يرجف نزل ضغطي
شسووووي والله حموت من الايفون هذا الله لاينطيهم الي نزلو ودمروني بي

عسل بغداد · 04-23-2012, 11:06 AM

صباح الخير هلوبنات شلونكم تسلمين حبي مهاوي عالسؤال البارحه رحت شويه متفائله كلت بلكي تكلي خبر زين انوب طلعتلي احتمال الجنين عنده تلف بالصمام مال القلب لان نبضه مخربط والمي بعده قليلل كالت اذا نبقى هيج 22/4تسويلي عمليه والخميس انشاء الله اروحلها

عسل بغداد · 04-23-2012, 11:07 AM

سلامات حبي انجل الله يكمل حملج على خير وتكومين بالسلامه

عسل بغداد · 04-23-2012, 11:10 AM

بنات امانه الله برقبتها الي تصلي تدعيلي الله يتمم حملي ويكون الجنين سليم معافى يكولون دعوة الغريب مقبوله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM