دردشة بنات فلسطين, دردشة حوامل فلسطين, تجمع بنات فلسطين

[أسـماء]

حبيبتي بالنسبه للانجليزي واضح الحروف عادي ومفهومه .. بس المشكله بالعربي بس يا قلبي ,.
والحل لجميع البنات اللي بيطلع عندها احرفك مو واضحه انهم ينسخو ويلصقوا بالترجمه تاعت جوجل ع طول رح تطلع الترجمه وما تتغلب الوحده ,.

اتمنالك ليله سعيده انا كمان يا قمر

[عيـ‘ـون المهـ‘ـا]

سهى *
ربي يتمم الك على خير,,و *جنى* تلبس ثوب العافيه و الصحه ان شاء الله
احلى شي جهاز البيبي,,و اللون الوردي اممم للبنوتات جنان,,ربي يبلغك شهرك التاسع

[عيـ‘ـون المهـ‘ـا]

~ بينك روز ~
هلا ,,,, نحنا في الف خير ,,,, كيف شغلك و امور حملك

و للجميع تحياتي,,,,
يا صبايا شكلها ~ نبض قلب ~ ولدت ؟ !!
ان شاء الله تدخل و تطمنا عنها

[أسـماء]

يا ربي هون علي الاحساس السيء اللي بعيشه ,.
بنات انا نفسيتي ما كانت سيئه هيك ,.
ببدايه حملي كانت سيئه جدا وبنص حملي كنت مبسوطه بس هلا كتير ببكي وما باكل منيح وما بعرف شو

يعني هلا مثلا قاعده بكتب وببكي بنفس الوقت بس مش عارفه شو السبب ,.
مشغله قراءن وعم بسمع ,.

مش عارفه كتير روحي مفرفطه

[عيـ‘ـون المهـ‘ـا]

المشاركة الأصلية كتبت بواسطة أسـماء

يا ربي هون علي الاحساس السيء اللي بعيشه ,.
بنات انا نفسيتي ما كانت سيئه هيك ,.
ببدايه حملي كانت سيئه جدا وبنص حملي كنت مبسوطه بس هلا كتير ببكي وما باكل منيح وما بعرف شو

يعني هلا مثلا قاعده بكتب وببكي بنفس الوقت بس مش عارفه شو السبب ,.
مشغله قراءن وعم بسمع ,.

مش عارفه كتير روحي مفرفطه

حبيبتي اســـومه ,, التغيرات الهرمونيه و الجسميه كلها بتأثر على نفسية الحامل ,, و انتي في غربه و مع ظروف حملك بالنسبه للتقل و التعب و اكيد ما بيكون الك فرصه لحتى تطلعي و تغيري جو ,, ما شاء الله انتي في الشهر التامن و كلها شهر او اكثر راح يجي بيبي يملى عليكي حياتك انتي و زوجك و تنسي كل التعب ,, حاولي انك تديري بالك على حالك و لا تهملي ابدا في اكلك و تذكري النونو اللي في رحمك انتي مسؤوله عنه ,, و الحاله النفسيه راح تأثر عليه ,, طبعا الوحده في الغربه بعد الله و اهلها بعاد بيكون جنبها زوجها حاولي اذا فيكي اطلعي غيري جو ,اطلعوا تعشوا في شي مطعم او , روحوا على محلات اطفال للملابس او ديكورات غرف الاطفال و تفرجي و اذا في عندكم اصدقاء في الاردن او اهل زوجك هناك روحي و اسهروا .. و غييري شوي من نفسيتك
اذا عندك صديقات او تواصلي مع اهلك عن طريق النت حاولي انك تخففي عن نفسك باي طريقه و ان شاء الله الايام بتعدي على خير و كل امورك ترجع احسن من الاول,,,, انا فاهمه شعورك لاني انا كمان في غربه بس الحمد لله ذكر الله ونيسي و بنوتاتي و زوجي ربي يحفظهم مالين علي الحياه لا بد انو في الحياه شي حلو عم بيعوضنا هاد النقص و انا معظم وقتي في البيت مع تقل الحمل بس صدقيني حركة البيبي نفسها بتخليكي تشعري باحلى سعاده,,, و دائما تذكري الشي الحلو اللي في حياتك تذكري انو الله وهبك نعمة الحمل و عم تنتظري بيبي حلو راح يفرح فيه قلبك ,,, حبيت حبيبتي اشاركك و لو بكلمه و كلنا خوات هههه رغم انو حروفي بتطلع عندك اشكال بس حبيت اواسيكي,, بتمنالك الهنا و ربي يقدم كل خير الك ,
و رددي كل يوم هاد الدعاء ((اللهم اني عبدك ابن عبدك,أبن امتك ناصيتي بيدك,ماضٍ فيََّ حكمك,عدلُ فيّ قضاؤك, أسألك بكل اسم هو لك سمّيت به نفسك , او انزلته في كتابك , او علمته احدا من خلقك ,او استأثرت به في علم الغيب عندك, ان تجعل القران ربيع قلبي , و نور صدري و جلاء حزني و ذهاب همي)) قال رسول الله من قال هذا الدعاء ألا اذهب الله عنه همه و ابدله فرحا ,,,,,

[غُمُوض أُنثَى]

صبآحكم ورد يآ صَبآيآ شو الاخبار ياحوامل

مين قربت ولادتها ..؟

والله احساس وعسولة مش مبينين بالمرة ان شاء الله المانع خير

ونبض قلب شكلها ولدت اكييييد

سهى وبينك روز كيفكم ..

ام يامن وعيون المها ..

اسماء .. انتي مغتربة متلي شكلك؟؟

الغربة كتير بتأثر عالحامل انا كنت متلك ببكي بدون سبب ودايما متنكدة ومتدايئة

النفسية ممكن تحطمك ديري بالك

موفقين بنات وان شاء الله يومكم سعيد

[احساس أنثى]

ببببببببببببببببببببخ

هههههههههههه

أنا هوووووووووووون

بصراحة أنا مابفضى كتير اول سنة احس المناسبات فيها كتيرة ماشاء الله مو مبطلين طلعات انا وحماتي وزيارات

ومع الحمل اي مشوار بطلعوا بروح تعبانة ومصدعه حتى لو بسيارة للسيارة ... ربنا يعينا

بس الحمد لله الجو عنا بغزة الو يومين لطييييييييف

ان شاء الله يجي رمضان هيك كمان لأني بكون بالتاسع والله يستر ههههه بس كلوا بأجروا


كيفكم انتو صبايا

[نبض قلب]

غموض انثى ، عيون المها شكرا ليكم على السؤال

لساتني هون

ما ولدت لهلقيت كان معادي 26/4

ادعولي

شكلي راح اتغلب بالولادة

[إم يامن]

المشاركة الأصلية كتبت بواسطة نبض قلب

غموض انثى ، عيون المها شكرا ليكم على السؤال

لساتني هون

ما ولدت لهلقيت كان معادي 26/4

ادعولي

شكلي راح اتغلب بالولادة

نبض القلب

ارهاق اسبوع كامل تأخير عن موعد الولادة هيك رح تتعبي اكتر شو خبرتك دكتورتك انا بعرف بس تتاخر الوحدة بيكون خلص لازمها قيصرية لانه البيبي بيبدأ يضعف بعدين وانت وياه بتتعبو
ابئي طمنينا شو خبرك الدكتور

[Om KHaled]

http://forum.hwaml.com/t109045-3.html