ابدى ترتيب او رأح يأذي جنيني لا سمح الله ..؟؟

[أسـماء]

مرحبا يا بنات كيفكم ..؟؟
يا رب تكونوا بـ خير وصحة وسلامة ..,

أنا شخصيتي ما بحب حد يتعب بسببي او يساعدني ويتعب بسببي ,, يعني حتى لو كانت ماما ,.

بتعرفوا انا على وجه ولاده والبيت بدو بصراحه شويه ترتيب خاصه اني ما جهزت المكان اللي رح استقبل في الضيوف بعد الولاده ,.

المهم ادخل بـ الموضوع ,, تجهيز مكان الولاده من وضع تخت مفرد وهالحكي بدو شغل كتير ونقل كنت وهيك ,,.

هل ابدا اقوم بهاد الشي من هلا لاني صرت 5 ايام داخله بالثامن او رح يأثر ع الجنين ويسبب الأذى اله لا سمح الله حسب علمكم يعني ...!!

او أأجلها ,.

ومع العلم انه امي بفلسطين وانا بالاردن يعني ما بدي تيجي ترتب بيت بنتها حابه كتير يكون كل شيء جاهز فهمتوني يا بنات والا لأ ..؟؟!!

لا اطنشوني اذا ممكن يسبب اذى للجنين احكولي وانصحوني ترى ما عندي حد أسأله غيركم حبيباتي انتو ,,.

[برّو !]

الله يعينك حبيبتي
بس خلي زوجك ينقل الاغراض وانتي
بس اشري وين يحط هذا وهذا
لازم يتعب معاك شوي مستحيل انتي بنفسك بتسوين الترتيبات ^_^

واذا وحده من جاراتك معها خدامه وانتي بينك وبينها مياانه
اطلبيها منها مراح تقول لا

الله يهون عليك

[أسـماء]

ااااااااخ زوجي حبيبي الله يخليلي اياه فكره يساعدني مستحيله مش عارفه لانه كسول كتير يعني لا حد ينصحني بزوجي هههههههههههههه

بالنسبه لجاراتي ما بختلط بحد كتير يعني خاصه اني جديده بالمنطقه ,.

انا بقدر ارتب مو مشكله بس اللي بدي اعرفه بيأثر ع الجنين بهاد الشهر والا لأ..؟؟

[حامل لأول مرره]

حبيبتي الثلاث شهور الاولى والاخيررره

خطررره وحاولي ماتشيلي اشياء ثقيله

وماتتعبي نفسك

والله يتمم لك ع خيررر

[ملاك العشق]

والله ماعندي علم لاني لساعني بالخامس واول واحد
ان شا الله البنات يساعدوك

[أصآآيل]

بدري الحين حبيبتي خليك على الاقل لاخر الثامن وابداي جهزي لانه في التاسع ما تدري مى رح تولدي اوله او اخره او وسطه ...



وزوجك ما رح يقصر معاك ...الله يسهل امرك

[fatizora]

حبيبتي ما انصحك تشيلي الثقل خاصة انت بالثامن غيره يمكن لك تعملي شغل البيت عادي بس اثقال لا والف لا
هذه نصيحتي

[أسـماء]

الف شكر ليكم يا بنات رح استنى لاول التاسع ان شاء الله ,.
بجد شكرا لجميع اللي ردو علي
احلى بنات والله

[فآنو~!]

لاتشيلي اشيا ثقيله بتتعبي انتي قبل الجنين

[لمِيس]

ليش ما تطلبي من زوجك

انتي بحالة حمل واذا ما ساعدك بهالفترة ايمتى رح يساعدك ؟؟

مافي تعب ولا مجهود بالنسبة الو مجرد بينقل الاغراض الثقيلة وبيحطها بالغرفة بالمكان الي بدك اياه

وانتي بتكفي الباقي مثل التنظيف ووضع المفارش وهيك شغلات

انتي جربي تطلبي منو وشوفي شو رح يقول لا تحكمي عليه من غير ما تطلبي شي