كم من عشرة تستحق أجوبتها؟ .. موسم اختبارات حوامل الأول

[♥IcE pRiNcEsS♥]

بنت صيدا عجبتني اجوبتك كتييير
اعطيكي 10

[العاااالي مستواها]

المشاركة الأصلية كتبت بواسطة بنت صيدا

س1- موقف كبير مررتِ به في طفولتك شعرتِ إنه خلق فيكِ النضوج وزاد من عمرك ووعيك؟

الموقف كان لما كان عمري 16 سنه والموقف كان زواجي من زوجي السابق وفعلا خلق فيي النضوج وزاد من عمري كتييير ومن وعيي اكتر بس للاسف بطريقه سيئه نتيجة الامور اللي مريت فيها .. الحمد الله على كل شي بس من ناحية ايجابيه صرت واعيه كتير



س2-الحب طرق وأصناف ومذاهب ما هي طريقة حبك لزوجك؟ كيف تعبرين عن هذا الحب وكيف توصلينه له ؟ سواء بالأفعال أو بالكلمات الخاصة بشخصك أنتِ؟

طريقتي معه اني بعمل كل شي بحبه وبمشي زي ما بده وبسمع كلامه خليني قول بنسبه 90 بالميه وبتجنب الاشياء اللي بتعصبه ومن الاول اهتميت بنقاط ضعفه والنقاط اللي فاقدها واللي محتاجها وركزت عليها كتير .. اما طريقه تعبيري عن حبي ففي اكتر من طريقه تعلمت كل الاكلات اللي بحبا و بهتم بادق تفاصيل راحته و كمان بسمعه كلام حلو وغزل بس نكون مع بعض و كل فتره وفتره ببعتله مسج حلو واحيانا ببعتله كلمة بحبك بس .. طبعا هالشي من فتره لفتره من شان ما يمل من هالشي .. وفي طريقه كمان اني بعز وبكرم اهله كتييير كتييير و هالشي اكيد كمان طريقه تعبير عن حبي اله لاني لو ما بحبه مش رح حب اهله


س3- ما هي السلبيات التي أوقعكِ فيها الدخول المتواصل لشبكة الانترنت وتحاولين التخلص منها؟


السلبيه المشكله عندي اني مجرد ما افتح النت بنسى حالي وممكن اقعد بالساعات وانا مش حاسه على حالي وبصير كل شوي بقول لحالي هلأ بقوم وخلص بكفي بس ما في فايده هههههههههه من شان هيك صرت خلص اشغالي كلها بالاول بعدين بقعد عالنت لاني مش قادره اتخلص من هالسلبيه

س4- هل يضيرك ويزعجكِ حديث زوجك بحضورك عن جمال كذا فنانة او اعلامية او شخصية مشهورة؟ وما هي ردة فعلك لحظتها؟ تبدين الغيرة أم تكتمينها ولا تجعلينه يلاحظ شيئا؟

انا عني من جواتي بكون رح موت غيره ما بكذب عليكي بس ما بظهر هالشي .. بس كل مره بصير هيك بصير بطريقه المزح معه ببينله اني انزعجت وبصير قله يا خاين اه يا قلبي وهيك شي .. و كمان في شغله منيحه بهالنقطه اني بعرف شو اللي لفتله نظره بالفنانه او الاعلاميه وبحاول اني خليه فيي كمان .. اممم رح اعطيكن مثل اكتر شغله صارت بيني وبين زوجي انه دايما بعلق عالجسم الحلو والحمد الله عم نقص وزني وصرت منقصه من 94 كيلو ل 67 كيلو .. يعني احيانا بتفيد هالنقطه .. في نقطه بدي قولا بخصوص هالشي كمان انه في ناس بتحس هالشي نقص من كرامة الزوجه وعدم احترام مشاعرها انا عني ما بعتقد بهالشي .. لانه طبيعه الرجال انه يطلع هالشي من رب العالمين .. الله خالق فيهن حب النساء .. وخليه يقول هالشي قدامي بالنهايه انا كسبانه احسن ما يقوله بقلبه وانا ابقى على عمايي مش عارفه شي

س5- الزواج بعيداً عن مدينة أو بلد الأهل هل له إيجابيات معينة؟ ما هي برأيك؟

انا حاليا عم مر بهالتجربه بس بطريقه غير شوي .. انا كنت عايشه مع اهلي ببلد غير لبنان ولما تزوجت من زوجي الحالي انتقلت لبلدنا لبنان واهلي بقيوا بالبلد التاني .. بالنسبه لايجابيات هالشي انه المشاكل بين اهلي وبين زوجي بتكون قليله كتير وعالاغلب معدومه لانه كترة الخلطه الا ما تولد مشاكل حتى لو كانت صغيره هالشي تفاديته .. كمان في اني اعتمدت على حالي اكتر بغياب امي يعني بابسط شغله بدل ما اطلب من امي اكلات معينه بحبا صرت اخد الطريقه منا وانا اطبقها .. وشي اخير انه عبء الواجبات التقليديه خفت عندي من زيارات وهدايا هههههه ما تقولي عني بخيله بس والله احيانا بتكون هالشغله مصروف تاني .. يعني صرت حاليا بس مكالمات هاتفيه بتكفي

هيدي اجاباتي وبانتظار تقييمكن يا احلى بنات

ربي يسعدك في حياتك يالغاليه
10%10لوعندي درجه اكثر كان عطيتك هيه

[العاااالي مستواها]

ام الق ربي يسعدك مميزه بطرحك يالغاليه

[أم نايله]

ام الق يسلمو ياقلبي على دعوتي للمشاركه
والله يعطيكي العافيه ويكتبلك ساعه سهله يارب وتقومي انتي ونونتك بالسلامه

بنت صيدا الله يوفقك بحياتك ويعوضك خير يارب
بعطيكي 10
وبالتوفيق يارب
وبانتظار المتسابقة الثانيه تجاوب

[اوشي]

بنت صيدا اجوبتك تنم عن ثقة بذاتك ووعيك الفكري ربي يسعدك وينولك اللي في بالك


اقيمك 9 من 10

[أم أيهومي]

حبيت ادخل بعد ماكملت قرأتي للامتحان بكره ادعولي بالنجاح وبتفوق يارب

ام الق متلهفه جدا لااقرأ اجوبتك
وشكرا لكل من علق على اسئلتي لاام الق

وكمان اقيم الغاليه بنت صيدا ب10

بصراحه اعجبتني ردودهة البعيده عن التكلف والرتوش واحببت كونها عفويه وطبيعيه
وتعجبني صراحتها التي لاتعترف بها اغلبنا من النساء
دعائي لها ربي يتمم عشها الزوجي بعصفور يملأه تغريدا وشدوا
مع خالص محبتي للجميع

[جنوبية الهوى]

حياتي بنت بلادي اعطيكي 9 نقاط
موفقة حياتي وربي يعطيكي الذرية الصالحة انا وانتي وكل العايزين يا رب

[جميله وشيك]

بنت صيدا 9 من 10 ياقمر اجابتك كتيييييييييييييير حلوه

اسئلتك ام ايهومي جميله وذكيه وانا كمان محضره اسئله للرائعه ام الق وسوف اضعها عندما ننتهي من تقييم الجميله بنت لبنان بنت صيدا وفي انتظار المشتركه الثانيه مع بنت صيدا

[بنت صيدا]

يسلمووووووو كتيييييييييير لكل اللي قيموني
وعن جد خجلتووني بكلامكن .. الله يسمع منكن ويرزقني ويرزق نساء المسلمين الذريه الصالحه

[رامان]

مشكوووووره أم ألق على دعوتي للتقييم

بنت صيدا- عجبتني صراحتك اللي مثل ماقالت

أم أيهومي نادره تلاقيها في معشر النساء

وأما نتك بكل كلمه تكونين صادقه وإنتي تكتبينها

وأسلوبك مرررره كان على طبيعتك ما تكلفتي

غير كذا حاولتي تختصرين إجاباتك وتوضحينها

لكذا بيكون تقييمي لك كأول مشاركه لي معاكم

بالتقييم وأول إجابات أقرأها إجاباتك بعطيك

10/10