تجمع امهات التوام حياكم

[الأميرة جوري]

السلام عليييييييييييكم
شحالكم؟كل عام وأنتم بخيييييييييروعساكم من العايدين السالمين

أول غرام
شحالج يالغالية منووووورة وينج؟أسعدتينا بطلتج الحلوووووووة

الذوق
ماشاء الله الله يحفظهم حلوووووووين ويتشابهون

عشمانة
الله يهدي زوجج ويديم الحب بينكم

مها
هلا والله منورة حبيبتي شحالج؟ وشحال التوينز؟كل عام وأنتي وعائلتك بألف خيييييييييير

نارة أم سارة وسبلاء

كل عام وأنتم بصحة وسلامة مع من تحبون

[الأميرة جوري]

بنات عندي مشكلة مع توأمي يحاولون يمصون أصبعهم مع أني ماأخليهم يجعون ع
طول أعطيهم رضعه ومرات صدري ومرات وجبة بسسسس يريدون يمصون لوهم شبعانين
الحين صارلي شهر وشي وأنا مسكرة يديناتهم بقفازات حتى اللهايه ماأريد أعطيهم
ياترى أقدر أمنعهم بهالطريقة؟؟؟ جننووووووووووووووووني

[درة البحر]

السلام عليكم شخباركم ياأمهات التوينز وكل عاام وأنتوا وتونزاتكم بخير
أخيرا انضميت لكم بعد معااناة الحمل ولدت في الأسبوع 34 وجبت بنوتتين بس بعدهم في الحضانة دعواتكم لهم يطلعون بالسلامة

[الأميرة جوري]

[html][/html]

المشاركة الأصلية كتبت بواسطة درة البحر

السلام عليكم شخباركم ياأمهات التوينز وكل عاام وأنتوا وتونزاتكم بخير
أخيرا انضميت لكم بعد معااناة الحمل ولدت في الأسبوع 34 وجبت بنوتتين بس بعدهم في الحضانة دعواتكم لهم يطلعون بالسلامة

وأنتي بألف خييييييير
مبرووووووووك والحمدلله ع السلامة
آن شاء الله بيطلعون بالسلامة وبضميهم لصدرج لاتخافي هذا شي طبيعي
بيخلوهم لفترة وبعدين بيطلعوهم بس أنتي أهتمي بنفسج وبنفاسج ونفسيتج.

شو سميتيهم؟

[نـــــــارا]

الذوق كيف يعني ما تعرفين من طلع قبل؟؟ انتي عملية ولا طبيعي؟ انا كنت عملية ووحدة طلعت عشر و 38 دقيقة والثانية عشر و 40 دقيقة الفرق بينهم دقيقتين
والكبيرة سنا وشكلا وحجما من يوم كانت ببطني سميتهم على اساس الوزن ويوم جبتهم كانت اللي وزنها اكبر طلعت اول وهم الحين حجمها اكبر والفرق بينها وبين اختها نص كيلو

حبيبتي احلى تونز عندنا وعندك خير انا بناتي تموا الاربعة اشهر الاولى ما يدرون باصبوعهم لان كان شتا وبرد واياديهم دوم في القفازات
ولما فصختهم القفازات كنت ابيهم يتعلموا يمسكوا الاشياء على طول لبشوا في اصبوعهم
الثنتين الى الان يمصوا صبعتينهم السبابة والوسطى مع بعض وحتى لين مصوا ثنتينهم في مرة
والحين بناتي عمرهم سنة وياكلوا ويشبعوا ويشربوا حليب وهم نفس الشي صارت صبعم تسلاية

[درة البحر]

أحلى توينز الله يبارك فيك ويسلمك والله نفسيتي تعبانة مرة بسبب بعدهم عني بس أحاول أصبر نفسي ووكلت أمرهم لرب العالمين وهو بصير بهم الله يحفظهم ويطلعهم لي بالسلامة وسميتهم ياسمين ونرجس
حبيت أسألكم أنا الدكتور قال لي أشفط الحليب وأوديه لهم وسويت مثل ماقال الدكتور بس الحين الحليب بدا يقل يعني في اليوم رضاعة وحدة وأحيانا أقل شسوي عشان يزيد ادرار الحليب عندي لأني أبيهم يرضعون من صدري بعد مايطلعون بالسلامة

[زود الغلا]

السلااااااااااام عليكم
وحشتوووووووووووووووني
غرووووووووووووومة ياااااااااااهلا وغلاااااااااااااااااا وحشتينا فقدناااااااااااااك اجل لي الحين ماجبتي خدامه ابشرك الايام الجاية راح تخليك تقررين تجيبين التوام متعبييييييييين يبيلهم مجابل الله يعينا
درة البحر....ااااااااااااااااااااااااااالف اااااااااااااااااااااااااالف مبروووووووووووووووووووووووووووك والحمدلله على سلامتك لا يضيق خلقك على بناتك انشالله فترة وتعدي اهم شي ان ارتاحي .
عشمانه ....الله يسخرلك زوجك يمكن عنده مشاكل مع اصدقائة او بالدوام او احيانا بدون سبب يتعكر مزاجه في ناس كذي بدون سبب فترة وتعدي بس لا تزنين علية ليش متغير وليش وليش لانه الرجل مايحب هالسلوب وعليك بالدعاااااااااااااء اللهم اجعله قرة عينك واجعلك قرة عين له اللهم اميييييييين
الذوق ........اسم الله عليهم عيالك يهبلوووووووووووون تبارك الرحمن .
حور العين ...... بقولك الطريقة اللي ضبطت نوم بناتي بس ماينامون عددددل لا بس احسن من اول ....8 شهور من عمرهم تقريبا كنت اصحيهم الساعه 10 الصبح واريقهم وينامن الساعه 3 تقريبا وينامون ساعه وبعد الساعة 8 ما اخليهم ينامون واذا كانوا دايخين حدهم 10 دقايق وبس اليوم اللي ينامون فقط الظهر وماينامون بعدها تكون نوم الليل منتظمة والحمدلله الله يعين انا بناتي مصاصه كل شوي قاعدين من النوم يدورونها .

[رضاك ربي]

شخباركم امهات ويحليلكم من امهات بمعنى الكلمة ههههههههه
ترى التوينز حمدلله حلوين برغم المعاناة

[نـــــــارا]

درة البحر

الشفط يكون كل ساعتين بانتظام لا توقفين على كثر ما تشفطي على كثر ما يدر حليب

اشتري لك شفاطة كهرباء الكترونية ماركة مادبلا اللي تشفط من الصدرين في وقت واحد
وبامكانك تخزين الحليب بالفريزر لمدة ثلاثة اشهر ولا تنسي تكتبي عليه تاريه الانتهاء عشان ما تنسي

الاكل اللي يدر الحليب

الجزر
العدس
الشوفان
الحليب
الحلبة
حبة البركة
الينسون
ولو تبحثين تلقين وايد

وبالتوفيق

[درة البحر]

المشاركة الأصلية كتبت بواسطة نـــــــارا

درة البحر

الشفط يكون كل ساعتين بانتظام لا توقفين على كثر ما تشفطي على كثر ما يدر حليب

اشتري لك شفاطة كهرباء الكترونية ماركة مادبلا اللي تشفط من الصدرين في وقت واحد
وبامكانك تخزين الحليب بالفريزر لمدة ثلاثة اشهر ولا تنسي تكتبي عليه تاريه الانتهاء عشان ما تنسي

الاكل اللي يدر الحليب

الجزر
العدس
الشوفان
الحليب
الحلبة
حبة البركة
الينسون
ولو تبحثين تلقين وايد

وبالتوفيق

مشكورة نارا عالنصيحة والله يخلي لك البنوتات