تجمع رعاية المولود من حديثي الولادة إلى شهر 3

[Mishael]

ياهلا وسهلا بريما ،،حبيبتي حمدلله على سلامتك شوفي ياعمري غالبً البيبي لما تحطي لها حليبك بالرضعه ماعاد ترجع تمص صدرك ،،ولا تشيلي هم اذا
كانت تشربه بالرضعه شي كويس ،، وانا الدكتوره كانت تقولي حطي كل المنطقه السودا بفمها مو بس البارز وبالبدايه متعبببه بعدين تتعود عليه

[يارحيم]

بناااااات حلقت لخالد

انا وابوه تساعدنا وحلقناله بالمكينة لان خفنا من الموس يجرحه ولا شي.. صراحه انصحكم كلكم احلقوو صحيح ان القرعه مب حلوة بس اهون من اول كان راسه مبقع اجزاء فيها شعر واجزاء لا كنه مريض بسم الله عليه..

والحمدلله ساكت طول ما نحلقله ما صاح ولا هبل بنا ولا يتحرك الظاهر كان مستمتع المكينه تسوي مساج لراسه لان ولدي من النوع المدمن على المساج لما يصيح اقلبه على بطنه واسوي مساج لظهره وكتوفه ويسكككت ويرووق ياحبيله..

مدوخة لا تترددين ابد سهله كانت مرة والولد شكله ارتب وان شاءالله مثل ما قالو البنات اسبوع ويطلع :)

[Mishael]

مشاءالله كويس الحمدالله نقوله نعيمن خلودي وخ يناس بسم الله عليه تبارك الرحمن ،، وان شاءالله مايطول ويلع ولو طول مايجلس كذا مبقع عسئ ربي يحفظه

[Maayaa]

ماشاء الله عليك يارحيم هذا اللي ودي فيه ،،، ودي احلق شعر ولدي بس مامي مانصحتني ابد تققول حرام عليك راسه لسى مثل المويه

واولدي فراغاااااات من قدام كبيره قبل ماكان كذا اول ماولدته

[يارحيم]

المشاركة الأصلية كتبت بواسطة maayaa

ماشاء الله عليك يارحيم هذا اللي ودي فيه ،،، ودي احلق شعر ولدي بس مامي مانصحتني ابد تققول حرام عليك راسه لسى مثل المويه

واولدي فراغاااااات من قدام كبيره قبل ماكان كذا اول ماولدته

اي زيي انا اول ما ولدت كان وش زين شعره بعدين فجأة تقشرت فروة راسه وطاح شعره.. انتي والده معي بنفس اليوم يعني ولدك كمل شهر وش اللي موية وما موية بسم الله عليهم يكبرون بسرعه ولدي حتى يدينه ورجوله فرقتها.. زانت عظامه وصارت اقوا شوي وماصرت اخاف اشيله يعني ماهوب موية زي اول ما انولد.. السنه يحلقون سابع يوم لو انها خطرة ما صارت سنه..

نصيحه احلقيه والله الحين اطالعه واحسه حلو ههههه صراحه احلى من اول حتى لو ما طلع بسرعه عادي.. ولا شكله اول من ورا شعر ومن قدام مقرع!! الحين صار شكله مقبول لما حلقته..

والمكينه حلوة مب زي الموس يعني تحسين ان الشعر كنه توه بادي يطلع مب سئ ابد الشكل.. ماعليك من امك خلي وحده من خواتك ولا حتى الشغاله تساعدك عشر دقايق وانتم مخلصين عشان ما يتم الشهرين ويزين ويحلو الا وشعره طالع :)

[يارحيم]

الله ينعم عليك ميشو :)ما قلتيلنا وش صار على شفة بنتك والدمل؟؟

[Mishael]

لسى والله موعدها بيوم 19 ميلادي بس كأنها صاغره شوي مع القرائه

[مدوخه حبيبها]

صباح الخير،،،
يارحيم/ نعيما لخلووودي،،،
وانا البارح حلقت لحيدوري بالمكينة وماصاح ،،وابوه يقول صار احلى وبينت ملامحة

[شهآليل]

السلام عليكمم ورحمة الله وبركاته

اخبااااركم بنات ^_^

بسالكم انا تقريبا باقي اسبوع واخلص نفاسي بس ينزل معاي افرازات صفرا مع افرازات لزجه مخاطيه بيضا تجي كانها خيوط بس مافي دم ومافي ريحه عشان نقول التهاب اعذروني ع الوصف

بكذا انا طهرت او لا والافرازات اللزجه اخاف انها خراب مين صار لها مثلي وهالشي طبيعي او لا


طمنوني

[Mishael]

شهاليل انا صارلي مثلك ،، وقالولي تعتبر طهاره وصليت وبعدين اكلت حبوب الرضاعه وصار اللي بيني وبين زوجي قامت نزلت الدوره وجلسة 12 يوم وبعدها نفس الشي افرازات ونزلت مره الثانيه سبعه ايام واللحين الحمدالله مامعي شي لاافرازات ولاغيره وامي تقولي لانك ماتغذيتي زين ماطهرتي بسرعه والدكتوره قالتلي عادي كثير حريم كذا واتذكر عيش الحياة وملكتني بهمسك كانو يقولون انهم ياخذون تحاميل وينظفون زين