دردشة حوامل دولة الجزائر- تجمع بنات الجزائر

[محبوبة ميمو]

وينكم يا لبنات ..بليدية اليوم ما بنتيش خير ان شاء الله

[nacèra]

راني هنا اليوم جات عجزوتي على بيها مابنتش ميمو

[محبوبة ميمو]

تهلي فيها نصيرة ...اه انا تاني توحشت عزوجتي دريلها الحنة الليلة تدعيلك بدعوة الخير وصليلها السلام

[allmaza]

الله يبارك راكم متهليين في عجايزكم
انا تاني نحب لي يحب حماتو تبانلي هادوك هوما بنات الاصل و الساس

[فرقان]

اما انا عجوزتي عايشة عندي دايما هى و شيخي الحمد لله على كل حال القدر بيناتنا وانا الي نحنيلها هي تاني مديرتني كما بنتها بصح ساعات تتحول منديرش عليها بصح والله قلبها بيض محاسنتها على وجه ربي و وجه راجلي ...............

[nacèra]

انا راهي عجوزتي و نفس الوقت خالتي

[allmaza]

المشاركة الأصلية كتبت بواسطة فرقان

اما انا عجوزتي عايشة عندي دايما هى و شيخي الحمد لله على كل حال القدر بيناتنا وانا الي نحنيلها هي تاني مديرتني كما بنتها بصح ساعات تتحول منديرش عليها بصح والله قلبها بيض محاسنتها على وجه ربي و وجه راجلي ...............

ديريها كيف امك
انا راجلي يزيد يحبني كي نقادر امو و سيرتو كي مات باباه وقفت معاها و قعدت معاها ما روحتش و عاونتها
بصح التخرنين تع العجايز فيها فيها
انا دايما نقول ماشي كيفي انا متعلمة و هي مسكينة جاهلة ما ناخدش على تصرفاتها
هي تاني ناس ملاح معايا و تشتيني و شيخي مات راضي علي ربي يرحمو

[فرقان]

انا و الله نحبهم و متهلية فيهم كثر من ولدهم لانو دايما غايب بحكم خدمتو انا مشكلتى سلافاتي كل مايجيو عندي تتبدل امهم علا خاطر يحرشوها علي لكن الحمد لله نعر كياش نتعامل معاها نوكل رب برك........

[allmaza]

المشاركة الأصلية كتبت بواسطة فرقان

انا و الله نحبهم و متهلية فيهم كثر من ولدهم لانو دايما غايب بحكم خدمتو انا مشكلتى سلافاتي كل مايجيو عندي تتبدل امهم علا خاطر يحرشوها علي لكن الحمد لله نعر كياش نتعامل معاها نوكل رب برك........

هدا هو المشكل الامهات يسمعو هدرات بناتهم و خاصة كي تكون السلفة اقل جمالا و لا علما و مادة من مرت خوها تبدا توسوسلها

[nacèra]

هاذو هما العجايز مرة هاك ومرة هاك