تجمع حوامل ليبيا

[عيون زوجي]

المشاركة الأصلية كتبت بواسطة لولى2010

ربي معاك بس انا نحس فيها مخاطرة بالبيبي وانت بروحك لان فى نهايه التامن او بدايه التاسع ممكن يصير ولاده شوفى انا جبت فى نهايه التامن
وهنا الخطوط القطريه مستحيل يخلوك تسافرى وانت فى نهايه التامن هدامعناها ان اكيد فى خطرع البيبي او عليك وكان هدا هما شن هامهم الا الفلوس لكن هما يخافو
ونصيحه فكرى كويس

نبي نروح........ نبي نروح
نبي امي........ نبي امي
خايفه نجيب بروحي في الغربه بلا امي واهلي ومنو بيشد بنتي قعده صغيرة عمرها سنه وشهر بس

[ام روفيدة]

المشاركة الأصلية كتبت بواسطة عيون زوجي

نبي نروح........ نبي نروح
نبي امي........ نبي امي
خايفه نجيب بروحي في الغربه بلا امي واهلي ومنو بيشد بنتي قعده صغيرة عمرها سنه وشهر بس

أختي عيون راجلها أصبري تربحي سلامتك وسلامت الجنين اللي في بطنك خير من تولدي في الطيارة هههههههههههههه وتحملي كلها أيام قليلة بعد الولادة وتروحي وتشوفي أمك وتونسك وتونسيها

[ام روفيدة]

السلام عليكم كيف حالكم اليوم

[لولى2010]

كيف حالكم وين هل الكساد

[smhaa]

عيون زوجها لو ماعندك الم او طلق ولادة يوم السفر توكلي واركبي الطيارة
لانه حتى لو جاك الطلق اكيد بيقعد اكثر من 3 ساعات

وانتي فكري كويس وشوفي قبل ماتسافري طبيبك

[ميرنا]

المشاركة الأصلية كتبت بواسطة عيون زوجي

نبي نروح........ نبي نروح
نبي امي........ نبي امي
خايفه نجيب بروحي في الغربه بلا امي واهلي ومنو بيشد بنتي قعده صغيرة عمرها سنه وشهر بس

ههههههههههههههههههههههههههه عطك الخير خليك غادى علشن اولدك ياخذ الجنسية المانية يستفيد منها بعد مايكبر والله ضحكتينى من وسط قلبى

[ميرنا]

ايش الا خبار يابنات

[ميرنا]

امبارح روحت الى حوشى الساعة التاسعة ليلا بعد ما طلعن نتائج التحاليل واعطيتن لدكتورة وكانت النتائج كالاتى :
estradiol ll :43.59

fsh:4.53

lh:8.38

prolactine:163
وقالت كل شى تمام ماعد هرمون الحليب مرتفع نين امشيط واعطتنى 6 حبات دوستنكس وقالت عندما اتجيك الدورة اتعودى تحليل الحليب و تتصالى بى وتبلغينى عن المعدل وبعدها اصرفلك منشطات هذا الشهر عن طريق الموبايل وتبلغينى عن حجم التبويض واذا لاقدر الله وجاتك الدورة نسويلك حقن مجهرى وربى يستر هذين اخر خبارى

[ميرنا]

لولى// ايش اخبار بنوتك ان شالله اكويسة

الهندية انستى وين ها لغيبة وايش اخبار الحاج شن صار امعه وايش اخبار بنوتك ويش صار فيك عاى الدورة جاتك ولامازال ولا حامل بشاري
سماح ها ياحبيبتى شن داير صحتك اكويسة ان شالله ربى يفرحك شن قالت لك الدكتورة على الحقن عادى اديرى الشهر هذا *
ام روفيدة ايش اخباركم ياعرب ابريطانيا ويش اخبار النونو
حبل الوصل طالعت من درنة وقعدة عند اختى فى المرج وفى الصباح ذهبت البنغازى وعندما تلقيت مع ام اسيل كملنها احكيات عليك وعلى طيبت قلبك وتعلقك بام اسيل ودعينالك ربى يكمل عليك بالخير وقالت ام اسيل يريتها اتجى لدكتورة ايمان وعلى فكرة المساعدة مع الدكتورة ايمان الدكتورة حكمت دكتورت ام اسيل
هاتو ايش اخبارك واخبار النونو شفتك فى المحلات الام وطفل شارية المحل كله وقال صاحب المحل هذي هاتو وهذا شهرها قاعدة اتوتى وتجهز مخلت على راجالها قرش اجعرى من الراجل يا ولية
اميسر حبيبتى ايش اخبارك تعرفى مشيت لدكتورة علشن خاطر الاضراب لى درتيه وارسلت تحاليلى الى الدكتور عادل فى اميل وطار ونزل لم قراء تحاليل الحليب رد على فى نفس الوقت قيسنى فجعته المسيكين
ساجدة وينك ياام البنات ولا نوية ماتخشيش نين اتربعنى
صابرة هههههه حتى انتى كيف ساجدة على الاربعين
ام لقمان ايش اخبارك ياحكيمتنا ويش اخبار جنان ربى يحفظها

[ميرنا]

ام اسيل اليوم فرح اختها ان شالله الف مبروك وعقبال كل اصغيرة