تجمع الكروشات اللي ولادتهن في رمضان 1433ه

[الرشا]

سلام يامتوحمات ياللي دخلن الشهر الثالث ولللي برضوا مادخلوا
تحيه لكن جميعا جميعا

كيفكم وكيف الوحم معكم ..
اليوم دوام زي قلته بس مشوار عالفاضي لاشغلة ولاعمله
عندي موعد ان شالله الاربعاء بستشفى خالد الحكومي عند النساء والولادة
وهو اللي بيعطيني انا بأي اسبوع ان شالله

بنات تتوقعون باين جنس البيبي .... اصلا الحكومي مايقولون ؟؟
بس اهم متابعة عندهم مشاني اولد عندهم بمشيئة الله

[ام حماده1]

سلام حبيباتي فديتكم وحده وحده تسلمون على الدعوه
اليوم اختبار الرياضيات زي وجهي الفت وحرفت لين تعبت هههههههه
انشاءالله الاستاذه تقدر المواهب بس التوحيد تمام ميه ميه
نور العيون والله جمعتكم تهون علي الوحم والتعب و احب اقرا كل اخباركم
بديت ادمن عليكم مشكله عاااد بعد الولاده وين بلقاكم فديتكم
هيوفي سلامت قلبك الله يعينك وترا عااادي ياقلبي
ام عبدالرحمن لساتك في الاسبوع السابع الله يعينك ياقلبي
رشو انتي ابدي في الثالث اول وبعدين اسالي عن جنس الجنين
انا ودي اعرف بس ماعتقد يبان في اي اسبوع يبان يا بنات

[ام حماده1]

بنات باركولي اليوم اول يوم في الاسبوع 12 يوه احس الايام بسرعه
تمر امس كاني مسويه تحليل الحمل

[(( أم يارا ))]

سلام عليكم ..
اخباركم كرووشات ..؟
ام حماده الله يعينك ويوفقك بأختباراتك ..
والف والف مبروك دخولك الاسبوع 12 عقبال الاسبوع 39 << يووه فرق في الارقام
الله يسهل لنا بس ..
بنات تكفون دعواتكم اولد 1/9 والا 5/9 لانه الزواجات بالصيفيه كثيره وكلهم اعزهم ..
بنت عمي 19/8 هذي اشوا موعد زواجها اكون بكرشتي بس المشكله الزواج بالطايف مو بالرياض قهر مشوار سفر والثانيه بنت خالتي زواجها في العيد بعد موعد ولادتي باسبوع ..
وربي انقهرت يوم حددوا الزواج قاعده اقول لها اجلوه تقول احتمال يتاجل اذا مارجع من امريكا ..
عاد موعد ولادتي يوم 26/9 وامي تقول 17/9 واحترت ..
معليش طولت عليكم لاني انقهرت مووت امس كانت عندنا خالتي وقالت لنا من بعدها شلنا هم انا وامي لاني بكريه وصعبه امي تروح وتخليني ..
وكمان قاهرني شي ثاني بس شكلي بغثكم ..
الله يسهل علينا ويثبت حملنا يارب .. *

[ام سينا]

ام حماده امس رزيتك بس ردي طاير او فصل النت وماوصل

كنت اقول وايش علوم الشيخه ام حماده وعلوم النونو واختباراتها

الله يوفقك وتجيبين احلا نسبه

ومبروك الاسبوع ال12 باقيلك 27 اسبوع هااااااااانت ياوخيتي


==================

ام يارا فضفضي ماعليك انا اسمعك كلي اذان صاغيه
ولجبتي النونو بتنسين العرس واهل العرس وبتطيرين فيه وبينسيك كل شئ

[الرشا]

هلا بأم حماده وش جايبك هنا ... ماعندك أختبارات هااا
يالله معاكي كل اربع ساعات نص ساعة بريك وتطمنينا عنك خخخهه>>> وش دخخلك

هلا بك ياام يارا وش اللي بعد قاهرك قولي
هنا خذي راحتك وفضفضي وكلنا اذان صاغية

وين باقي الجماعة اليوم

[(( أم يارا ))]

الله يسلمكم لبى قلوبكم ..
انا قلت لزوجي بروح عند اهلي ارتاح لانه سبق واجهضت واتفقنا اني ارجع بعد الاختبارات النهائيه .. قالي اوك وجابني قبل 18 يوم وقعدت عند اهلي وارتحت مره من البيت لاني متوحمه ع البيت ومن يوم كملت اسبوع وهو يدق علي تعالي ومن هالكلام وزعل علي .. بعدين عزمته عند اهلي وراضيته ونام عندي وقلت يمكن ماعاد يقولي ارجعي .. وقبل امس دق علي قال لي خلاص السبت راح اجي واخذك ومافيه كلام بنات احنا متزوجين لنا سنه وعليها هو ولد عمي ونحب بعض بس انا من يوم حملت ماني طايقه البيت بس هو لا عادي اشتاق له وكل ما اتذكر اني الليله بروح البيت انقهر واحس بلوعه .. وهو يقول حرام عليك صرت ما اجي البيت الا للنوم البيت مو حلو من دونك .. ووعدني انه الاكل من برى وانه هو اللي بينظف البيت .. انا دورت شغاله ومالقيت ومقدر اخذ وحده من شغالات امي لان البيت كبير ودايم يجونهم ضيوف فجأه .. وابي شغاله كمان ياليت اللي تعرف شغاله بالشهر تقول لي وتنقذني ..
معليش طولت عليكم بس مالي الا انتم فديتكم ..
من اللي مثلي متوحمه ع بيتها .. *

[الرشا]

يووووووه لاتشكي لي ابكي لك يأم يارا
انا من ادخل البيت احط بلوزتي على خشمي وطول اليوم على هالموال
ولما اسوي الاكل يووووه ربي يعلم شنو يصير معي
بس شنو اسوي .. زوجي يضيع من دوني
اتفقنا ايام الدوام أتحمل البيت وباقي الاسبوع اروح لأهلي وارجع الجمعه
بس الحلو في الموضوع انه يدلعني وعارف انها فترة وحام واني متحمله على شانه
وشايفها ايش كبرها

انتي سويي نفس الشي لانك صعبه تجلسي عند اهلك وهو زعلان منك
ومدام قال الاكل من برا اوكيه وتدلعي عليه هالفترة
وتسوي اثنين بواحد
اما ريحة البيت حطي دايم بخور عيري الريحة المعتادة
الله يوفقك ويهديك على الصواب

[نور العيوووووون]

اتوقع اغلب الي تووحمو بالبيت متوحمين من المسؤليه مالووومهم لان الطبخ موجود بكل بيت يعني مب عذر الطبخ اتوقع يام يار وكلي امرك للربك وطام قال بينظف وبيجيب من برا هانت حاولي تتحملين شوي لان الرحال بيتحمل اسبوع اسبوعين وعقب بيطفش وان شاء الله تلقين شغاله وتريحين لان من جد الحمل هم ونفسيه وودك بشغاله تخفف عنك وتطبخ
الرشا الله يعينك والله دوام وطبخ

[نور العيوووووون]

اليوم احس ودي انحاش من تنحاش معي هههههههههه مدري احس مالي خلق ولانفس وماله من كل شيء