تجمع الحوامل اللي موعد ولادتهم شهر شعبان 1434هجري

[نقـــآء]

المتفائله الله يقومك بالسلامه وكل النسوان
ايش الالم اللي تحسيه بالضبط وين مكانه
او على الاقل روحي سوي بحث بقوقل راح تلاقي كل اعراض الولاده الحقيقيه

[نقـــآء]

قومي خذي شاور دافي وشوفي اذا زاد الالم
هذا يعني عندك ولاده واذا اختفى يعني طلق كاذب

[المتفائلـة]

الحمدلله خف دحينه
أحسه فجهة اليسار فعظمة الحوض وأعلى الفخذ
دحينه جالسه أعرج وأنا أمشي زي العجايز .. بس اهون مرره من قبل ساعه

[نقـــآء]

الله يعين والله كنت مرره ابي الوقت يعدي عشان اولد
بس الحين لما صرت احس الالم وقرب الوقت بجد صرت مابيه يعدي بسرعه هههه
خااااايفه موووت من الالم يااااااه الله يعديها على خير ويصبرنا ويكتبلنا الاجر
ونقوم بالسلامه وننسى الوجع

[المتفائلـة]

من جد .. حتى أنا
جالسه أجهز الشنطة وبحاول أقفلها هذي اليومين
بس كذا فجأة حسيت كأنو الموضوع جد وأنا حامل وبإذن الله بولد بالسلامة
كأنو الثمانية شهور اللي فاتت كانت حلم

نفسي أختم القرآن فهذه الفترة قبل ما أولد ..

[ثلاث وردات]

صباح الورد
زوزتا تحليل الجلكوز لاااااااااازم صايمة لاااازم نتيجتو ماحتكون سليمة ابدا
اذا فاطرة .انا حعملو بعد ساعتين ان شاء الله واكدو عليا ما افطر بس اشرب
مية.والله يعيني3 ساعات بدون اكل.
غلطتي... العدان كان زمان زي مابتقولي الان لااااااا صاير ممتاااز
كل الدكاترة اللي عند جوزي في الشغل يولدو فيه.وعاملين بنج نصفي كمان
وبيمدحو وهم اللي اقنعوني بيه .وكلها تساهيل من ربك حتي لو ولدنا فالشارع
المشكلة مش فالمكان المهم تساهيل الله يارب يسهلها لي ولكي ولكل الحوامل.
والمشيمة ماتخافي مادام ولادتك قيصرية ان شاء الله خير.

[عروسة ملاك]

الله يسهل علينا وعليكم

[aso.]

امييييينن ياااربب

[نقـــآء]

اممين يارب


بناات مين فيكم ولدت ببداية الثامن
وكيف يكون شكل الطفل وقتها صحيح بيكون نحيييييف وعظامه مبينه وشكله كأنه معاق؟؟

[soma adel]

ازيكم بنات فى بدايه الشراء
اولى شى اشتريت للنونو
6بناطيل قطن ابيط
6 مرايل
ولسه الباقى انشاء الله