تجمع رعاية المولود من حديثي الولادة إلى شهر 3

[يارحيم]

المشاركة الأصلية كتبت بواسطة ليالي حب

تسلمون يالغوالى.

بغيت اسالك يارحيم انتى عمليتك كبس ولا خياط؟

وكيف مدبر عمرك بهنفاس وهل عندك ناس واقارب؟؟ ومن يساعدك ويراعيك خص ببدايه ولاده واكلات نفاس معروفه من سوها لك..الله يعين..
الله يسهلك

مادري وشو كبس وخياط.. بس انا يوم رحت للدكتورة بعد ثلاث اسابيع من العمليه وقلتلها بتفكين الخيوط؟ قالت لا الخيوط تذوب.. يعني يمكن تعتبر خياط؟ مادري..

والله نفاسي كئيب وماعندي من يخدمني.. بالبدايه كنت مريحه نفسي تماما وزوجي يسوي الاكل يعني اكل عادي.. وانا حرصت على الفواكه والخضار وكنت اخذ حلبة وماش وعسل وتمر كلها حاطتها جنبي بالسرير واشرب مويه كثير.. لكن اكلات ومشروبات النفاس ما سويتها.. بس تقريبا بعد عشرين يوم بديت اتحرك واطبخ وكذا والظاهر هذا اللي تعبني.. صعبه ما اتحرك اربعين يوم وانا ماعندي من يخدمني :(

الحين احاول اريح بعد بس غصب عني اشتغل واتحرك لو ما يجيك الا غسيل ملابس النونو والرضاعات وتعقيمها وغيره..

[ليالي حب]

بنات وش جديد ودارج موضه بصبغااااااااااات شعر
ناوى اصبغ ع خير بس مو عارفه؟؟ بشرتى حنطيه

[Mishael]

ليالي انا والله رحت المشغل وقلت اصبغيني اشقر رمادي ومارضة قالت لازم اسحب اللون وانا شعري دمرااان من نقص الفيتامين بالحمل فطلعت من عندها وجبت لونين اشقر فاتح جدا واشقر رمادي من الصيدليه وخلطتهم سوا وصبغة شعري بالبيت صار عسلي على لمعة رمادي حلو طلعلي وبرجع اصبغه رمادي ،،

،، اللحين اللي دارج الاشقر عالزيتي او عالرمادي

[@ام عبدالله]

ان يمكن استخدم.لولب اركب لي اذأ ركبت وصلح لي بستمر عليه وأذأ ماصلح بشوف شي ثاني

[Mishael]

بصراحه انا اخاف من الولب صديقتي حملت وهي مركبه لولب ،،
بس بعض الحريم لا مشاءالله يستمر معهم كم سنه عادي ان شاءالله يضبط معك ام عبودي

[ال ماما نوف]

بنات الي ركبت لولب تقولي يعور تركيبه وكم من الوقت ياخذ التركيب وهل في فحوصات قبل والا في نفس اليوم تركبلي وهل ادخل يدها وتكشف والا مايحتاج

[مهرة]

السلام عليكم كيف الحال يا امهات
وانا ابغي اعرف نفس سؤال الماما نوف متخوفه مره من الولب

[يارحيم]

بيوووررتي توني استوووعب.. الف الف الحمدلله على السلااااامه.. تتربى بعزكم حور :)

[Mishael]

يارحيم الله يعينك ياقلبي ويريحك ،، والله دايم افكر فيك اقول ياربي تعينها وتصبرها وزين اللي عطيتي ولدك صناعي الطبيعي يتعبببببب وانتي خلقه مرهقه وتعبانه ولحالك ،،
حاولي الطبخ تطبخين اشيا بسيطه واغلب شي نواشف فول مرق طماط مرق خضار معلبات ومقالي جاهزه
والمواعين جيبي بلاستك هالفتره وترتيب البيت احرصي عالغرفه اللي تكونين جالسه فيها مو لازم كل البيت
وترا العمليه تبي حركه شوي اذا كثرتي الجلوس او النوم تخرب عليك الظاهر تظل رخوه ماتشد
،،

[ρυяỉтч •]

الماما نوف انتي ومهره / بالنسبه للولب اول شي بتفحصك داخلي وتتاكد ان مافي التهابات
اذا مافي التهابات تركبه لك بنفس الحظه واذا فيه التهابات تعالجك اول وبعدين يتركب اللولب
/
الله يبارك فيكن يارب حبيباتي ^^ عقبال لكل الكروشات يارب
فعلا يارحيم الله يعينك وحدانيه ونفاس وبيبي .. انا مع الغرز الكثيره ولسا مالي الا يوم واحس مافي فايده مني
والمغص ذبحني الله يعين وخصوصا لما ارضع بنوتتي مدري ايش السر