يومياتي بعد ترجيع الأجنة

[رجائي في الله]

المشاركة الأصلية كتبت بواسطة لؤلؤة السعاده

بنات

الحين في اليوم الثالث عشر اذا سويت تحليل رقمي يطلع ولا ؟

من ناحية الاعراض مااحس غير ثقل بالصدر والام تروح وتجي بالظهر

يارب يثبت اجنتك ياااااارب
انا استشرت مع المستشفى على يوم 14 وقالو لا كملي 14 وحللي يوم 15
اصبري احسن لان ممكن الهرمون يكون مازال ضعيف

[لؤلؤة السعاده]

حبيبتي شاكره لك ردك وسرعة تجاوبك ❤️
الله يبشرنا بما يسرنا ويكف عنا مايضرنا :")

[رجائي في الله]

ام سلطان الله يعوضك خير وان شاء الله المرة الثالثة تجيبي احلى توام ياااااااااااارب

[أم السلطان]

السلام عليكم ورحمة الله وبركاته
صَبحكَــم.ﷲ͜بالـخِيــر
.
.
الف الف مبرووووووك يا اختي ملاك المحبه
ربي يثبت لك الحمل
ويرزقك الطفل السليم المعافى
لا زيادة ولا نقصان
.
.
واللحينه عليج بالراحة
وخلي بالج ممنوع ركوب السيارة
والمشي
اتركي كل المشاغل
وأهتمي بنفسك فقط
ممنووووووع حمل الأشياء الثقيلة نهائياً
البعد عن الأكلات الحارة
مثل البقدونس/ الأناناس/ الزعفران
ممنووووووع الجماع وخصوصاً بالشهور 3 الاولى
الا بعد استشارة الطبيب
شرب الماء بكثره 3 لتر باليوم
البعد ثم البعد عن الامساك
حاولي تركزين على عصير البرتقال والعنب
.
.
وبالتوفيق حبيبتي
واستودعكم الله الذي لا تضيع ودائعه
أنتِ وطفلك
.
.
مع السلامة.

[أم السلطان]

السلام عليكم ورحمة الله وبركاته
خواتي العزيزات...
ربي يسعدكم ويرزقني ويرزقكم كل مانتمنى
حبيباتي شكراً على السؤال
.
.
اللي يسألون عن اخباري
فديتكم انا وآلله الحمد بديت
بالتنشيط
وان شاءالله ربي يسهل الأمور
وأبشركم الشهر الياي بالحمل
.
ياخواتي نصيحتي لكم
لا تيأسون ولا تتكاسلون
دامكم فيها فيها
وكُلُوا امركم لله
والله القادر على ان يرزقنا مانتمناه وَزياده
إنتوا اهم شي توكلوا على الله
وإذا لا قدر الله مانجحت معاكم التلقيح
استمري وكملي الشهر اللي بعده
خلوا الحماس والتفاؤل دائماً بقلوبكم وحياتكم
وان شاءالله بتوصلون للي في خاطركم
.
.
أمس ولله الحمد
وحده من الأخوات
ماشاءالله ( اذكروا الله )
ربي رزقها بتوأم اولاد
الله يبارك لها فيهم ويجعلهم من الصالحين
.
.
هذي الإنسانة عانت كثير
والحمدلله ربي رزقها والأمور تسهلت
اهم شي انها ما قطعت الأمل بالله
وهذي العملية رقم 11
شفتوا كيف تعبت كثير
بس ما يئست وتوكلت على الله
غير السفر والغربه والبعد عن الأهل
.
.
بنات حبيباتي احبكم بالله

مع السلامة *_^

[أم السلطان]

السلام عليكم ورحمة الله وبركاته
اختي لؤلؤة السعادة
يسعد ربي صباحك
.
.
حبيبتي لا تستعجلين
لان حبوب وادويه التثبيت يكون فيها نسبة من
هومون الحمل..
وعشان ما تكون النتيجة مشكوك
فيها..
وباليوم 14 هو اليوم الفاصل سبحان الله
يرتفع فيه هرمون الحمل
والنتيجة تكون أكيده باْذن الله
.
و ان شاءالله تبشرينا بالاخبار الحلوه ياااااارب

مع السلامة ^^

[أم قثم]

السلام عليكم خواتي

ويش أخباركن ؟؟


الحمد لله من قبل ومن بعد.. ما صار حمل معي هذا الشهر . ونزلت لي الدورة

سبحان الله أعراض الحمل والدورة تتشابه

وكنت حاسه اني حامل ولكن الدورة نزلت وكله خير


خواتي

الطبيبه خبرتني اسوي أشعة الصبغة للمبايض بعد الدورة
خبروني عنه ... هل فيه مضاعفات ؟؟

كيف أجهزله ؟؟

كل شيء تعرفنه وخبرني تجاربكن جزاكن الله خير

[تمنيتك بأحلامي]

سلام عليكم وحشتووووني

ان شاء الله اموركم طيبة
ام السلطان
الله يسهل امورك ويارب هالمرة تحملين
بس سؤال....
الدكتور ليش ماخلاك ترتاحين شهرين عالاقل؟
اسمع بعضهم بعد الفشل يرتاحون شهرين او ثلاث علشان الجسم يرتاح من المنشطات
الله يرزقك ان شاء الله ويرزقنا كلنا>>اشتقت للحمل ><

بسألك انتي كم عمر ولدك؟ الله يحفظه
تشورين علي متى افكر بالحمل؟
انا والد بعملية قيصرية وولدي تو عمره شهرين
من ولدت وانا متفائلة أقول ان شاء الله الحملة الثانية طبيعي
وكل اتخيل احمل وولدي ماكمل سنة
بس الدكتورة اللي ولدتني قالت لي لازم تاخذين مانع للحمل عالاقل 8 شهور
علشان على ماتحملين تكونين اخذتي سنة من العملية >>الدكتورة ماتدري اني حامل باانابيب

ام قثم
الله يجبر بخاطرك ويرزقك بالذرية الصالحة قريبا
بالنسبة لاشعة الصبغة
انا ماسويت ولاشي قبلها والدكتورة ماقالت لي استعد بولاشي
يوم 9 من الدورة رحت للمستشفى وسووها لي

[فاطوم2015]

السلام عليكم


اختي ام سلطان يزاج الله خير على وقفتج ويا خواتج و على النصايح اللي تقدمينها الله يجعلها في ميزان حسناتج والله يروقج بالحمل السليم هذا الشهر انا و اناي و كل منتظره و محرومه

انا كان موعدي البارحه سوينا تحاليل انا وريلي و هدو العينه منه و فحصوني انا و عطوني ابر ثلاث ايام في البطن و يوم الثلاثاء ان شاء الله موعدي متحمسه للمشوار اللي ان شاء الله اكمله للاخر مع انه ريلي من النوع اللي يعصب بسرعه يعني البارحه في المراجعه كان ضارب اكبر بوووز و الكل ملاحظ عليه بس الحمدلله على كل حال اهم شي انه راضي عن العلاج

فديتج محتايه تنصحيني هذه اول مره انر بهالتجربه

[رحيل بعالم النسيان]

الله يسهل دربك ويسسر امورك اختي ... والاه يسخر ويهدي زوجك
انصحك لا تدخلي معه بنقاش علشان زعله ...هدي روحك للاخر ..وكل نره والثانيه اعطيه جرعات اعجاب وادعي له وهو يسمع
دعواتي لك اختي بتمام الحمل السليم المعافي
...انا الحمدلله رجعت 3اجنه امس من الدرجه الاولى وحاسه بالم خفيف اسفل البطن مع ثقل باخر القاع توني بالالف ومتفائله كثير وموكله امري لله فهو خير موكل