تجمع حوامل العراق واتمنى اكو احد موجود

[ام تمار]

كوكايه سما البارحه كانت تحجي على التعينات بالمدارس ليش هو اكو تعينات بالمدارس بعدين هاي الطريقه صارت قديمه مايمشون هسه بيها مال محاظرات بلاش مضيعه للوكت اني خريجه علوم تعيناتنه على المستشفى بس زوجي شرط عليه شرط قبل الزواج ماكو تعين بالمستشفى مايحب زوجته داوم بالمستشفى واختلاط يريد مدرسه ماكو اي تعين بالمدارس اني خليت اسمي بالقرعه وماطلعت ورحت داومت بالروضه اهليه وداومت مدرسه اهليه وبراتب بسيط كنت اضيع وقت بس من حبلت بطلت وكعدت بالبيت هسه ماكو تعينات بكربلاء الله كريم الفرج قريب

[ام تمار]

اي بيداء صح ماكو تعينات بالمدارس

[ام تمار]

اني متعينه يم زوجي براتب قدره 350 الف غير المخصصات والحوافز ههههههههههههههههه ماادري يضحك لو يبجي بس من اجيب اكيد راتبي راح يزيد حسب السلم الوظيفي يعني احتمال يوصل 500 الف
زوجي موظف حكومي وراتبه ممتاز وماشي الحال

[بنت الخليج]

حبيبتي مو حجيت وياهة واني متاكدة هاي الطريقة انلغت لكن خليهة بلكي عسى ولعل تتعين الظاهر عدهة وقت فراغ وخليهة تستغلة احسن من الماكو

[بنت الخليج]

ربي يسعدك انشاءالله وية زوجك وايزيد مخصصاتك وايزيد راتبة بلكي توصل مخصصاتك للمليون

[ام تمار]

اهلا وسهلا بالبنات الجدد اهلا بيكم ويانه منورين لمتنا لمة حبايب عراقيه
عقيله (ام سما)...فاتن منورين والله هلا بيكم........
ايه شجاج يمعوده الدنيا ماتسوى والله والطفل شنو ذنبه اذا انتي ضايجه من البيت اطلع اغير جو اروح للبيت اهلي لو اطلب من زوجي يطلعنا رحله سفره قصيره غيري جو بعدين ديري بالج على صحتج تره محد يفيدج اذا تمرضتي لاسامح الله وبعدين اسمعي والله اكو غيرج يمرون بموقف اصعب بالحياة اسأليني اني بغربه وماعندي احد افطفطله اذا حجيت للعيال تعرفين العيال مو مثل الاهل واهلي بعيدين مايفيد النت او موبايل والزوج اذا حجيتي يقل من شخصيتج الرجال يحب الشخصيه القويه والله اصبر واكول باجر احسن من اليوم اكعد وحدي اشجع بالامل وبنتي الي بطني واصنع الضحكه على وجهي واصلي وافتح القران واهدء
لاحبيبتي لاتكولين ساعدوني انتي ساعدي نفسج حبي بيتج وابنج ورجلج صيري قويه تره احنا من اجينا للدنيا وحدنا ومن انموت ندفن وحدنا ومن نتحاسب همات وحدنا كوني ايه قويه
وضحكي تره ماكو بيت عراقي مايمر بازمه اومشكله بس يجي صباح يمحو كل الاسى
اصبحي بخير جميل وحبي ابنج لاضربيه هذا امانه يمج الله يحاسبج عليها يله حبيبتي
مااريد منج هذا التشائم منج لان انتي قويه شخصيتج حلوه ارجعي للتفائل الحياة ماتسوى نبجي عليها ,,,,,,,,

[روح ملائكيه]

ايوته عمري هذا الي يصير بيج كله حاله نفسيه وع الاكثر بسبب علاقتج ويه زوجج

وابنج خطيه شنو ذنبه؟ والله اني مره ضربت شوق اول العام عد اهلي لحد هسه اذكرها وابجي فلا تأذيه للطفل خطيه

ثم شنو تنتحرين؟؟ تردين زيادة ذنوب ونار جهنم؟ استغفري ربج

هدي نفسج وكعدي احجي ويه زوجج بهدوؤ واتفاهموا

[ام تمار]

هباوي الحمد لله على سلامت زوجك ان شالله من بعدها صيرين حامل وماتراجعين غير دكتوره نسائيه بخصوص الحمل اني مثلج مرة سنه من بعد الاسقاط بجي ولطم وكل وحده تسالني على الدوره لو الاطفال ابجي واذي نفسي بعدها ماطولت شهر حتى الله رزقني بالحمل بأذن الله يكمل والله جبير ماينسى عبده اقري قران خاصه سوره مريم بنيه الحمل والبقره
ان شاءالله بجاه الحسين الشهيد وبجاه عبدلله اتفرحين شوفي ماضيج اله ماتفرج بس انتي لاتخلين بالج يم الحمل التهي بغير شي عيشي ويا زوجي فترات رومانسيه وبعدها ماشوفين اله الدوره ماكو والحمل وجع الراس والاطفال بحظنج كلنه هيج الله كريم

[مجنونة بحبها]

السلام عليكم ورحمة الله وبركاته


شلونكم بنات اخباركم اقره الصفحات وارجعلكم

فاصل ونواصل

[ام تمار]

صباح الخير ام سما اهلا بيج منوره
ام شوق شلونج وشلونها بنتج صباح الفل