مواليد<<شهر ربيع الثاني♂ ♀ فبراير (1435,2014)

جريحة المحبه · 11-17-2013, 01:11 AM

بنات

تأكدتوا من جنس البيبي قبل لاتجهزون

اختي تقول لاتستعجلين بالتجهيز اني حلمت بك اني عطيتك بجامه لبنتي واحسك بنت
اللهم لااعتراض والله يرزقنا جميعا باللي نتمنى
انا متوكله ع الله بس لاقريت عن اخطاءالسونار اهون عن التجهيز

ندووش · 11-17-2013, 11:38 AM

صباااااااااااااح الخير

لا يا جريحه صح ممكن السونار يخطي بعض الاحيان

بس في الاشعه ثلاثي الابعاد الا تبين اعضاء الطفل

و سبحان الله تشوفي كل شي واضح

و بعدين للمعلوميه كثير الا حملوا في بنت لم يكشفوا يقولوا رجولها مقفله مو زي الولد

جريحة المحبه · 11-17-2013, 01:28 PM

هلا ندووش

اي قريت عن الاشعه ثلاثيه الابعاد والرباعيه ايضا ودي اسويها بس زوجي رافض بحكم انها غاليه

توكلت ع الله واللي يجي من ربي حياه الله
يارب حسن خلقك وهون طلقك

شكلي اباخذ الوان محايده.

نهال الدوسري · 11-17-2013, 03:33 PM

السلام عليكم ورحمة الله وبركاته

انا صح طولت الغيبة واعتذر لعدم توفر النت عندي بالبيت

انا عندي بنت والسونار قال لي بنت علشان كذا ماراح اجهز عندي اغراض بنتي باخذ اشياء بسيطة

اذا صار غلط ذيك الساعه ارسلت اختي ولا اي احد يجيب لي

خايفه حييل من الولادة وبس افكر فيها وخايفه على الجنين

حركتها خفيفه مرة مو مثل بنتي اول

وبعد السونار يطلع لي انها صغيرة يقول اني لسى بالاسبوع 23

الله يجيب اجنتنا جميعا بالسلامة يارب

احساس طفوله · 11-17-2013, 05:09 PM

مرحبا كروشات اخباركم اليوم؛؛؛؛؛

جريحه اذا الدكتوره اكدت لك انه ولد ان شاءلله انه صح السونار نادر مايخطي خصوصآ اذا قالو ولد وانتي عرفتي نوعه بالشهر السادس يعني كبير مو صغير واذا تبغين تتأكدين روحي سوي سونار مره ثانيه الله بجيبهم بالسلامه يارب ؛؛؛

نهال وحشتينا طولتي علينا والف مبروك البنوته الله يجيبها بالسلامه انتي مثلي ماراح اجهز اشياء كثيره لانو عندي اغراض بنتي بس باخذ لها ملابس زياده الله يتمم لنا ع خير

امنيه وينك مختفيه الحمدلله باقي اسبوع وندخل الثامن

جريحة المحبه · 11-17-2013, 08:50 PM

احساس

مبروك دخولك الشهر الثامن انتي وامنيه

حمدلله والشكر الله يقر عيوننا بصلاحهم وسلامتهم

جريحة المحبه · 11-17-2013, 08:53 PM

احساس

موعدي الجاي بعيد مره بتاريخ13/2

باقي شهر يعني

بنات وينكم التجمع نايم بقوووه

نهال الدوسري · 11-17-2013, 09:52 PM

لبى قلبك احساس وانتي بعد مبروك البنوته ناوية تسمينها اسم يشبة اختها ولا لا ؟؟

انا بنتي سديم وناوية اسمي بنتي الثانية ترنيم بس زوجي رافض يبي يسميها على امه مع نفسة هع مع ان امه والله عسولة وتنحط على الجرح يبرى بس معليش اسمها قديم وقلت له صعبه اسم الام نهال والبنت الكبيرة سديم والثانية احم احم عاد مدري يمكن اخليها تسميها

بنات من تراجع بمستشفى دار الشفا اللي بالخزان وعند اي دكتورة ؟؟

يغار الحلى · 11-18-2013, 12:47 AM

كيفكم حوووامل ؟؟

ماشاءالله كييف صابرين ماتروحوا قسم الموالييييد

نفسي كل يوم اروح اتقضى خخخخخخخخخ

خلصت انا الحمدالله من كل التجهبزاات ..

عشرينية · 11-18-2013, 01:16 AM

مسا الخيرات حبيباتي
اخباركم عساكم بصحة وسلامة
نهال وربي انك طريتي على بالي من كم يوم واقول لها اكثر من شهرين مادخلت ولاتواصلت معنا
جريحة حبيبتي دامهم قالولك ولد وانت بالسادس ف 99% انه صحيح
لانه كبير وكمان الولد عادة مايغلطون فيه
اتركي عنك الاحلام وخليك في الواقع خخخخخخخخخخخخخخخخخخخ
باركولي واخيرا رحت السوق وفرفرت فيه عشان اقضي للنونو
الثلاثاء الجاي عندي موعد وابغى اتاكد من السونار للمره الاخيرة انه ولد باذن الله عشان اتقضى له
ورحت محلات المواعين وعجبني طقم للقهوة والشاي
وفيه كمان بائعات في الانستقرام يبيعون صواني للتقديم وحطيت عيني على كم شغلة
حتى لبس النونو للسابع لقيته خلاص
باقي المفرش يبيله دوارة
يغار ماشاء الله خلصتي وافتكيتي
بس بسألكم من وين اشتري لي جلابيات او ارواب هذي اللي تنلبس قدام الضيوف اذا جوني
ابغى شي مناسب حتى للرضاعة
ان شاء الله انكم فهمتوا سؤالي احس اني صايرة معد اعرف اعبر
كله من ذا الجامعة شالت مخي بالكامل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
•●تجمع حوامل ينااير2014&ربيع الاول 1435•●	آهات	إستفسارات مرحلة الولادة	395	02-24-2014 03:53 AM
تجمع اللي بيولدوا في شهر ربيع الثاني 1434	ام رتيل	إستفسارات مرحلة الولادة	9124	03-16-2013 04:08 AM
تجمع للي ميعاد دورتها من 1 فبراير ل 10 فبراير 2013	Fa6ema	منتدى أعراض الحمل والوحام	30	02-08-2013 03:00 AM
تجمع منتظرات الحمل شهر ربيع الثاني(بأذن الله)	TOomy	منتدى علاج العقم و تأخر الحمل	473	04-05-2011 03:08 AM
تجمع الراحة و النقاهة لشهر ربيع الاول و ربيع التاني	هادية	منتدى علاج العقم و تأخر الحمل	230	03-22-2011 04:07 PM