ديوانية البحرين - دردشة حوامل البحرين - البحرينيات

[ام حسين الدار]

كل عام وانتو ابخير وصحه وعافيه
ويارب هل رمضان اكون خير وبركه عليكم وعلى الجميع
دعواتكم الله اسهل علي وولد بسلام
اااااااااااااااااااااااااحبكم

[حبيبة حسوني]

مسااااااااء الخير
متباركين بشهر رمضان
الله يعينا على صيامه والله يعوده علينا بحال احسن من هالحال
الله يحقق مراد كل وحده فيكم بحق هالشهر الكريم يااااااارب
وبفرج عنا وعن جميع المؤمنين و المؤمنات فرج عاجل
حبيت أهنئكم بحلول شهر الخير
وعذراُ لاني مادخل واجد هالايام
كلش مالي خلق شي

[حنين للماضي]

السلام عليكم
مبارك عليكم الشهر
وعسى الله يعطيا الصحة والعافية ونتمم الشهر على خير

اول مادخلت عبالي داشه منتدى ثاني هههههه

شموس ماعليها شر الحلوة جضرتيني عليها
يااااارب بحق هذا الشهر الفضيل يمسح على عيونها ويبعد عنها كل شر

طفطف شخبار زنوبه من عقب التطعيم؟؟؟
وديتيها السلمانية؟؟؟
اني بعد تصدقين وزن علوان ماتغير يوم رحت اطمعه تطعيم ستة شهور
حتى الممرضة استغربت وقالت حده صغير
من رجعت البيت اتصلت لزوجي وقمت اصيح ماادري وين يروح الاكل
يلا اهم شيء سلامتهم

ام علي شخبار هنوي الحين؟؟
لو مقدمة تطعيمه احسن ليش
يلا ان شاءالله يكون بخير
شخبار ايدش؟؟؟

ام بنين من زمان مابينتي
كملتي ترتيبات شقتش؟؟
شخبار بنونة؟؟؟
وصفاتش شكلهم عجيب تسلم يدش

ام فتومة وحشتيني
الله يبعد عنش كل هم عسى ماشر حبيبتي
شخبار فتومة القمر
وشخبار اكشناتها في شهر الله
خوب اني علوان تقولين جنه عناد قريب اذان المغرب يقعد يحن ويزن مااقدر اسوي شي

روز بي اج الله يتمم حملش على خير وتقومين بالسلامة
طلي علينا بين كل مدة طمنينا عليش

مس توتة شخبارش الحين حبيبتي
الله يقومش بالسلامة ان شاءالله


ام حسين ما باقي شيء ويشرف حسون
يااارب مايجي النص من شهر الله اله حسون في حضنش

ام بشورة وحزون و ام موسى واروى وام حسون وام السادة وام خلي وام نور وباقي الشعب من زمان مابينوا
ان شاءالله الكا يكون بخير
طبعاً اكتب وعلوان يرفس في اللابتوب وااجد حركي هالجين

اليوم بسوي بطاطس بالجبن ان شاءالله يضبط

نراكم على خير

[شمس الصباح]

روز اني اسوي الكراميل بالطريقة العادية واضيف اشوي سكر وقبل لا اشيلة من على النار اضيف القيمر واخلط بالخفاقة اليدوية فما يصير فيه اي تكتلات او نقط بيضة وطعم لذيييييييييذ


حنووون ما علية شهر علاوي ويا رب يزيد وزنة اني ما زالت مستمرة في التغدية بس ما ادري اذا زادت او لا انتظر موعدها علشان اشوف


احلام ام ما عليش شر بالغالية والله يتمم هالشهر الفصيل على خير


طف طوف ويش اخبار زنووووب

بااااااااااقي البنات ويش اخباركم يالله اسمحو لي ملاك تصيح

[Um Amal]

مرحبااا ..
سخباركم .. مبارك عليكم الشهر ..
ومشكووووووووووووووورة أم علي .. دائما على باالش .. مثلما انتي دائما على بالي ..

بغيت أستفسر وين أحصل كرسي للرضاعة .. لان جربته مرة عند مرت خالي حسيته اريح وااااااجد .. واني كل آلام الظهر من الرضاعة .. فلو تعرفون وين احصله ؟؟

[صعب تنساني]

مباااااااااااااااااااااااااااارك عليكم الشهر الله يعووده بحال افضل من هالحال

[أحلام أم]

السلام عليكم
هلا والله بالغياب حبيبة حسوني وصعب تنساني وحنين للماضي وأم أمل وشمس الصباح شكرا على تهنئتكم وعلى أسألتكم عن هنووي وعني وكيفكم مع مطابخ شهر رمضان أني شكلي ببيت في المطبخ كله ولابد أني مريضة بفرش ليي مرقد هناك هههه

بنات أني اليوم رحت طعمت هنوووي وطبع مريض من التطعيم ربي يعينه مسكين ويعيني وياه مادري أدور له لو إلى الصييام إللي عندي

بنات اليوم بعد ماكشفت الدكتورة سمعتني كلام يخووووف تقول هنووي عنده ماي في .....مكان خطير لاتنسونه من الدعوات بالشفاء وإنه مايسبب له أي شيء خطير

أشوفكم على خير أرجع للمعركة

[rose soul]

السلام عليكم
مبارك عليكم الشهر حبيباتي
شخباركم جميعا؟؟
مامداني اقرأ كلامكم اللي قبل..وان شاء الله كلكم تكونون بخير
بس لفت انتباهي ..ولد احلامي..ما يشوف شر هنوي
الله يشافيه يارب بحق هالشهر الفضيل

..
وان شاء الله نرجع نلتم مثل قبل واحسن
انا مادش كله بسبب الركود اللي في الديوانية ما تشجع
و بنتي بعد استمرضت وارتفعت حرارتها عدل .. والحمد لله يوم وديناها العيادة مع التحميلة والادوية صارت زينة توها من جمن يوم..كله بسبب تغيرات الجوو
الله يبعد الامراض عن عيالنا يااارب

[فلونة]

مساااء الخيررر,, مبارك عليكم الشهر والله يعودنه وياكم بحال افضل من هالحال

ماعليهم شر اعيالنا والله يمن على الجميع بالصحة والعافيية... خاطري ارد عليكم نفرة نفرة بس الوقت دايم ضدي ويغلبني وان شاء الله نسير عليكم في وقت ثاني ونعرف اخباركم السارررة :)

[فلونة]

سلااااااام.. يا ناس يااا هوووو قعدوا من هالسباات مو طبيعي هالركوووووود :S

يا للعجب مو هاذي عواديكم و احين شهر رمضان المفروض على كثر مشاغلنا نتواصل ويا بعض اكثر .. انا حالتي يرثى لها حتى فطور ماسوويت في شهر الله واكلنا من المطاعم بس مانسيت اطل عليكم مع ان البارحة كان آخر رد لي

على راااحتكم ونلتقي فيكم باجر ... كل يوم بدش اسولف برووحي