طفشت من تسرب الحفاضات

[حنين للماضي]

السلام عليكم

ولدي قريب بكمل سنة وقمت حالياً اعطي مرضعة وفطمته
بس صادتني مشكلة قام كله يسرب بول بالذات اذا نايم
جربت معاه بامبرز وبامبي وبيبي جوي ولولو بس لحد الآن المشكة مانحلت

مسكين يكسر خاطري نص الليل اشيله واسبحه وهو في عز نومه
اذا عندكم حل لاتبخلون علي
رغم اني ابدل حفاضته قبل لاينام بخمس دقايق بس مادري يرد يسرب عقب جم ساعة

شكراً مقدماً

[حنان9]

نفس المشكله انا ولدي عمره 10 شهور اغير له كمان الفجر القاه غرقان بس يقولون كذا الاولاد

[ملامح يوسفية]

وانا وربي نفس الطريقة اقوم اشوفها مغرقة احزن عليا عشان ماتبرد
اناااااااااااااااااااا اضيف صوتي لصوتك نبي حل
لا مو شرط الاولاد انا بنت

[ام الاميره]

السلام عليكم ورحمة الله وبركاته
شوفي اختي حسب تجربتي البسيطه مع تسرب الحفاضات اشوف بعض الاسباب الي هي اولا يمكن الحفاض اكبر من مقاسه ثانيا يمكن انك لما تجي تلبسيه ماتشدينها عليه يعني تخلينها فضفاضه ثالثا يمكن انك تلبسينه بفتره طويله قبل النوم قصدي لازم تكون الجديده لما خلاص علي وشك النوم رابعا يكون يرضع اكثر من رضاعه طول الليل يعني يشرب كثير وهو نايم
ان شاء الله اكون افدتك

[الأميرة جوري]

يمكن ما تلبسينه الحفاض اوكيه ولا تخليه ينام ع بطنه فترات طويلة.
والاولاد لازم تعدلين له العضوالذكري تخليه بالعدل علشان مايروح ع طرف ويتسرب البول

[ام يوسف 86]

شوفو حبايبي ابني هم كان نفس الحاله الكا الصبح مغرق بالبول وبدل ملابسه واغسله والله بعدين كمت البسه الحفاظه قبل لاينام وبس ايكوم وجه الصبح ابدله الحفاظه وعطي مميه او( الرضاعة) يشرب قليل وينام هو هاذ الحل الوحيد لازم تصحووتبدلون الحفاظ باليل اومن اتحسو متضايق انشالله اكون فدتكم لان ماكو غير هاذ الحل

[حنين للماضي]

مشكورين حبيباتي على ردودكم واهتمامكم

هاليومين الحمدلله نحلت معاي المشكلة وقمت اشد من فوق عدل مو نفس قبل الحفاضة تكون فضفاضة من فوق وغيرت الحفاضات الى بيبي جوي احسهم اوكي وان شاءالله انتو بعد تنحل معاكم المشكلة
اني الحين يومين ابدل له الحفاضة الفجر بعد مو نفس قبل اخليها لين مايقعد الصبح

[3miao]

اختي
غيري له نوعية الحفاظ واشتري حفاظات ذات جودة عالية
واحكميها وشدي عليها لما تضعيها لابنك وتاكدي من المقاس جيدا وقبل ما تحطي الحفاظ ممكن تحطي معه مناشف مابين السرة والحفاظ للتتشرب كل الزيادة
وحاولي تلبسيه ملابس داخلية قطنية فوق الحفاض لتشد عليه ولتتجنبي التسرب
لان التسرب قد يؤدي الى مرض ابنك بالزكام او السعال لا قدر الله
وربي يوفقك اختي

[ياربي ارحمنا]

انا كمان نفس المشكلة

[قمركم]

اهلا اختي لازم تنتهين لمقاس الحفاظه اذا كانت تناسب عمر طفلك او لا تشترين له المقاس اللي يناسبه ....... حبيت اوضح هالنقطه لان وحده من قريباتي كانت عندها نفس المشكله ولمن سألتها ماكانت تعرف انو فيه مقاسات للحفاظات ولمن غيرت المقاس اخذت على عمره صار الأمر طبيعي