ديوانية البحرين - دردشة حوامل البحرين - البحرينيات

[Um Amal]

شخباركم؟؟
توحشني سوالفكم...بس ما تصير عندي فرصة واجد..
بس احب اسلم عليكم كلما يصير مجال

شخباركم؟؟ شخبار اولادكم؟ ومن حملت .. من حملت مرة 2 خخخخ؟

[ام السادة]

السلااااااااااااااااااااااااااااااااااااااااام شخباركم وحشتونااا واااااااااااااااااااااااااااجد

هلا شموووس حبيبت البي الله يتقبل منا ومنش ويكتبناا وياكم المرة الجايه
بااااقي البناات وينككككككككككككككككككككككككككككككككم

باصااارخ جان تسمعوني وتجوووون هلوووووووووووووووووووووو ياناس ياهوووووووووووووووو يا الله تعالوا دله الجاي في حظني الي تجي بعطيهاا والي ماتجي بيفوتهاا ترى خوووش جااااي

يا الله انتظركم سمعونا الاخبااار الطيبه

[ام السادة]

يووووووو ويش فيكم عوني قلبي عليكم وينكم ويش هالحاله اكيد محسودين اللهم صل على محمد وال محمد

يا الله عاااد صلوا على النبي وتعالوا نسولف الى بعض ونسمع اخبار بعضنا بعض

[حنين للماضي]

السلام عليكم
عدنا لكم بعد طول الفراق

تقبل الله صيامكم وقيامكم
وحشتوني ووحشتني سوالفكم كلكم بدون ذكر الاسماء عشان لحد يزعل اذا سقط اسمها سهواً

طبعلً اني حالتي تقولون جني حامل ومتنسية كله دايخة وراسي داير ومالي مزاج شيء
لا يروح بالكم بعيد
ضغطي كله نازل والبارحة رحت المستشفى قالوا لازم اشرب وااجد سوائل واذا ماشربت مابقدر اكمل شهر الله
الله يعطينا الصحة والعافية ونكمل هالشهر على خير

صحيح ام السادة حمدلله على السلامة
توقعتش بتعانين من السيد وطلعت السيدة ماقصرت معاش

صحيح اني بعد بسافر عن ياحسب شهر العسل المتأخر نهاية 9


شموس حبيبتي بسألش قبل لا انسى الكيكة اللي يوم نجي بيتكم كنتي مسويتها ممكن تقولين لي طريقتها عشان اتأكد قبل لا اسويها
شخبار ملوكتنا معاش في شهر الله
بخصوص الاكل اني احس الطبخات اللي اعطيهم علوان صاروا مكررين يعني هداهم خضروات محلبية شوفان سيريلاك بسكوت ماعندش افكار جديدة عشان انوع لهانتفة
صحيح من باجر بعطي كورن فليكس يقولون زين للجهال

[ام السادة]

هلا حنونه هلا حبيبتي زين بينتين شخبارش وشخبار علوان وياش في هالشهر الفضيل ما تشوفين شر تحملي بروحش واشربي سوائل عدل لا اجي واسبحش بغرشة مااي خخخخخخخخما دريت عنش قاعدة جان طبيت عليش اسولف وياااش ولا تقولين بعد عن سوالف السيده من شوي ساااااعة وهي تصيح ويش تبي ما ادري حتى ابوهاا باقي شوي ويصيح


يا الله ياحلوين من بعد يجي يطمناا عليه

[شمس الصباح]

صبااااااااااااح الخير

فيني نومة وملاك مصرة تسهر قلت اقعد اتعبد بس تعبت فيني نوووووووومة

ام السادة اهووووووووو اعطيني استكانة شاي جان لا انام ما بقي شي على صلاة الصبح

حنووووووون شربي سوائل واجد علشان تكملين هالشهر والهبوط كلش مو زين اني احس ابش لان الهبوط معاي على طول

بخصوص الطبخة جيبي اذونش عن لا تسمع امس السادة خخخخخخخخ
تاخذين كيكة بتي كروكر كاكاو تسوينها وبعدين تبردينها في الثلاجة ساعة اقل شي
بعدين تفتين جزء من الكيكة في البايركس وتخلطين قيمر وملعقتين حليب بودر وماء بمقدار علبة القيمر وكيس دريم ويب تبغين وتخلطينهم وتحطين طبقات على حسب المقدار اللي عندش وبعدين تبشرين كاكاو جالكسي او فليك كيفش بس اني استخدم جالكسي
وهذة الكيكة من اختراعي كيكة اسميها كيكة ام يوسف (الحين اللي يسمعها يقول مخترعة صاروخ )

[شمس الصباح]

اااااااي تعالي صدق

اني اعطي ملاك شوفان مع دجاج قمت اعطيها مهلبية وكستر وخضرة صالونة واحيانا اذوقها من اطايب الشهر الفضيل لو كفشة عن خاطري وزدت عدد الوجبات ااااي مرة عطيتها جبن كيري خخخخخخ عجبها وايد

يؤؤؤؤؤؤؤؤؤؤ تصارخ حدها ملاك بروح انيمها شكل ابوها بيقعد ههههههههههه مشعت شعري ااااااااي

[ام حسين الدار]

هلا والله بل جميع اخباركم
اتمنى الجميع ابخير
والله انكم في القلب ومانسيتكم
دعواتكم ساعه7ونص راح اتنوم
واذا كل شي اوك راح افك الربط
اشوفكم على خير واسالكم برات الدمه
احبببببببببكم

[طفلي حياتي]

السلام عليكم
شخباركم
الديوانيه مابتعمر الا اذا حملتون مره ثانيه والله هالشكل ما بتطبون
مادري فيه احد لولا
المهم استانست يوم قريت هالجمن رد يعني متحرك الجو شوي
عسى يارب الكل بخير

[ام السادة]

هههههههههههههههههههههههههههههههههههههههههههه ويلي عليش يم يوسف ما يحتاااج تسدحين الطريقه من زمااان سويتهاا خخخخخخخخخ

وصل الجااي لو هربتين عنه

لا شكلش شلتين عليه ومافي الا اني اهدرر بروحي بقووم اصلي واخمدهاا