زوجي مايحب تصرفاتي

[مشاعل الدوسري]

كاتبه بلموضوع زوجي ما يحب تصرفاتي .. غيري التصرفات اللي ما يحبها ابتعدي عن الشي اللي ما يحبه ..

لكن اللي قريته شي ثاني ..

حبيبتي فهميه حياة البنت مو بيدها كل وحده تمشي بطوع زوجه و قوليله انت ربي يحفظك من النوع اللي عادي تخلي زوجتك تروح مع اهلها مع اهلك عند اصحابها لكن
بعض صحباتي ازواجهم شويات معقدين ولا فاضين حق ازواجهم ودهم يجوني و اروح بس الحرمه تحت طوع زوجها مو بيدنا هلموضوع ..


قوليله اوكي بسوي عزومه نطلب بوفيه صغير او اسوي اكل على قد ما نقدر و الباقي نطلبه من بره ..
و اعزم ربعك و زوجاتهم ..
او بس زوجاتهم و اتعرف عليهم ..

و بس تعرفي على الجيران ..
و اذا ما قدرتي تكونين علاقات مو ذنبك و قوليله كافي اللي اعرفهم و احبه و يحبوني .. و انتهينا و لازم تجارين زوجك و تكونين مثله تعرفي على بنات خاله اعزميهم بنات عمه زوري عماته خالاته ..

كوني مثله اجتماعيه .. لان الرجال الاجتماعي يحب البنت الفرفوشه
اللي تكون تهلل و ترحب و هيك شغلات .. بلذات تقولين انه دايم يطلع و يسافر مع اصحابه هذا النوع يحب التجديد و الكشخه و المرح مو الهدؤء و هيك شغلات .. .

[جوoجو]

المشكله هو اجتماعي و أنا تربيت على الانعزال عن الناس أهلي كذا مايحبون يتخالطون مع احد

[مشاعل الدوسري]

حبيبتي انا

عن نفسي كنت منعزله عن العالم لكن اجتمع مع اشخاص معينين

و حتى لما سافرت كنت احب اتمشى لوحدي و اقعد لوحدي

و لما تزوجت و صرت في بيتي و انا من طبعي استحي مو جريئه..

لكن جبرة نفسي اروح لاهله كل يوم و ادق و انا اتغصص مااعرف حتى اكلم امي و ابوي على الجوال بس جبرت نفسي ..

يعني بلعربي حبيبتي ماراح تتغيرين الا اذا تقدمتي بخطووووووووووات مبديئه

أعزمي دقي اسألي جمعي من مصروفك او خذي من زوجك و احجزي شاليه و تجمعي انتي و خوات زوجك و بنات عمهم و بنات خالهم كل وحده تسوي طبق و تجيبه
مو شرط شاليه اقترحي انكم تتجمعون بيت اهل زوجك في بيتك أي مكان في الكورنيش ..

حبيبتي انا عكسك اهلي يحبوون الطلعات و داااااااااااااااااااااااايم نتجمع باي وقت انشالله الساعه 3 الفجر ..
لكن اهل زوجي جمعاتهم قليله ادوووور اي جمعه اي لمه عشان اروح احس في ناااس عايشه بهذي الدنيا ..


فا يا حبيبتي اذا انتي ماتحركتي ماراح يتغير شي ..

و ترى هذا الشي ممكن اللي مو خلي زوجك يقعد معاك انك قليلة كلام و انطوئيه ..

عشان كذا دايم يطلع و يوديك في بيت اهلك فا انتبهي لازم تجبرين نفسك تتغيرين عشان زوجك و عشان نفسك و عشان تستمتعين بلحياه الى متى بتصيري انطوائيه .. بتخسرين حياتك بأنطوائك استمتعي بلحياه



اذكر قبل يوم كنت انطوائيه حتى ضحكتي صاامته ..

بعدها قلت لنفسي الى متـــــــى
هلحال محد يدري عني و دايم اخجل و دايم اخاف من التجمع اني ما اكون اوكي و و و و و ..الخ
حتى بلجمعات ماكنت اسولف صامته اضحك و اكل و بس انتهينا ..

جبرت نفسي و الله الكل لاحظ بلجمعه اسمع يتوتوتون مع بعض
يقولون مشاعل صارت تضحك و تشاركنا بلحديث و تسولف و تقترح
عاد لما سمعتهم يتوتوتون قلت بصوت عالي شفيكم تتساسرون كثررو حش عشان اخذ حسنات

ادري الكلام علي انا قالو اي تغيرتي الصراحه انبسطنا بهذا التغير

و زادت ثقتي بنفس و انبسطت اني تغيرت .

[ألم بسكات]

كلام البنات ولا اروع
اهم شي الثقه يااختي
الله يوفقك ويربط على قلب زوجك يارب

[جوoجو]

عجبني كلامكم معي الله يوفقكم ان شاء الله
خلاص أنا ودي اتغير عن طبعي لانه أهله بعد احس مافي ترابط بيني وبينهم احس يحبو بس الي تزورهم بكثره من حريم إخوانه و احس نفسي ما احد يحبني خصوصا حمواتي ما يتكلمون معي الا اذا سألتهم عن شي والي متعودين عليها يضحكون ويسولفون ولا كأني موجوده معاهم ابصراحه ساعات انقهر منهم هم يحبون متابعه المسلسلات وانا ما احب ويسولفون كله عن المسلسلات وانا ساكته حتى أنا امل منهم

[جوoجو]

خصوصا ماعندي أطفال فما احس فيه ترابط يصير بيني وبينهم عكس حريم إخوانهم يسولفون عن أولادهم ويحبون أطفالهم الا أنا أضل بس مناقشات بسيطه بيني وبينهم