أهلي زوجي و تصرفاتهم معي

[جوoجو]

بدخل في الموضوع على طول
أحس أهل زوجي يفرقون بين حريم أخوانهم أنا ما الله رزقني أولاد و مرت حميي الله رزقها ولمن يبغون يجون لنا يتصلون بس في مرت حميي و أنا ولا مره أتصلو قالو أنهم بزوروني حتى زوجي يقول ليش أنا مو ولدهم ما يجون
في مره أتصلو الى مرت حميي قالو لها بجون قالت بتطلع ولا قالو مرت اخونا الثاني نروح عندها أحس متعلقين فيها أكثر و يحبونها أكثر مني حتى لمن تزوجت يحبوها أكثرأحس نفسي بعض الاحيان مو محبوبه بينهم مع إني ما أقصر معهم في أي حاجه و زوجي اي شي يبغون منه يتصلون له تعالي سوي لنا كذا وكذا مايقصر معهم

[عقد لؤلؤ]

الله يصلح ما بينكم يارب

أنت تعاليلهم بالكلمة الطيبة وأنت أعزميهم مو شرط هما يقولو نبى نجيك

وجيبيلهم هدية وأنت رايحتلهم بس مو كل مرة يعني لا تكلفي على نفسك

بس حسسيهم أنك تحبيهم وتقربي من أم زوجك وأكيد هما رح يحبوك

وبعدين الأرزاق بيد الله يعني مو عشين أنت ما خلفتي ما يحبوك وأكيد هما عادفين ذا الشي

والله يرزقك بالحمل السليم عاجلا غير آجل يارب

[مملكة الحب]

هلا حبيبتي ..

طيب إنت جربي اعزميهم عندك يمكن حتى هم يقولون مااعزمتنا

يمكن متعودين ع هذيك أكثر ومع الوقت خلااص بيتعودوا عليك

إنت بيدك كل شيء مع إنه أفضل تكون علاقتك بأهل زوجك فيها شيء من الرسميه يعني لا تخليهم يطيحوا الميانه مرررره يعني خلي كل شيء وسط .
الله يسخرهم لك إن شاء الله .

[جوoجو]

أنا أحس حتى لو بعزمهم ما يحبون يجلسون عندي بدون أطفال في مره أروح لهم في الاسبوع مره كالعاده و مرت أخوهم ما جت صارو يقولون أول ما دخلت اليوم ما في جهال مو حلوه الجلسة بدون أطفال فحسيت في نفسي إنا لو عندي طفل يمكن يحبوني
و سالفة العزومة ودي أعزمهم بس ما احس بيجلسون بدون ماينزلون بنت اخوهم عندي و أنا ما اقصر معهم لازم في الشهر اودي لهم طبخة بس احس يغارون مني اذا الطبخة طلعت حلوه حتى ما يقولون تسلم يدك في مره عجبتهم طبخة سويتها لهم صارت حماتي الصغيره تاكل منه قالت لها ختها الكبيره ايه احنا امس سوينا هذي الطبخة ما اكلتي يوم جابت مرت اخوكي اكلتي فانا احترت ويش اقول لها سكت فحسيت حتى مرت حميي تغار لمن اودي لهم طبخة اذا حست هذا من عندي ما احسها تاكل منه

[جوoجو]

أشكر كم على ردودكم لي و الله يجعلها في ميزان حسناتكم
بس أنا طيبة معهم لدرجة إني عندي موهبة الحياكة و كل وحده من حمواتي سويت لها شي كلمه شكر ما سمعتها وحتى في مناسبة يبغون اسوي لهم شغلة مكياج او استشوار يقولون لي ما اقصر يعني خادمتهم من قبل الا اتزوج بعد و في الاعياد ما اروح ويدي فاضية لا كل مناسبة اودي لهم بس يالله الي يبغاني حياه

[sweet moon]

اختي

انتي عملتي باصلك وطيبه قلبك وماقصرتي

والله شاهد وكله مأجوره عليه

دام ماتقبلوا انتي مو مجبوره على رضاهم

اذا ابنهم وهو ابنهم ملاحظ هالشيء ولا زاروه

ومو قصه انتي ماعندك عيال عشان كذا ماحبوك

هاذا اولا بيد الله

ثانيا هم حقودات ولا لو هم فيهم احساس

كانوا استحوا على وجوهم ولا قالوا طفش مافي جهال

كانوا الافضل يحترموك ويرحبوا فيك ومايقصرون معك

هاذي الحريم اللي تفهم وتحس

فالشيء ذا امكن خيره لك

لكن اعملي باصلك وماعليك

زوريهم من الفتره للفتره

خليك مثل مانتي متعوده

طيبه مو ضعيفه شخصيه فرقي بين الثنتين

مصيره يبين الثراء من الثريه

[جوoجو]

و الله فرحتيني بردك sweet moon كنت حابه افضفض الي في قلبي لانه بعض الاحيان ودي ابكي من كلامهم و ادري انه مرت حميي تروح لهم اكثر من مره في الاسبوع لانه بيت اهلها بعيد عنها واخوهم دائما يروح لهم يمكن 3 مرات في الاسبوع انا احب اروح لهم كالعاده بس في الاسبوع مره نجتمع كلنا و باقي الايام احب اطلع و ازور اهلي ما احب اطلع كثير الى احد لانه وجهي يطلع فيه شعر و اللحين قاعده اتعالج عنه استحي احد يشوفني فاكتفي مره في الاسبوع حتى لمن اروح لهم يقولون الى مرت حميي تعالي لنا يوم الجمعة تغذي عدنا و انا اكون جالسة معهم فاحس بخنقه في نفسي بس يالله انا صابره عشان وجهي اتحمل منهم اي شي يسونه

[O R Ċ H I Đ]

عادي لاتضيقين خلقك
ترى الشغله عاديه انتي شيلي نفسك عنهم وبس
لاتتحسسسين خليهم لايحبونك هم بيصرفون عليك مثلا
انتي خلك مع زوجك مدام انتي وياه مستانسين ماعليك من اهله
اهل الزوج هذا هم يفرقون بين حريم عيالهم ويفضلون وحده عن وحده
ويسوون مشاكل تعالي شوفي مشاكل جدي وجدتي وعمامي مع امي وامي مسكينه ماسوت شي بس تهاوشو مع ابوي على شغله ذمو امي وتعاملهم متغير ورفعو ضغطهاا اقول
ماعليك منهم انتي استانسي ولاتهتمين من كلامهم بس زوريهم
واسمعي من هنا وطلعي من هنااك
والله يسعدك ويهنيك

[ياويل حاااالي]

ياقلبي انتي لاتضايقين ع نفسك لازم كل اهل الزوج يفضلون وحده على وحده حتى لو تسوين لهم كل شي تبقين مقصره في حقهم انت سوي اللي عليك وخلي الباقي على الله

الله يرزقك بـ الذرريه الصاااالحه عاجلا غير اجلا...

[sweet moon]

يالغاليه دوم فرحانه

ويااختي ليه تبكين من كلامهم

من هم اصلا يوم الدمعه تنزل عشانهم

وربي انهم مايستاهلون ربع اللي تسوينه

وكفايه عليهم زياره بالاسبوع

مثل ماقلت مسبقا كلن يسوي بأصله

خليك على طبيعتك

واذا على وجهك سلامات ان شاءلله تشفين وينتهي العلاج على خير

وروحي بعدها لأهلك وصحباتك

تجمعوا في ملاهي ولا مول

يعني مافي بالدنيا الا اخوات زوجك

وانبسطي وفرفشي ماحد بيعيش عمرك غيرك