ديوانية حوامل البحرين

[*دلوعة سوسو*]

هلا ام احمد اسمحي لي فديتج انقطعت عنكم فتره

الثقل و ما يسوي هههه..

عاشقها زوجها..
انا من عين خالد و اراجع ف الولاده حبيبتي
و انتي؟

[أم _ أحمد]

حنين الماضي حياج الله حبيتي .
ان شاء الله يطمنونك على البيبي وتطمنينا وياج

[أم _ أحمد]

دلوعة سوسو هلا حبيبتي ، الله يعينج على الثقل ويتمم لج على خير

[أم _ أحمد]

اخبركم قصتي ويش صار لي امس (صارلي يومين تنزل علي افرازات بنية ورحت طوارئ الحمل بالسلمانية (( لغير البحرينيات السلمانية المستشفى الرئيسي عندنا وهو حكومي )) طبعاً الدكتوره هناك سوت لي سونار وقالت لي فيه كيس بس وما في جنين وكانت تبي تسوي لي كشف من تحت وانا رفضت، طلعت من عندهم شايله هم الدنيا على راسي ورحت مباشرة الى مستشفى ثاني عملت سونار وشفت دكتورة النساء عندهم والحمد لله طمنتني ان الجنين بخير وكتبت لي ابر وحبوب تثبيت والله يستر.

بس ما اخفي عليكم اني للحين خايفة لان الافرازات للحين ما خفت

ولا تنسوني من الدعاء، فدعاء المؤمن لاخيه المؤمن في ظهر الغيب مستجاب .

وبس .... هدرت وايد

[*دلوعة سوسو*]

اوووه

ما عليج شر يا أم أحمد
اهم شي ارتاحي و لا تتحركين وايد
الله يثبت لج حملج ان شاءالله

[حنين للماضي]

الله يقومش باسلامة أم أحمد

أني قبل يومين نزل علي دم خفيف ورحت لدكتورة سميرة مدن وعطتني دفستون والحمدلله من اخذته انقطع الدم
سوت اشعة وبس جافت الجيس وقالت بتسوي لي تلفزيون من تحت لأن مايبين النبض من فوق ساعاتت لكن مارضيت وعطتني موعد عقب اسبوعين عشان اسمع نبضه

انتظر تاريخ 15/6 بفارق الصبر عشان أروح وأطمن

[بريق الماسة]

غاليتي ام احمد
الله يثبت لك حملك ويتمم لك على خير يارب
عليكي بتناول الدواء والراحة التامة وماعليكي شر
اختي حنين للماضي
الله ييسر لك حملك ويتمم لك على خير ويطمنك عاللي ببطنك

[ام كرار^_^]

هلا والله ...
هلا فيج ..
اني من البحرين بعد ،،
حياج حياج

[زهر الرمال]

أم أحمد هلا فيج اختى بينا

أني بعد من البحرين

بس مادورتي اتروحي الا طوارئ السلمانيه؟؟

أني أول ما حللت في البيت عقب يومين رحت لدكتوره فكريه مصطفي وعطتني مثبتات وأدويه

والحمد لله بتابع معاها حاليا

وان شاء الله خير

وماتشوفين شر ان شاء الله

وزين حصلنا على بعض في هالمنتدي المفيد

نتواصل ان شاء الله؟؟

بس أنتي بأي شهر اختي؟؟

آنا أخر دوره كانت لي

25/4 بالميلادي

وانتي؟؟؟

[أم كرار]

أنا بعد رحت السلمانية في الأسبوع السادس وسوت لي تلفزيون لس ما بين عندها الجنين فقالت لي تبي اتسوي كشف مهبلي انا حسيت انه شي يخوف ومارضيت اسوي وخلتني الدكتورة اوقع اني مب راضية وعلى مسؤليتي اذا صار فيني او في الجنين اي شي ... المهم عاد بعدين كنت اتكلم مع وحدة من معارفنا ممرضة تشتغل في القسم عن الموضوع قالت لي خليج من الدكتورة اصلاً الجهاز حق التصوير ما يشتغل عدل .... ومن فترة كنت اتكلم مع صديقتي عن الفحص ألمهبلي قالت لي الحمد لله ما سويتي انا سويت وبعد يومين أجهضت بالبيبي


يعني صراحة مستشفى السلمانية ما يعتمد عليهم