كيف علمتي طفلك دخول الحمام وفي سن كم ؟(ليستفيد الجميع من خبراتكم)

[احلى ليان]

انا بدأت اعلم بنتي لمن كان عمرها سنة ونص على الحمام احطلها الكرسي فوق الحمام مباشرة عشان تتعود وانقطعت فترة ما سرت ادخلها لسفراتنا الكثيرة وما نجلس بمكان واحد واو قات في فندق ومافي كرسي فوق الحمام وما تعرف تجلس بس بما اني حامل وقربت خلاص على الولادة قررت اعلمها وما حرجع عن دا الموضوع ان شاء الله الا وهيه متعودة ومتعلمة مع انو تعب والله تعب تشيلي طفل او اي شي وانتي خلاص على نهايات حملك بس ايش اسوي ربنا المعين ويكتبلنا الاجر جميعا..
اول شي ابدأو بالاسابيع الاسبوع الاول تشيلي الحفاضة من الصباح الى العصر مثلا كل يوم بدون تكسيل ومن يوم تشتيلي الحفاضة خلوهم يجلسوا وانتو بكرامة على الحمام واستني شويتين لانو ممكن تكون عملة صغيرة وعملة كبيرة..
والاسبوع التاني ابدأي طولي الفترة من الصباح الى المغرب او العشا ووقت النوم لبسوهم حفاضة او وقت الخرجة لمن يكون طويل او عند ناس تخافي تتفشلي معاهم حطيلهم حفاضة بس اسالي برضو ودخليهم حمام ..

المحفز اللي خلاها تدخل سويت لها لوحة وجبت لها قلم وسويتلها جدول فيه وحطيته في الحمام كل ما تدخل تسوي اوشو او عملة كبيرة اخليها تكتب صح واصفق لها واوقات اعطيها حلاوة هيه تحبها..
واوقات اغير المكافأة لخرجة للملاهي عشانها شاطرة وتسوي في الحمام بدأت تستوعب الحمد لله صح اوقات تنسى بس ما اخاصمها ولا انهرها عشان ما تعند ولا تكره دخول الحمام..

بس الحمد لله بدأت اطول الوقت اللي بدون حفاضة وفي الليل لمن البسها تقوم الصباح مافيها شي نظيفة الحفاضة زي ما لبستها وربي يتمم على خير وعقبال الباقين..

سامحوني طولت بس اتمنى تستفيدوا..

[Om KHaled]

عمري بنتي الله يحميها سنة كاملة ,والحمد لله صارت باتفهم
وان شاء الله وباذن الله احاول اعلمها تقعد على كرسي حمام الاطفال
اتمنى من اللي عندهم خبرة وتجربة ما يبخلون علينا
يثبت الموضوع لاهميته
تحيتي

[زوزي]

عجبتني طريقتكم بالمرة الحين عرفت تقعد ع الكرسي اللي تحت طبعا وتبولت الله يكرمك وتصفق وصفقتلها عشان تتحمس كل يوم تسوي كذا
بس مسألة اترك الحفاظ صعبة لأن بيتنا كلة فرشات بسوي طريقة الأخت أحلا ليان ازود الفترة شوي شوي
وأشكركم ع تثبيت موضوعي

[سفن بارد]

والله شدني الموضوع عمر ولدي ثلاث سنوات وثلاث شهور ولا علمته ولاعندي نيه لانه بكري ولا اعرف شي يااارب تسهلها علي واللي زاد زملي ان حملي متعب وممنوعه من اي شي يتعب تكفووون انصحوني لاني احسه مو لمي ابد واستيعابه بطي شوروا علي اصبر الين اولد وعلمه والا اعلمه قبل؟

[ام الـولـيـد]

حرام عليك ثلاث سنوات كبير ما شاء الله لاحول ولا قوة إلا بالله


انا بنتي عمرها سنه وشهرين مفكره اذا صار عمرها سنه ونص ابدأ اعلمها

وان شاء الله يارب تستجيب معي من البدايه

[zena]

انا بنتي عمرها سنه وحابه اعلمها بنت صديقتي من حتفلوااااااا بعيد ميلادها الاول مكانت لابسه حفاظه وكانت تبكي وامها ع طول تااخذها للحمام

[أم هنودي]

السلام عليكم
أنا ولدي خلص ثلاث سنوات علمته من كان عمره سنه ونص والحمدلله تقبل ع طول لأنه يشوف أخوه أكبر منه بسنه ونص ونفس الشي كنت معلمه أخوه من عمره سنه ونص بس كنت أوديه الحمام كل عشر دقايق وبعدين كل ربع ساعة وأرش عليه ماء عشان يقدر يساعده وبعدين الحمدلله صار وحده يطلب يروح الحمام

[بلارينا]

روووعه الموضووع
وعجبتني طريقة احلا ليان
الله يعطيكم العاافيه
حبدأ اعلم عبدالاله ولدي مع ان عمرو سنه وشهرين .... الله كريم ويساعدنا

[متوكلة على الله]

أنا علمت بنتى وعمرها سنه وثمانيه أشهر وعذبتنى شوى بس كله يهون
بس وقت النوم لازم حفاظه عمرها ثلاث سنين سته أشهر

[اغادير-]

انا ولدي عمره5سنوات .. علمته يوم كان عمره سنتين وكنت كل ماسواها في الحمام او راح من حاله اكافئه بحلاوه او بلونه طبعا انا مجهزه من قبل كيس اوعلبه فيها مكافئات الي يحبها الطفل وشجعيه بعبارات زي انت كبير وبطل الحفاظ حق الصغاروحاولي تزينين الحمام بملصقات + جيبي له كرسي الحمام مميز شوي بس وخلي بااالك طوويل يعني لاتعصبين لو سواها على نفسه
وامدحيه عند اقاربه قولي شفتو ولدي صار رجال يروح الحمام لحاله وشوي شوي يبدا يحس بضرورة الحمام ..ويتعود يصير هو اللي يطلب..

هذي تجربتي حبيت افيدكم