تعبانه نفسيا من الكلام الي اسمعه

[ياهم ربي كبير]

حبيبتي انا بعد تأخر حملي شهووووور
واكتئبت وحزنت ألخ...
بس بعدها قررت اني اطنش كل شيء ونسيت سالفة الحمل
وعملت بالأسباب ، شربت خلطة ساعدتني على الحمل
وعشت حياتي ، واكيد مع الاستغفار وقراءة القرآن
الحمدلله ربي رزقني
وان شاء الله رح يرزقك انتي بعد بالذرية الصااااااالحة

[zobaaa]

الله يهون عليج ويرزقج الذرية الصالحة عاجلاا غير اجلاا يااارب ياارب ياارب

ويفرح قلبج

[ام لياان]

الله يعينك بس خيتو انصحك بمستوصف بالنظيم الرياض د عبير انا خصوص اجيها اسعارها رخيصه مره وكشف ب 50 وان شاء الله تفيدك ي الغلا

[Marawy]

لاحول ولا قوة الا بالله .. حبيبتي لا تضايقين حالج .. وهالشي لاهو بيدج ولا بيدهم .!
انا تأخرت بحملي 6 سنوات الا كم شهر تقريبا .. وكانوا اهلي واهل زوجي واصدقاءه يسألونه متى ومتى ؟!
بس زوجي كان مقتنع وكان يرد عليهم ان متى ما ربنا اراد بيصير الحمل .. هو مو حنفيه وقت ما نبي نفتحها !!!

كلمي زوجج باللين وتفاهمي معاه ان هو بهالاسلوب يظلمج ..! ما يصير يقارن بينج وبين غيرج عشان الحمل !!
وطنشي كلامهم وادعي ربج ان الله يرزقج الذريه الصالحه .. وكل تأخيره فيها خيره .. ممكن هذا التأخير فيه خير لج ولزوجج ..
لا تتضايقين واستغفري كثير .. وقومي صلاة الليل وادعي ربج وان شاء الله ماراح يخيب ظنج ..

الله يرزقج بالحمل السليم عاجلا غير آجل يارب .. ويسخر لج زوجج ويهديه ..

[أم النجلاء333]

ياعمري علييييج
الله يسخر لج زوجك وقلبه
واكثري من الاستغفار والدعاء اللهم لاتذرني فردا وانت خير الوارثين
واستخدمي الاعشاب اللي تووخذ مع الدوره الشهريه والله ينفع فيها يارب
وكل ماهو ممنوع عنك الحين هو خيره من رب العالمين

[أم فروحة]

ياسلاااااااااام!!!!
شو هالحكي؟؟؟
وليش مايكون العكس ؟
افرضي انت قلتي له هالكلام وقارنتيه بغيره من الرجال وقلت ماشالله على فلان توه معرس وعلى طول جاه ولد
طالما ما فيك علّة لا انت ولا زوجك ماله داعي كلامهم وأولهم زوجك لانه خلاص متطمن
والسبب بيد رب العالمين هو اللي يعطي وهو اللي ياخذ اعوذ بالله من كلام الناس
اذكر لما كنت عروس توي 3 شهور من كثر ماسمعت نفس كلامك حسيت فيني علة او مرض وانا توني ام 3 شهور تخيليتي؟
ماعليك حبيبتي من كلامهم اهم شي انكم سليمين وهذا احسن شي
واذا ربك أراد شيئ إنما يقول له كن فيكون
ولسه مابعد كتب لكم
وانت اهتمي بالتغذية علشان الاباضة تكون جيدة كلي عسل طبيعي وخضار وفواكه وادعي ربك
والله يرزقك ان شالله وعيشي حياتك بدري على الهم

[ياارحم الراحمين ساعدني]

ياقلبي عليك الله يرزقك الحمل عاجلا غير اجل وانا حاسه فيك وربي ..

حبيبتي انا بقولك تجربتي وهو كل شئ بيد الله سبحانه وتعالى وبفضله وبكرمه ..

شوفي حيبتي عليك بالصددقة كثرررري منها وكل ماتتصدقي حطي في نيتك انها سبب للحمل ان شاء الله
وثاني شئ ياقلبي عليكي بالبردقوش تراه كووووويس مراا ان شاء الله اشتريه من العطار ب20 ريال وتسوينه زي طريقه
الشاهي بالليبتون ..واشربيه كل يوووووم استمري عليه وان شاء الله تشوفين النتيجه ياقلبي ..

يااااااااااارب ياحي ياقيوم يامن بيدك كل شئ انك ترزقها الحمل عاجل غير اجل ياأرحم الراحمين
ولاتنسي الدعاااء والصدقه ... وربي يرزقني بالولد الصالح ياارب..

[توولين]

شكرررا اخواتي

[Oom reem]

ربي يرزقك عاجل غير اجل حاولي تفهمي زوجك ان هالشي من الله وان كل تأخيره فيها خيرة من رب العالمين وحرام يعترض على اللي الله كاتبه ولازم يقوم بالاسباب من علاج ودعاء ونذر واهلك واهل زوجك لاتبينين لهم انك مهتمه عشان مايزيدو همك واذا جلستك معهم تضايقك بلاها
ربي يرزقك عاجل غير اجل

[زمان الصمت]

اول شي سكري اذانك عن الناس. لانهم يتكلمون ومااحسو فيك وعليك بالاستغفار وصلاة الليل والصدقه. وثقي بالله انه بيرزقك الذريه.