ساعدوني الله يساعدكم

[طيبتي أكبرهمومي]

الله يهديه ويسخره لك هذا له بنت قبل
مرفوض عارف كل شئ عن الحمل وفاهم وبينكم عشره
اكيد مضغوط ويحط حره فيك
لكن مثل ماقالت روز لاتنزلي نفسك له الين يجي ويتفاهم معك

[الريم!]

حبيبتي طنشيه لين يعرف غلطته ويقدر انك منتي رخيصه يتلفظ عليك
المفروض ماسمحتي له يتجاوز حده حتى لو تحبينه الاحترام بين الزوجين شي اساسي
خلك ببيت اهلك معززه مكرمه وطنشيه
فيه مليون غيره يعوضك الله وادعي ربي يهديه لك
ولاتفكرين فيه ابد فكري ببنتك والبيبي الجديد وعيشي حياتك وخليه يمشي لك مصروفك واللي يتفاهم معه ابوك والااخوك وانتي اجلسين لين يعرف غلطته معك وربك يعين
الدنياء مرح توقف عنده خلي قلبك ياخذا اجازه وشغلي عقلك

والله يسهل لك

[صيته]

احيانا في نقطه تمر على الكثير من البنات في بعض مراحل الزواج وخصوصا الحمل واخص بالذكر الحمل السريع

يعني بين حمله وحمله فتره قصيره

والشي الغريب ان الرجل نفسه مايعرف وبعضهم يخجل من الاعتراف من هذا الموضوع

الا وهو ان الرجل يحس انو فقد الاهتماااااااااااااااااام الكلي

يعني الرجل تعود ان زوجته تهتم فيه دائما وفجاه هذا الاهتمام توزع مقاسمة بينه وبين الاطفال والاطفال ياخذو الجزء الاكبر من الاهتمام !

فاي شي يقلل من وقت اهتمامك فيه سواء من نوم بسبب تعب او اهتمام بالاطفال ........... الخ

هذا الشي يضايق زوجك

فانا انصحك انك تفهمين زوجك ان انتو في هذه المرحله طبيعي تحصل هذه الامور وصدقيني بالحوار الهادئ يتصلح كل شي

فالزوج يمر بمرحله تقلب مزاج وضعف في التفكير ولا يحس بنفسه ولما تتفاهمين معاه وتوضحيله هالشيء صدقيني بتشوفي ردة فعله وراح يتفهم

طبعا هذا في حال زوجك كان اسلوب الحوار يجيب نتيجه اما اذا مايجيب نتيجه فانصحك ترسلي اقرب الناس له ويفهمه هذه الامور

واهم شي اثناء الحوار لاتقولي لزوجك انت المخطئ ونفس الوقت لاتقولي انك ان الفغلط عليك

خلي الموضوع كانه خطا مشترك بسبب ظروف انجبرتو عليها

والله يوفقك ويسهل امرك

[بدووويه]

الله يفرج همك يالغالية
والله يسخر لك زوجك
المفروض يعذرك لانك حامل
ومعروف الحامل تكون نفسيتع
ها ووحامها وتحتاج راحة ونوم و
والله كسرتي قلبي
الله يهديه لك
أنصحك بالدعااء آخر الليل بأن الله يرده لك ردا جميلا

[شعور الامومة]

والله ماعرف بشنو انصحج بس ادعيلج ربي يفرج همج ويجمع بينكم قريبا عاجلا ويسخرلج زوجج
وعجبني راي مشاعل الدوسري في بعض الاشياء

[ملكتني بهمسك]

السبب تافه مايحتاج يطلعك من بيتك عني انا انصحك خلي واحد من اهلك يتدخل وهو شكله يدور الزله في راسه شي !! ولا احد معبي راسه عليك
والمفروض لك احترامك اليوم سكتي على كلمت بقره اجل بكره ايش بيقول ؟
ليش تسكتين اكثر من مره ؟؟ اسكتي مره وحده بس مو كل مره تعديه له وين الاحترام والعشره والتقدير ؟ وفوقها انتي ام عياله يعني لك احترام غصبن عنه
هذي الفتره كلها ماسال ولاصرف معناته مايبغا يتحمل مسؤليه نصيحه لاتسكتين زياده راح يضيع عمرك تنتضرينه
ليش هو عايش حياته من غير مسؤليه ومصرف اموره على كيفه وانتي عند اهلك وقلبك محروق خلي اهلك ولا اهله
يتدخلون مايسير الحياه كذا اجل بعد 10 سنوات ايش بيسوي الوحده تسكت عن اشياء وتتنازل لكن
مو لدرجه الاهانه والتطنيش صدقيني لو بتنتضرين يمكن تمر عليك سنين وانتي عند اهلك لو كنتي تهميه كان تفاهم معك مو طلعك من بيتك وانتي ماغلطي عليه بس هو عارف انك بتسكتين عشان كذا جالس يتمدا
ليش ياقلبي انت بنت ناس وغصبن عليه يحترمك بنت الناس مو جاريه عنده يايعيش معك بمعروف يايسيبك بمعروف
ويتحمل مصاريف عياله اهلك مو مجبورين يصرفون على عياله يعني هو يرضى كل ماعصبتي قلتيله ياحمار ؟
دخلي اهلك واهله عشان تعرفين ايش في نفسه قبل يروح عمرك وهو عايش حياته وبكره
تسمعين انه تزوجك عليك وانتي عند اهلك تنتضريه
الله يسخره لك وترجعون لبعض ويبعد عنه عيال وبنات الحرام ولو فيه احد معبي ولاعب براسه عليك الله يجعل تدبيره تدمير عليه