الاحد .. موعد تحليلي لااطفال الانابيب ,,ادعوا لي

[لبى أمي]

السلام عليكم ورحمة الله وبركاته
هذا اول موضوع لي في هذا المنتدى ...
بارك الله فيكن يااخواتي دايم اقراء مواضيع منتديات حوامل ويرتاح قلبي

مابي اطول عليكم موضوعي باختصار انا عمري 28 سنه تقريبا اربع سنوات متزوجه
ومن اسبوع تقريبا كانت تجربتي مع اطفال الانابيب والحمدلله كل شي كان ممتاز بس مدري ليه عدد البويضات كان قليل في البدايه قالوا ان كان فيني 7 بويضات و6 الي تلقحوا ويوم ارجاع الاجنه رجعت فيني بويضتين رقم 1 اظن يقصدون باالارقام ان رقم واحد تكون ممتازه ولله الحمد ورجعت فيني بويضه رقم 2 القصد ان يكون فيها شي بسيط بس ماياثر على الجنين والله اعلم فكان كلام الدكتوره مطمني اول الله سبحانه .... وبس ماكان فيه اجنه للتجميد... هل هذا طبيعي؟؟؟؟
يوم الاحد الجاي باذن الله موعدي لتحليل الدم وطبعا نفسيتي مدري وش اقولكن يابنات الحمدلله اقرا القران كل يوم وادعي ربي واميمتي تدعي لي بس والله اني صرت افكر وش بقول لاهلي اذاا ماكان فيه حمل يعني نفسيتي تعبانه بس لان الكل منتظر خبر حلو يوم الاحد واتمنى ان ربي يرزقني ويرزق كل محرومه يارب ....

انا من البدايه دايم يقولون لي ان فيني تكيس مبايض وان وزني لازم انزله وطبعا اربع سنوات احاول وصعب وزني ينزل ..... فقلت لازم اتوكل على الله واسوي الانابيب ... مدري والله اكتب لكن احس اني افضفض .. حسيت بالام بسيطه هاليومين جداااااااااااااااااااااااااااا بسيطه فمدري والله اعلم .... ومرات اقول ماحس بشي اكيد مافيه شي..........

الله كريم يارب
سامحوني طولت عليكم
يارب يطمن قلبي يوم الاحد ويرزقني واياكن الذريه الصالحه الصاحيه يارب العالمين
جزاكن الله خيرا