العمليه ودم الدوره

[الفجر المنتظر]

بنات قبل شهرين عملت عملية وفشلت والحين نزلت الدورة الثانية ووابغى اعيد العملية بكرة ببدأ في العملية الثالثة بس السؤال الدورة مررررة قليلة لا تذكر افراز بني فقط ومخاط ( المعذرة) هل ابدأ عادي ودورتي كذا

[أحلى عطور]

حبيبتي اشربي قرفة كثير وادخني عشان تنزل ...
واذا مانزلت فهذا يدل على ضعف فالتبويض ...
باذن الله اذا بديتي خذي رويال جل حبوب من الصيدليه وكليها انتي وزوجك مرره جيده ...
يارب يرزقك وتفرحين باحلى توؤم بالدنيا....

[ابتسامه رغم الالم]

حبيبتي فجر موفقه يارب بعمليتك انا بعمليتي الاخيره كنت نفس حالتك وقلت للدكتووووور واعتبره شي عادي واعطاني المنشطات

فلا تقلقي ان شاء الله خير

وبأذن الحي القيوم تنجح هالمره وتبشريني يارب ياسميع ياعليم ان يبارك لك بكل خطوووووووووووووواتك

لكن ما قلتيلي وين قررتي تسوينها

[الفجر المنتظر]

مشكورين طمنتوني كنت ابكي من الهم ويوم دخلت ارتحت ربي يكتب لنا الخير
بسومة بعد دراسة ومقابلة الدكتور خالد والدكتور مازن و التواصل مع الدكتور عصمت اخترت الدكتور مازن لبعض الاسباب منها انه هو دكتوري في التخصصي وثاني شي لانه يعمل منظار بنفسه والدكتور خالد ما يعمله اما الدكتور عصمت فبعد المقارنة وجدت انه الافضل صراحة صار عارف حالتي بس من خلال الاتصال جدا ذووووووووووق تمنت اعمل العملية عنده بس زوجي مو مرتاح للسفر والبهدلة فهونت , الدكتور مازن ممتاز بس زحمة جددددددداوانا ما حب الزحمة وبعد الاستخارة وجدت انه مناسب لوضعي واخترته ، وربي يكتب لي الخير على يده ، وراح اعمل العمليه في الطبي الدولي. دعووووووًوووووواتكم

[ماشتي]

الله يرزقك الذرية الصالحة .. باذن ربي هادي المرة رح تنجح و خلي عندك حسن الظن بالله
في كل مرة تتكرر العملية بتزيد نسبة النجاح فيها
ان شاء الله بنسمع عنك الاخبار الطيبة ، بالتوفييييق

[M0ra]

حبيبتى اشربى قرفة بس الى عندك ده علامة التبويض الضعيف و علاجو المنشطات لا تقلقى
و لا يؤثر على العملية خالص
موفقة و حامل عن قريب

[ابتسامه رغم الالم]

موفقه يارب يا الفجر وطبعا الخيره في مختارها الله

ويارب تبشرينا هالمره بالحمل السليم يارب العالمين

والله انا جالسه افكر اعمل في الصيفيه عمليه تثقيب عند الدكتور انتصار الطولوني

قريت عنه انو ممتاز في جراحه المناظير وعمليه التثقيب ولقيت انو احسن واحد وطبعا هو في جده ويارب تتيسر واعملها واحمل بعدها طبيعي

:(

[الفجر المنتظر]

بسومة انتصار الطولوني كلمة ممتاز قليلة عليه ومرة ذوق وطيب ومو مادي اعرف وحدة راحت عنده وطلع عندها اورام ليفية وعشان مايخسرها سعى انه يدخلها الحكومي مستشفى الملك فهد وسوى لها العملية هناك ووحدة اعرفها بس ما ادري وش مشكلتها بالظبط لانها كبيرة بالسن وغير متعلمة وماتعرف عن حالتها كثير تقول سويت العملية من هنا وحملت من هنا بس عملية ايش ما ادري. وهي متاخرة سنين ، بسومة اذا عزمتي تسوي العملية عنده احجزي موعد اول شوفي وش يقول لك تري مواعيده بعيدة ، انا لما قالي الدكتور خالد ماسوى منظار اتصلت علي المنسقة حقته اعطتني موعد بعيد بعد موعد عمليتي، فغيرت للدكتور مازن خاص ،لانه يعمل المنظار بنفسه قبل العملية ،الحمد لله كانت خيرة من الله ، وقبلوني مع مازن في التخصصي.

[ابتسامه رغم الالم]

الله يسعدك فجوره طمنتيني طيب انا كلمت منسقته ولكن قالتلي هو يعملها في الحكومي وفيه ناس يطلبونها بالخاص لان الحكومي ما يقبل في اليوم الا اربع عمليات بس

والمواعيد حقت العمليه الاحد والثلاثاء فقط

وقالت لازم اروح الحكومي عشان الفحوصات المبدائيه وافتح ملف في مستشفى الملك عبدالعزيز وبعدها استنى الموعد يجي بعد اربعه اسابيع اذا ما زادت

وانا احترت هل فتح الملف والمقابله الاولى على دوره او على طهر لان ما سئلتها وادق بعدين ماترد

:(

[الفجر المنتظر]

بسومة ايه هو يشتغل في مستشفى الملك عبد العزيز ويسوي العملية هناك مجاني للمرضى , والله ما اقدر افيدك بس انت احجزي موعد عشان تفهمي منه. وسويها في الحكومي افضل من الخسارة.