طيبة زوجي تظلمني

بيللي · 04-30-2013, 01:28 PM

اقتباس:

المشاركة الأصلية كتبت بواسطة المشتاقة لكلمة ماما

الله يعينك ويصبرك يارب ويعينى ويصبرنى نفس مشكلتى تماما مافرقت كتير عنك بس انا صرت اطنش ماعاد تفرق معى تعودت 4 سنين متزوجة صار عندى اشى طبيعىهادى طيبة زيادة عن اللزوم الله يفرجها

الله يعينك هذا اللي خايفه منه

انا مشكلتي ماابيهم بالبدايه لو صار عندي عيال بيكون الوضع ارحم شوي

اقتباس:

المشاركة الأصلية كتبت بواسطة زهرة البنفسج ّ

السلام عليكم ورحمة الله وبركاته

الله يفرج عنك يارب. عليكي ب الصبر ثم الصبر ثم الصبر.
ولزم تكلمي زوجك ان لكم شي اسمه خصوصيه بينكم.

وحوالي توضحي له. انك انتي ما تسوي مثله وتعلي اهلك ع كل شي عنه لان ذي خصوصيه.

والله يفرج عنك. كنت أعاني من ذي المشكلة وجلست اسكت وأسكت. لحد ماصار الوضع لايطاق. وأطريت اني أخلي احد من أفراد أهلي يكلمه انه مصير كل الكلام تنقله.

لان بين الرجل والمرااءه في شي اسمه خصوصيه.

والله يوفقكم يارب ويتغير للأفضل

هو يعتبر نقل اسرارنا نوع من البر لامه

واحيانا اقول هذا فيه نقص عشان اهله مايحبونه يبغاهم بالغصب يحبونه

اقتباس:

المشاركة الأصلية كتبت بواسطة أم لينا

هلا انا كنت أعاني نفس اللي تعانين منه في بدايه زواجي بس انا اخس كان يجيب صديقه في كل مشاويرنا لكن علمته الادب صرت اذا جاب حد ما ارضى اطلع لين خف شوي شوي والحين صرنا نطلع لوحدنا واحيانا نشل العيال معانا

انا لله وانا اليه راجعون صديقه مره وحده

بس هذا الاسلوب المناسب قالت لي عليه وحده

بس من اول يوم فشلت

سالته مره بنروح الكوفي لوحدنا قال اي

يوم ركبت السياره اتفاجئ يمر على امه

ويقومو خواته يقولون بيروحون واخوانه الاولاد وحتي الكبار اللي اتغطى عنهم

بس الحمدلله امه رفضت وقالت بروح لوحدي لحد يجي معنا

بس بالنهايه الطلعه فيها امه مو لحالنا

بيللي · 04-30-2013, 01:39 PM

الله يعين كل وحده مصابه بهالمرض

ويسعد كل اللي ساعدوني

والله وحده قالت لي اجرب معه اسلوب اني ارفض لو عرفت ان معنا احد

وفكره حلوه

ولها فوائد

قالت كذا اهله بيحسون انك ماتبينهم وبنفس الوقت هو ينحرج منهم

وبعدين هو راح يطفش وهو دايم يطلع مع اهله ويتمناك معه

فراح يخصص لك ايام لوحدك

طبعا جربتها ونفعت شوي بس صار يعصب علي ويقولو ليه تكرهينهم وكل مايقولو لي شخبارك او وينك\

قالي شفتي يحبونك يسالون عنك

///

والمشكله الاولى اللي هي الاسرار انا علمت امي انه موثقه وماصدقت ان في رجال كذا

بعد ماصارت لنا سالفه وامه مسافره دق وعلمها

ساعتها امي صدقت ان كل شي ينقله وقالت خلاص المرات الجايه بناخذ الحذر ومانقوله شي

طبعا بيعصب علي بالبدايه بس لازم يعرف ان اهلي استنقصوه لانه مايحفظ اسرار بيتنا
..

حلم حقيقي · 04-30-2013, 11:36 PM

اقتباس:

والله لها وجه بعد تقولي لو غير رايه ومااخذني معكم بالسفر راح اعرف ان انت اللي رافضه وفريتي مخه

قلت لها بنجدد شهر العسل وفاجئتيني يوم قلتي انك معنا

قالت خلاص رحتو شهر عسل انت ماتشبعين اسبوع لحالكم مايكفييك لاتصيري طماعه

ودخلت معي بجدال بس حاولت امسك اعصابي واكون عاديه وقلت لها يصير خير

لاحول الله ولاقوه الا بالله هالجراءه جات من زوجك الله يهديه
منجد اشوف هالشي قلة ذوووق

اقتباس:

حاولت اجيه باسلوب يحبه الرجل

قلت له اذا مصر تاخذ اختك قولي قبل بيومين عشان مااستعد

قالي تستعدي لايش قلت عشان مااودي قمصان النوم كيف اوديها واختك معنا

فكأنه غير رايه شوي >>شرايكم

والله كنت مستحيه اقوله كذا بس لازم يفهم الخصوصيه شوي

اوكي موقفك حلو غصبن عنك الله يعينك

اقتباس:

بالنسبه لاسرار بيتنا احيانا اشياء عاديه جدا مااقوله انا اهلي يقولون له بس انا ماابي اعوده كل شي ينقل لهم

راحو هنا وجاو هنا وجاووهم فلان وفلان

هو مايعلمني ابدا اسرار بيتهم حتى اعرف اسرارهم من الناس ولو جيت قلت له يقولي احسن انا رجال والرجال مايعلم زوجته

طيب ليه تعلم امك وخواتك.

تمام قولي له حلو الانسان يكون كتوم لاتعلمني اسرار اهلك ولاتنقل لهم اخبار اهلي والناس
انتي اقلبيها مدح ودقي بالكلام راح يفهمك
والله يكون بعونك هذا طبــع ومع الايام والسنين بيتغير صدقيني بس يبي صبــر منك
موفقة

زووووز · 05-01-2013, 08:34 AM

بجد الله يعينك حبيبتي
هي مشكله صغيره وكبيره بنفس الوقت تحرمك تستمعين بالكلام او الطلعه مع زوجك
مثل ماقالوا البنات الصبر ثم الصبر وماراح يبطل لين ينقرص منهم

انا في بداية زواجي كان يقول لاهله كل شي متى جلسنا وشكلنا وين رحنا وانا جالسه واسمع بعدين نركب السياره انفجر فيه ليه تقول وماله داعي وفي بعض الاشيا ممكن حتى تخليهم ياخذون عني افكار موحلوه مثل يقولهم جلسنا متاخر ماطبخنا غدا. يعني هم شبيقولون كسوله راعية نوم. هذه خصوصيتنا لا اهلي ولاهلك
لكن لاحياة لمن تنادي واللي يقهر يكون في موضوع بينا يقولي لاتعلمين اهلك واتفاجا هو علم اهله بعدها قلتله لاتقولي لاتعلمين اي شي ابي اقوله بقوله مابي اقوله بكيفي
وبنفس الوقت ماكان يقولي شي عنهم ابد لدرجة حتى لو شي قالوا قلها فلانه ولدت مايعلمني يقول نسيت
والمشكله الاكبر انهم مايعلمونه باسرارهم
وكذا مره تصير اشيا ويكتشف ان اخر من يعلم ومره بيسافرون وهو كل يوم يمرهم ولاعلموه الا قبل يوم
ومن يصير مواقف استغلها وانحز له بالكلام

والحين خف كثير الحمدالله

بيللي · 05-01-2013, 01:16 PM

اقتباس:

المشاركة الأصلية كتبت بواسطة حلم حقيقي

لاحول الله ولاقوه الا بالله هالجراءه جات من زوجك الله يهديه
منجد اشوف هالشي قلة ذوووق

اوكي موقفك حلو غصبن عنك الله يعينك

تمام قولي له حلو الانسان يكون كتوم لاتعلمني اسرار اهلك ولاتنقل لهم اخبار اهلي والناس
انتي اقلبيها مدح ودقي بالكلام راح يفهمك
والله يكون بعونك هذا طبــع ومع الايام والسنين بيتغير صدقيني بس يبي صبــر منك
موفقة

هو ذكي كثير ويفهم الدقات بسرعه ويعصب علي ويقولي اسكتي خلاص فهمت

بس المشكله ماينفذ

الله يعينا بس

امه ربته ان يعلمها كل شي من باب البر

اما لو علم زوجته يعتبرونه خروف

انا قلت له لاتعلمني ولاتعلمهم خلك كتوم

قلت له راح انكد عليك عيشتك كل مره لو علمت بس الله يصبرنا

بيللي · 05-01-2013, 01:20 PM

اقتباس:

المشاركة الأصلية كتبت بواسطة زووووز

بجد الله يعينك حبيبتي
هي مشكله صغيره وكبيره بنفس الوقت تحرمك تستمعين بالكلام او الطلعه مع زوجك
مثل ماقالوا البنات الصبر ثم الصبر وماراح يبطل لين ينقرص منهم

انا في بداية زواجي كان يقول لاهله كل شي متى جلسنا وشكلنا وين رحنا وانا جالسه واسمع بعدين نركب السياره انفجر فيه ليه تقول وماله داعي وفي بعض الاشيا ممكن حتى تخليهم ياخذون عني افكار موحلوه مثل يقولهم جلسنا متاخر ماطبخنا غدا. يعني هم شبيقولون كسوله راعية نوم. هذه خصوصيتنا لا اهلي ولاهلك
لكن لاحياة لمن تنادي واللي يقهر يكون في موضوع بينا يقولي لاتعلمين اهلك واتفاجا هو علم اهله بعدها قلتله لاتقولي لاتعلمين اي شي ابي اقوله بقوله مابي اقوله بكيفي
وبنفس الوقت ماكان يقولي شي عنهم ابد لدرجة حتى لو شي قالوا قلها فلانه ولدت مايعلمني يقول نسيت
والمشكله الاكبر انهم مايعلمونه باسرارهم
وكذا مره تصير اشيا ويكتشف ان اخر من يعلم ومره بيسافرون وهو كل يوم يمرهم ولاعلموه الا قبل يوم
ومن يصير مواقف استغلها وانحز له بالكلام

والحين خف كثير الحمدالله

سبحان الله كانك تتكلمي عن زوجي

ببدايه زواجنا يتكلم يقول طبحت مالح طبخت لين هههه قدام اهله

بس الحمدلله اخته اكبر مني بعشر سنين وتزوجت متاخر وكانت تعاني من هالشي

فصارت امه معي وقالت ايه اللي تطبخ لعايله وتجي تطبخ لشخص تتغير المقادير ووتلخبط

والحمدلله بعدها سكت لان جات من امه

الحين يمدح طبخي قدام امه وهي تغار

وعلى طاري السفر انا زوجي بمجرد مايفكر انه بيسافر يعلمهم اما هم يسافرون ولافقدهم يومين او 3

وسال عنهم يكتشف انهم مسافرين حتى مايعلمونه بنفس اليوم

يعني كم مر انقرص منهم ومافي فايده

[COLOR="rgb(0, 191, 255)"]
احس كل ماعاملوه بسوء يقرب منهم اكثر

لانه يبيهم يحبونه غصب
[/COLOR]

ام جوري&& · 05-01-2013, 05:45 PM

قسم انها معانااااااااااااه وانا خيتك 000 وصعب تعودين رجال متعود على وجود اهله بكل شي00 بس خلك فعلا زي ماقالوا لك البناااات لاتطلعين اذا طلعوا 000 قولي حابه اكون لوحدي كالعاده بس مو دايم دايم عشان مايقول عليك حقوده وهم الطيبين 000 لكن اوقات هيك واوقات هيك 00وخلي لسانك معه حلووووو 00 وحتى لو رفضتي تروحي وهم موجودين جبيها باسلوب مو تعصبي وتعصبيه والرجال يكره العصبيه والعناد من الحرمه وبيعاند عليك اكثر 00

والله يوفقك حبيبتي ويكفيك شر الحاسدين ويسخر لك زوجك 00

بيللي · 05-02-2013, 08:17 PM

اقتباس:

المشاركة الأصلية كتبت بواسطة ام جوري&&

قسم انها معانااااااااااااه وانا خيتك 000 وصعب تعودين رجال متعود على وجود اهله بكل شي00 بس خلك فعلا زي ماقالوا لك البناااات لاتطلعين اذا طلعوا 000 قولي حابه اكون لوحدي كالعاده بس مو دايم دايم عشان مايقول عليك حقوده وهم الطيبين 000 لكن اوقات هيك واوقات هيك 00وخلي لسانك معه حلووووو 00 وحتى لو رفضتي تروحي وهم موجودين جبيها باسلوب مو تعصبي وتعصبيه والرجال يكره العصبيه والعناد من الحرمه وبيعاند عليك اكثر 00

والله يوفقك حبيبتي ويكفيك شر الحاسدين ويسخر لك زوجك 00

ايوا اول كنت اطلع معهم واضحك واحيانا اقول لا وددي اطلع لحالنا

بس للاسف استغل هالشي وصار يقولي هذا انت تنبسطين وتسولفي معهم ليه ماتبينهم طول الوقت

فكرهني فيهم

واحيانا تكون الطلعه غير مقصوده

مثلا اطلع معه عشان نتمشى والا يصادف يدقون عليه بيروحون مكان يقوم يمشيهم معنا

ويقول خلاص مشيتك

الحين وصلت لمرحله صار عندي عادي لو يقول تكرهينهم او حسوده اقوله ايه هذا انت عرفتني

خاف عليهم مني

بس مااقول الا الله يسخره لي ويبعد عنا الحساد واللي ينقصون علينا

"ام تولين" · 05-03-2013, 03:23 AM

الله يعينك وييسرلك:/

فاغره · 05-03-2013, 06:16 AM

يووووووووووووووه كنك اختي تتكلم الله يعينك شي يمرض والله اختي مثلك متزوجه لها 9 شهور وكل ما كلمتني تشكي منه ومن خواته النشبه هي كانت زيك تسكت بعدين صارت تزبد تقول طالعين بحر خلاص اطلع معاهم انا بكره اطلع معاك لوحدنا وتعلمه بحركاتهم ولقافتهم اذا جوها البيت بس بطريقة سوالف عادي مو شوف خواتك قالو سو يعني كنها تقول سالفه عاديه عشان يعرف انهم يمغصون وللحين تعاني خلاص طبعه ولاهي قادره تتصرف واذا قالت لوحدنا زعل وحط الوم عليها ما تبي احد والى اخره بس خف احسن من اول الله يهديه ويهدي زوجك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من تعلمني متى ايام التبويض	ام الشهد	منتدى أعراض الحمل والوحام	5	12-07-2012 08:52 PM
مستوصف مركز طيبة ، هاتف مستوصف مركز طيبة ، عنوان مستوصف مركز طيبة	حب العمر	إستفسارات المستشفيات و عيادات نساء وولادة	0	07-12-2012 02:01 AM
مستشفى طيبة التخصصي ، رقم هاتف مستشفى طيبة التخصصي ، عنوان مستشفى طيبة التخصصي	حب العمر	إستفسارات المستشفيات و عيادات نساء وولادة	0	07-07-2012 11:18 AM
مين تعلمني للبنر	الدانـه	المـنـتـدى الـعـام	1	03-21-2011 09:47 PM
من تعلمني كيف اعمل التوقيع؟؟	ρ ļ ѕ м ●°	إستفسارات حوامل من الشهر السابع إلى الشهر التاسع	8	09-04-2010 03:06 AM