طيبة زوجي تظلمني

[بيللي]

السلام عليكم


انا عندي مشكلة ان شاء الله انها تكون صغيره وسهله

لكن اتمنى احصل لها حل

سبحان الله حليت مشاكل كثيره وكبيره جداااااااا وهالمشكله التافهه موقادرة احلها

بجد اعاني منها وخاصه يوم حملت صارت نفسيتي زفت ومااتحمل شي


مشكلتي منقسمه قسمين

أ)


المشكلة زوجي يدخل امه واخواته بكل تفاصيل حياتنا وحتى الاشياء اللي تخصني لوحدي او تخص اهلي

كل شي يصير لي من امراض او مناسبات او شي يخص اهلي على طول يعلم اهله

هالشيء يضايقني وصرت مااثق اقوله شي واذا ماقلت يزعل ويعصب ويعتبرني سويت اشياء من وراه

احيانا احتاج افضفض له عن مشكله بيني وبين قريباتي اكتشف ان الاخ راح يقول لامه

يعني يعتبر كل تفاصيل حياتي مجرد سوالف ولما اقوله ليه تعلم يقول كيفي

ويعصب ويقولي لاتناقشيني هذول اهلي وانا واهلي شخص واحد.

وربي صرت انحرج من اهلي لما يدرو ان اهله درو بموضوع يخص بيتنا.


* انا وزوجي ساكنين بشقه مستقله عن اهل زوجي ولله الحمد*

لكن توصلهم الاخبار بسرعه البرق

حتى لو امه مسافره وصار شي ببيتنا يتصل على امه يعلمها مايصبر لحد مايرجع


صارت ثقتي فيه مهزوزه وصرت اندم لما اسولف سوالف عاديه

لما يجلس يسولف مع اهلي اصير على اعصابي اخاف يقولو شي خاص يثقو فيه ويروح يعلم اهله.


////////




ب)

كل مشوار في حياتي اروحه لازم يجيب اهله اللي قاهرني انهم مايقولون له هو اللي يقترح ان يروحو معنا

صار لنا متزوجين 6 شهور ومن اول شهر وهو نفس الاسلوب

كوفي -مطعم-سوق- بحر- لازم اهله معنى مافي اي ذرة خصوصية

طبعا لو طلعو معنا يسوي نفسه كانه موشايفني ولا يتغزل فيني ولايعطيني اي اهتمام

يقول عشان خواتي ماتزوجو واخاف احرك مشاعرهم او ينقهرو

حتى مايسالني وش احب اكل او وين اروح بس يسالهم يقول عشان مايحسو اني تغيرت بعد الزواج وان زوجتي خلتني خاتم باصباعها

اقوله اعتبر نفسك متزوج ثنتين يوم لي ويوم لهم انا موافقه بس احس بالخصوصيه شوي

يقولي هم مو اعداءك عشان تختاري يوم لحالك تطلعي فيه

اللي قاهرني اكثر ان خواته مايحبونه بس عشان المصالح ودايم يطلعو من وراه وينبسطو ومايدري عنهم

واحيانا اهله كلهم ييطلعو يتمشو وهو بالذات مايبغوه معهم بس وربي ماادري ليه

اتمني انهم يحبونه مثل مايحبهم

امه الله يهديها تعاملني كاني عدوه ودايم تصارخ علي وبالذات يوم حملت >>> راح اكتب عنها في موضوع منفصل لاني موفاهمتها

وصلت في زوجي السخافه انه يقولي ليه انت تحبي بنات عمك اكثر من خواتي

انا ابيك تعتبرينهم خواتك (علما علاقتي باخواته عادية ورسميه بس انا اقوله ماابيهم بكل مشوار حتى لو كانو صدق خواتي)

قالي اقطعي علاقتك ببنات عمك وخلي خواتي كل حياتك

حاولت اجاريه وقلت طيب

بس تعبت شخصيتهم ماتناسبني مختلفين عني تماما وحتى اخلاقياتهم غير ومااقدر استمر معهم

حتى صارت تصرفاتهم غريبه اقل موقف بيني وبينه يحرضوني عليه ويقووولون كيف صابره على اخونا لو انا منك تطلقت منه

وكل شوي يقولو تطلقي احسن >> يقولوها باسلوب مزح

بس دايم تتكر هالجمله (تطلقي منه) او تقولي اخته ترا اخوي يحب الملسونه مايحب المطيعه


بس انا ماعلمته لانه قبل قالي يمكن خواتي يغارون منك لانك اخذتي اخوهم

وصلت فيه الحاله ان حتى السفر يقول عاملي مفاجئه وتجديد شهر العسل واكتشف ان عازم اخته معنا يقولي عشان تسليك وتنبسطي معها


////


سوري طولت عليكم في تفاصيل كثيرة تغث بس جد تعبت مادري هذي طيبة زايدة او غباء او ماادري ايش

[غادة9]

والله الله يعينك على هيك اجواء

بكرة ان شاالله لما يجي البيبي رح تتغير حياتك للافضل ان شاالله
وزوجك كمان رح يشعر انه صارله عيله واسره هو مسؤول عنهم

**

[بيللي]

المشاركة الأصلية كتبت بواسطة غادة9

والله الله يعينك على هيك اجواء

بكرة ان شاالله لما يجي البيبي رح تتغير حياتك للافضل ان شاالله
وزوجك كمان رح يشعر انه صارله عيله واسره هو مسؤول عنهم

**

شكرا على ردك

المشكله انا ابغى انبسط معه ببدايه حياتي

قبل ماتصير عندي عيال وارتباطات ومسؤليات


وابغى اتفادى الموقف قبل مااوصل لحد اني اكره خواته

[حلم حقيقي]

قلبي معك يالغلا
وهذا طبـــــــــــع فيه مستحيل يتغير الا بحاله وحده انتي الي تتغيري كليا
وبأعتبار انكم لسه ببدايه الزواج يبلكم وقت عشان تفهمون بعض
انتي ياقلبي ماعليك من ناحيه الفضفه والكلام نصيحه لاتقولين له اي شي يخص اهلك
لان راح يسبب لك احراج مع اهلك
نهائيا لاتتكلمين عن اي شي ماتبين امه واهله يدرون فيه
ولو سمع بعدين من برى وعاتبك
قولي له انا قاصده اني ماقولك لك لانك ماتعرف شي اسمه كتمان
لازم ف اشياء خاصه بيني وبينك فقط لاامي ولا امك ولا احد يدري
بها عشان الحياه تستمر بدون مشاكل وحساسيات انت باسلوبك
هذا بتكرهني باهلك وكذالك هم بيكرهوني
لو تحتفظ باسرار بيتنا لوحدنا بنسلم من تدخلات اهلنا
ومن المشاكل الي بتجينا عقبها
انتي وضحي له ان هالشي بيضركم الاثنين بالمستقبل
وراح ياثر عكسي بعلاقتك بامه وخواته
وحتي هو علاقته باهلك واخوانك
هالشي بيضركم اثنينكم
وبالنسبه لخواته انتي عامليهم بما يرضي الله فقط والحدود مطلوبه جدا جدا
خليك زي مانتي
احسن لاتفتحين لهم باب ماتقدرين بعدين تسكرينه
اما امه الحقران والابتسامه دوم خليكي كذا اصبري
انتي الكسبانه وبالنسبه للطلعات سوي لك موقف وقولي خلاص
طلعه عائليه مابي ابي انا وانت بروحنا اذا يصير بطلع
اما عائليه لا مابي خذهم بروحهم واتمشي معاهم
ويوم لي انا لحالي معاك
والله يستر عليك
اصبري الصبر زين ونصيحه الغلط لايطلع منكي ابـــــدا حافظي ع هدوئك
لان هذا صورت اهله عنده ملائكه وتعود ع الكلام مع امه وخواته عن كل صغيره وكبيره
صعب جدا يتغير ف يوم وليله انتي افرضي شخصيتك
فاصبري وعاملي الكل بما يرضي الله

طولت موفقه يارب

[سوزان الرياض]

الله يعينك
كل شي ممكن اعديه الا هذا
وصلت فيه الحاله ان حتى السفر يقول عاملي مفاجئه وتجديد شهر العسل واكتشف ان عازم اخته معنا يقولي عشان تسليك وتنبسطي معها
وهي بعد لها وجه توافق
اسمعي حبيبتي بكرا راح يجيك اطفال وراح يكتفي فيهم وتطلعون انتم وياهم
وبالنسبه للاسرار لاتقولين له ولا كلمه خليه يزعل ليش يوصل لااهله
ولا جربي تطلعين له سر وخلي امك تقوله وهو جالس واذا رجعتي للبيت قولي شفت وش كثر يقهر

[المشتاقة لكلمة ماما]

الله يعينك ويصبرك يارب ويعينى ويصبرنى نفس مشكلتى تماما مافرقت كتير عنك بس انا صرت اطنش ماعاد تفرق معى تعودت 4 سنين متزوجة صار عندى اشى طبيعىهادى طيبة زيادة عن اللزوم الله يفرجها

[زهرة البنفسج ّ]

السلام عليكم ورحمة الله وبركاته

الله يفرج عنك يارب. عليكي ب الصبر ثم الصبر ثم الصبر.
ولزم تكلمي زوجك ان لكم شي اسمه خصوصيه بينكم.

وحوالي توضحي له. انك انتي ما تسوي مثله وتعلي اهلك ع كل شي عنه لان ذي خصوصيه.

والله يفرج عنك. كنت أعاني من ذي المشكلة وجلست اسكت وأسكت. لحد ماصار الوضع لايطاق. وأطريت اني أخلي احد من أفراد أهلي يكلمه انه مصير كل الكلام تنقله.


لان بين الرجل والمرااءه في شي اسمه خصوصيه.

والله يوفقكم يارب ويتغير للأفضل

[أم لينا]

هلا انا كنت أعاني نفس اللي تعانين منه في بدايه زواجي بس انا اخس كان يجيب صديقه في كل مشاويرنا لكن علمته الادب صرت اذا جاب حد ما ارضى اطلع لين خف شوي شوي والحين صرنا نطلع لوحدنا واحيانا نشل العيال معانا

[بيللي]

المشاركة الأصلية كتبت بواسطة حلم حقيقي

قلبي معك يالغلا
وهذا طبـــــــــــع فيه مستحيل يتغير الا بحاله وحده انتي الي تتغيري كليا
وبأعتبار انكم لسه ببدايه الزواج يبلكم وقت عشان تفهمون بعض
انتي ياقلبي ماعليك من ناحيه الفضفه والكلام نصيحه لاتقولين له اي شي يخص اهلك
لان راح يسبب لك احراج مع اهلك
نهائيا لاتتكلمين عن اي شي ماتبين امه واهله يدرون فيه
ولو سمع بعدين من برى وعاتبك
قولي له انا قاصده اني ماقولك لك لانك ماتعرف شي اسمه كتمان
لازم ف اشياء خاصه بيني وبينك فقط لاامي ولا امك ولا احد يدري
بها عشان الحياه تستمر بدون مشاكل وحساسيات انت باسلوبك
هذا بتكرهني باهلك وكذالك هم بيكرهوني
لو تحتفظ باسرار بيتنا لوحدنا بنسلم من تدخلات اهلنا
ومن المشاكل الي بتجينا عقبها
انتي وضحي له ان هالشي بيضركم الاثنين بالمستقبل
وراح ياثر عكسي بعلاقتك بامه وخواته
وحتي هو علاقته باهلك واخوانك
هالشي بيضركم اثنينكم
وبالنسبه لخواته انتي عامليهم بما يرضي الله فقط والحدود مطلوبه جدا جدا
خليك زي مانتي
احسن لاتفتحين لهم باب ماتقدرين بعدين تسكرينه
اما امه الحقران والابتسامه دوم خليكي كذا اصبري
انتي الكسبانه وبالنسبه للطلعات سوي لك موقف وقولي خلاص
طلعه عائليه مابي ابي انا وانت بروحنا اذا يصير بطلع
اما عائليه لا مابي خذهم بروحهم واتمشي معاهم
ويوم لي انا لحالي معاك
والله يستر عليك
اصبري الصبر زين ونصيحه الغلط لايطلع منكي ابـــــدا حافظي ع هدوئك
لان هذا صورت اهله عنده ملائكه وتعود ع الكلام مع امه وخواته عن كل صغيره وكبيره
صعب جدا يتغير ف يوم وليله انتي افرضي شخصيتك
فاصبري وعاملي الكل بما يرضي الله

طولت موفقه يارب

\
\

والله لها وجه بعد تقولي لو غير رايه ومااخذني معكم بالسفر راح اعرف ان انت اللي رافضه وفريتي مخه

قلت لها بنجدد شهر العسل وفاجئتيني يوم قلتي انك معنا

قالت خلاص رحتو شهر عسل انت ماتشبعين اسبوع لحالكم مايكفييك لاتصيري طماعه

ودخلت معي بجدال بس حاولت امسك اعصابي واكون عاديه وقلت لها يصير خير

طبعا رحت وتهاوشت معه وقلت له اوك خلاص رح مع اختك انا ماني رايحه

طبعا اخته مراهقه ومايثق فيها يخليها لحالها بالفندق لحظه وحده هو طبعه شكاك اصلا

فرفض وقال انت الاهم بس حاولي تقتنعي انها تروح معنا

طبعا للحين مارحنا بس لو راحت انا ماراح اروح

حاولت اجيه باسلوب يحبه الرجل

قلت له اذا مصر تاخذ اختك قولي قبل بيومين عشان مااستعد

قالي تستعدي لايش قلت عشان مااودي قمصان النوم كيف اوديها واختك معنا

فكأنه غير رايه شوي >>شرايكم

والله كنت مستحيه اقوله كذا بس لازم يفهم الخصوصيه شوي


// بس الطلعات الثانيه ماني قادره اقنعه

///////////

بالنسبه لاسرار بيتنا احيانا اشياء عاديه جدا مااقوله انا اهلي يقولون له بس انا ماابي اعوده كل شي ينقل لهم

راحو هنا وجاو هنا وجاووهم فلان وفلان

هو مايعلمني ابدا اسرار بيتهم حتى اعرف اسرارهم من الناس ولو جيت قلت له يقولي احسن انا رجال والرجال مايعلم زوجته

طيب ليه تعلم امك وخواتك.

//////

[بيللي]

المشاركة الأصلية كتبت بواسطة سوزان الرياض

الله يعينك
كل شي ممكن اعديه الا هذا
وصلت فيه الحاله ان حتى السفر يقول عاملي مفاجئه وتجديد شهر العسل واكتشف ان عازم اخته معنا يقولي عشان تسليك وتنبسطي معها
وهي بعد لها وجه توافق
اسمعي حبيبتي بكرا راح يجيك اطفال وراح يكتفي فيهم وتطلعون انتم وياهم
وبالنسبه للاسرار لاتقولين له ولا كلمه خليه يزعل ليش يوصل لااهله
ولا جربي تطلعين له سر وخلي امك تقوله وهو جالس واذا رجعتي للبيت قولي شفت وش كثر يقهر

هو مايثق فيني وماعلمني شي

وانا معطيته الثقه التامه اصلا

واحيانا يقولي وش يضمن لي انك ماعلمتي يمكن علمتي ووصيتيها