المطبخ السوري { فن & ذوق & مذاق رائع }

[وردة سورية]

[وردة سورية]

المقدوس يحتلّ مكدوس الباذنجان في سوريا رأس القائمة في المؤونة المنزلية، فهناك لا يمكن الاستغناء عنه، لا في غرف المؤونة ولا في أجنحة المعارض القروية الزراعية، ولا حتى على المائدة.الفطور او العشاء فهو نوع من المقبلات هكذا، يكتسب مكدوس الباذنجان مكانة خاصة لدى السوريين حيث جرت العادة بأن يكون «الأول»... والأصعب أيضاً، إذ ثمة «عرف نسائي» يقول إنه بمجرد الانتهاء من إعداده تكون قد أنجزت «نصف المونة»، بيت المونة في سوريا يفتح في شهر "أيلول" على مصراعيه يضّم المالح والحلو، المخلل والمجفف، ويتميز شرقنا بطقوس شتى لتحضير المؤن وحفظ أصناف الطعام، من سنين طويلة وفيها أساليب وفنون غريبة . ولكل محافظة أنواع معينة وخاصّة من الأطعمة وفي سوريا يعتبر"المكدوس" أشهر الأنواع وأكثرها صناعة وطلباً وبكميات كبيرة . وتتألف أكلة "المكدوس" من عدّة مواد أولها:(الفليفلة الحمراء، الجوز، الثوم، ) الطريقة الخطوات كتير سهله بس بدها وقت يعني 3 أيام وبتكون الأكله جاهزه المقادير حسب شو بتحبو تعملو كميه المهم تعرفو ان كل 20 كيلو بيتنجان بدو 10 كيلو فليفله حمراء ونص كيلو توم ونص كيلو جوز وينفع اي نوع من الباذنجان اسود او ابيض او احمر حسب الرغبة بس الاطيب اللون الفاتح ووممكن تعمليه باذنجان صغير او كبير كلو طيب المهم مقدوس بس لازم يكون اول موسمه عشان في منه تلاقيه مرمر ومبزر من الداخل نبدأبالتحضير منسلق البيتنجان لحتى يطرى ويستوي بس ما نخليه ليستوي كتير مشان ما يهتري وقت الكبس بعد ما يستوي منخليه شوي ليبرد ومنعمل شق جانبي بالسكين ومنحشي كل بيتنجانه ملعقه ملح صغيره والأفضل يكون الملح خشن وبس نخلص كل الكميه منصف البيتنجانات بمصفايه ومنغطيها بقطعه قماش ومنكبسها منيح بشيء تقيل ثقيل مشان تروح المي وينشف البيتنجان والملح هو يلي رح يساعد بأن المي تروح بسرعه وهي شكل البيتنجان بعد ما كبسناه بعدها منحضر الحشوه منغسل الفليفله الحمراء بعد ما نكون غسلناها ونضفناها من البذر نخليه قليلا بالشمس لحتى تنشف والفليفله تعمل حلوة او حاره وهي حسب الرغبه بعدهانحضر الجوز والتوم يقطع الجوز تقطيع ناعم بالسكين نجهز الثوم وهيك بتكون الحشوة جاهزه مقاديرها نذهب لطحن الفليفله بماكينه فرم اللحمه مع التوم ونصفيهم بمصفايه مشان اذا في مي زايده تروح وبعدها نضيف للحشوه الجوز وشوية ملح وهيك بتكون حشوة المكدوس جاهزه ومنحشي البيتنجان من نفس المكان يلي حشيناه بالملح وهيك المكدوس بيكون جاهز لنصفه بالمطربان ومنغمره بالزيت الزيتون ثم نقلب المطربان على فمه لغاية اليوم الثاني ثم نقلبه ونضع عليه الزيت حتى يغمره جيدا ثم يحكم إغلاقه ولا يفتح ويؤكل إلابعد 10 ايام يغمس بالخبز

[وردة سورية]

المثلثات بالقشطه المقادير للعجينة 1كغ طحين ملعقة صغيرة ملح نصف كوب زيت نباتي نصف كوب شيرة ماء حسب الحاجة للصنع 1كغ سمنة نصف كغ قطر فستق حلبي ناعم قشطة طريقة : التحضير ينخل الطحين بشكل جيد مع الملح يوضع الدقيق في عجانة ثم يضاف الزيت والشيرة مع الماء ويبدأ العجن لحين الحصول على عجينة لينة تشبه عجينة البيتزا تقريباً. تترك العجينة لترتاح لمدة خمس دقائق ثم تقطع لقطع صغير بوزن 100 غ لكل حبة ثم ترش بالنشاء. تفتح العجينة بالشويك (مدلك العجين ) بقطر 15 سم ثم ترش بالنشاء وتوضع كل 8 قطع فوق بعضها حتى الانتهاء من العجينة. توضع كل قطعتين على طاولة رخامية مرشوشة بالنشاء وتمد مع بعضاها لحين الحصول على سماكة مثل الورق مع رش النشاء . وتوضع جانباُ تكرر العملية ثم توضع فوق الطبقى الأولى لحين الحصول على 8 ورقات فوق بعضها بحيث تكون مرشوشة بالنشاء فيما بينها. تقطع العجينة باستعمال مسطر بشكل طولي بعرض 7سم ثم يعاد تقطيعها بشكل مائل للحصول على قطعة بشكل معين . توضع ملعقة قشطة في كل معين بالطرف الأول ثم يغلق من الزاوية إلى ا لزاوية الأخرى التي تليها ثم توضع في صينة فرن بحيث توضع كل قطعة بعكس الأخرى. تسيح السمنة وتوضع على الوربات بحيث تغمر العجينة ثمتوضع بالفرن لمدة 20 دقيقة أو حتى تصبح باللون الأشقر ثم تسحب وتصفى من السمن الزائد. يسكب القطر الفاتر على الوربات بشكل خيطان على حسب الرغبة. ترش بالفستق الناعم وتترك لتبرد ثم تقدم . ملاحظة : يمكن حشو المثلثات بالفستق بحيث يكون مكسر ومعجون بالماء والسكر وماء الزهر بالإضافة لقليل من السمن العربي

[وردة سورية]

اليوم سأقدم لكم ملف كامل عن الكبة وأنواعها إن شاء الله المكونات 1-واحد كيلو هبرة و 2-6 كاسات برغل خصوصي للكبة 3-حبتين بصل متوسطة الحجم 4-ملح حسب الرغبة -رشة فلفل صغيرة 5-ماء بارد (يفضل مثلج) الحشوة: كيلو بصل- كيلو لحمة مفروم- ملح زيت نباتي للتلفيح نقوم بتشويح البصل بالزيت النباتي ثم نضيف اللحمة والملح ونقوم بتقليبها حتى تستوي وتصبح جاهزة من المهم وضعها في مصفاة حتى نتخلص من الزيت الزائد فيها نضيف لها الصنوبر المحمص وبعض الجوز المقطع وتصبح جاهزة دهنة مضاف اليها فلفل أحمر حلو وفلفل أسود ملاحظة هااامة أخواتي الغاليات خففو من البهارات المستخدمة بعمل الكبة حتى تتذوقو طعم الكبة الأصلية يعني لوكان اللحم طازج ونوعيته مميزة والبرغل أيضاً ما في داعي لإضافة بهارات وتوابل على عجينة الكبة لأنها كلها تؤثر على الطعم الأصلي وتعطينا طعم آخر ....نصيحة فقط ... الطريقة: نضع البرغل مع الهبرة والبصل والملح والماء في وعاء واسع . ملاحظة صغيرة نصب الماء على دفعات وفي كل مرة نفرم فيها الكبة على الماكينة نحتاج الى القليل من الماء كي يصبح التعامل مع الكبة أسهل ولكن كونو حذرين لما تكترو مي وتخرب العجينة يضاف الماء حتى تصبح لينة وسهل التعامل معها وقد تحتاج الى فرم من 5 الى 7 مرات حتى تصبح جاهزة لعمل الكبة المكونات أصبحت جاهزة ,والآن إلى الخطوة التالية ..فرم الكبة على ماكينة الكبة ولاااااا ينفع الخلاط ارجو الانتباه. ومتل ما حكيت من قبل الكبة بحاجة الى الفرم مرات عديدة حتى تصبح لينة وناعمة مو متل كبة المطاعم خشنة ومبرغلة لأنن ما بيفرموها متلنا المهم بنبلش نعمل الكبة العادية المعروفة مع اضافة الماء على اليدين باستمرار لحتى يسهل عمل الكبة متل هالشكل وبالصورة بتبين معنا كيف طريقة المسك وعمل الكبة ,نضع فيها اللحمة الملفحة مع البصل واذا حبيتو شوية دهنة أطيب وألذ بس انتبهو ما بتسوى لجماعة الريجيم وبالصورة في كم شكل للكبة ما شاء الله كبيرة وصغيرة وبتناسب جميع الأعمار والأذواق طبعا الكبارية الشيوخ بفضلو الكبة الكبيرة والبنات الدلوعات بفضلو الكبة الصغيرة هههه كلو بينفع المهم كبة وعنا أكيد نوع تاني من الكبة اللي هو الكبة باللبنية و الكبة بالكشك وهي بكون حجمها أصغر ونضع فيها الدهنة أو اللحمة حسب الرغبة وهي صارت جاهزة كمان(شوفوعلى جنبها كيف بكون شكل الدهنة لتكون جاهزة للحشو) هلئ صار دور المطابقات أو الكبة المشوية وطريقتها بنعمل كرات وبنكبس عليها بصحن وهيك بتطلع معنا طبقة من المطابقة وبنعمل الباقي بنفس الطريقةونضع فيها الدهنة مع قليل من اللحمة ونقليها او نشويهاوهي المطابقات صارت جاهزة كمان وهيك بنكون خلصنا الكبة وباقي علينا القلي قلي الكبة يجب أنو يكون الغاز بأعلى درجاته وقت بيحمى الزيت نضع الكبة وما بتاخد وقت بس تستوي من برا لأنو اللحمة ملفحة وجاهزة ولا ننسى التقليب المستمر لها حتى لا تحمر جنب أكتر من التاني أما المطابقات نخفض من حرارة الغاز حتى تدوب الدهنة على مهل وما تحترق من برا وتضل الدهنة على حالها من جوا تفضلو النتيجة ما شاء الله لا قوة إلا بالله مطابقات مقلية بالنسبة للمطابقات المشوية نضع مع الحشوة القليل من دبس الرمان بيعطيها طعم مميز جداً بالنسبة للكبة بلبنية وبالكشك نقوم بسلقها بماء مغلي مضاف له القليل من النشاء ورشة ملح (مثلا ليترين ماء مضاف له ملعقة طعام نشاء ورشة ملح ) نسلقها وتصبح جاهزة نقوم بتفريزها عندما تبرد أو نضعها باللبن أو الكشك الكبة بالكشك (سبق وأدرجت معجنات بالكشك وتعريف ما هو الكشك ) نحضر الكشك المكون من : ماء بارد يُضاف له كشك ويحرك حتى يذوب(كل كأس كشك يقابله من أربع إلى خمس كاسات ماء) ,يوضع على النار وعندما يغلي نضيف ثوم مهروس ونتركه يغلي قليلاً ثم نضيف حبات الكبة ويتم تسخينها ثم نسكبها في صحن التقديم مع رشة نعنعة يابسة عالوجه الكبة بلبنية دائما ما يرافق الكبة بلبنية الششبرك (بالحوراني نسميها اذان الشايب) وهو معروف (طحين وملح وماء يتكون لدينا عجينة نعمل منها حبات الششبرك ونقوم بحشوها بنفس حشوة الكبة من غير المكسرات ) الششبرك بشكلين معروفين لدى الجميع بعد السلق بالماء والنشاء مثل الكبة تمااام نحضر اللبن ونضيف له كأس صغير كأس صغير أرز مصري مسلوق وهذا سر الطعم الرااائع الذي تتميز به الكبة بلبنية في بلدنا الغالي نضيف الكبة والششبرك المسلوقين سابقاً وننتظر حتى يغلي اللبن مع الكبة والششبرك وبتكون الكبة باللبنية والششبرك جااهزين واذا بتحبي فيكي تعملي الكبه والشيش برك تغلي كل منهم لحال الكبة بالصينية ندهن صينية شوي بالسمنة العربي ونفرد عجين الكبة عليها بفرد قطع صغيرة وجعلها متساوية من حيث الإرتفاع نفرد الحشوة المجهزة للكبة ونغطيها بعجين الكبة من جديد ونقوم بالضغط عليها وجعل سطحها مستوي ولا ننسى بل أيدينا بالماء البارد نقوم بتقطيعها وتزيينها بالمكسرات وندهن وجهها بالسمنة العربي أيضاً نشويها بفرن حامي إلى أن تحمر أطراف الصينية نشغل الشواية لياخد الوجه اللون المطلوب وبتكون جاهزة وهاد نوع من الكبه عالطريقه الحلبيه مناخد دويرة من العجينة ومنكعبلها منحط حبة جوز كبيرة او فستق حلبي او صنوبر حسب الرغبة منصفهن بالصينية بهالشكل وبتعبيها سمنة عالوش وعالفرن فوراااااااااا وطبعا عينك عليها دايما لحد ما تطلع من الفرن وألف صحة وهنا وإن شاء الله كون قدمت شي مفيد الكبة السورية عالأصول جربوها وادعولي دعواتكم الحلوة لأنو تعبت تعيشي وتعيش آكلاتك يا ســــــــــــــــــوريا

[وردة سورية]

اليوم سأقدم لكم ملف كامل عن الكبة وأنواعها إن شاء الله المكونات 1-واحد كيلو هبرة و 2-6 كاسات برغل خصوصي للكبة 3-حبتين بصل متوسطة الحجم 4-ملح حسب الرغبة -رشة فلفل صغيرة 5-ماء بارد (يفضل مثلج) الحشوة: كيلو بصل- كيلو لحمة مفروم- ملح زيت نباتي للتلفيح نقوم بتشويح البصل بالزيت النباتي ثم نضيف اللحمة والملح ونقوم بتقليبها حتى تستوي وتصبح جاهزة من المهم وضعها في مصفاة حتى نتخلص من الزيت الزائد فيها نضيف لها الصنوبر المحمص وبعض الجوز المقطع وتصبح جاهزة دهنة مضاف اليها فلفل أحمر حلو وفلفل أسود ملاحظة هااامة أخواتي الغاليات خففو من البهارات المستخدمة بعمل الكبة حتى تتذوقو طعم الكبة الأصلية يعني لوكان اللحم طازج ونوعيته مميزة والبرغل أيضاً ما في داعي لإضافة بهارات وتوابل على عجينة الكبة لأنها كلها تؤثر على الطعم الأصلي وتعطينا طعم آخر ....نصيحة فقط ... الطريقة: نضع البرغل مع الهبرة والبصل والملح والماء في وعاء واسع . ملاحظة صغيرة نصب الماء على دفعات وفي كل مرة نفرم فيها الكبة على الماكينة نحتاج الى القليل من الماء كي يصبح التعامل مع الكبة أسهل ولكن كونو حذرين لما تكترو مي وتخرب العجينة يضاف الماء حتى تصبح لينة وسهل التعامل معها وقد تحتاج الى فرم من 5 الى 7 مرات حتى تصبح جاهزة لعمل الكبة المكونات أصبحت جاهزة ,والآن إلى الخطوة التالية ..فرم الكبة على ماكينة الكبة ولاااااا ينفع الخلاط ارجو الانتباه. ومتل ما حكيت من قبل الكبة بحاجة الى الفرم مرات عديدة حتى تصبح لينة وناعمة مو متل كبة المطاعم خشنة ومبرغلة لأنن ما بيفرموها متلنا المهم بنبلش نعمل الكبة العادية المعروفة مع اضافة الماء على اليدين باستمرار لحتى يسهل عمل الكبة متل هالشكل وبالصورة بتبين معنا كيف طريقة المسك وعمل الكبة ,نضع فيها اللحمة الملفحة مع البصل واذا حبيتو شوية دهنة أطيب وألذ بس انتبهو ما بتسوى لجماعة الريجيم وبالصورة في كم شكل للكبة ما شاء الله كبيرة وصغيرة وبتناسب جميع الأعمار والأذواق طبعا الكبارية الشيوخ بفضلو الكبة الكبيرة والبنات الدلوعات بفضلو الكبة الصغيرة هههه كلو بينفع المهم كبة وعنا أكيد نوع تاني من الكبة اللي هو الكبة باللبنية و الكبة بالكشك وهي بكون حجمها أصغر ونضع فيها الدهنة أو اللحمة حسب الرغبة وهي صارت جاهزة كمان(شوفوعلى جنبها كيف بكون شكل الدهنة لتكون جاهزة للحشو) هلئ صار دور المطابقات أو الكبة المشوية وطريقتها بنعمل كرات وبنكبس عليها بصحن وهيك بتطلع معنا طبقة من المطابقة وبنعمل الباقي بنفس الطريقةونضع فيها الدهنة مع قليل من اللحمة ونقليها او نشويهاوهي المطابقات صارت جاهزة كمان وهيك بنكون خلصنا الكبة وباقي علينا القلي قلي الكبة يجب أنو يكون الغاز بأعلى درجاته وقت بيحمى الزيت نضع الكبة وما بتاخد وقت بس تستوي من برا لأنو اللحمة ملفحة وجاهزة ولا ننسى التقليب المستمر لها حتى لا تحمر جنب أكتر من التاني أما المطابقات نخفض من حرارة الغاز حتى تدوب الدهنة على مهل وما تحترق من برا وتضل الدهنة على حالها من جوا تفضلو النتيجة ما شاء الله لا قوة إلا بالله مطابقات مقلية بالنسبة للمطابقات المشوية نضع مع الحشوة القليل من دبس الرمان بيعطيها طعم مميز جداً بالنسبة للكبة بلبنية وبالكشك نقوم بسلقها بماء مغلي مضاف له القليل من النشاء ورشة ملح (مثلا ليترين ماء مضاف له ملعقة طعام نشاء ورشة ملح ) نسلقها وتصبح جاهزة نقوم بتفريزها عندما تبرد أو نضعها باللبن أو الكشك الكبة بالكشك (سبق وأدرجت معجنات بالكشك وتعريف ما هو الكشك ) نحضر الكشك المكون من : ماء بارد يُضاف له كشك ويحرك حتى يذوب(كل كأس كشك يقابله من أربع إلى خمس كاسات ماء) ,يوضع على النار وعندما يغلي نضيف ثوم مهروس ونتركه يغلي قليلاً ثم نضيف حبات الكبة ويتم تسخينها ثم نسكبها في صحن التقديم مع رشة نعنعة يابسة عالوجه الكبة بلبنية دائما ما يرافق الكبة بلبنية الششبرك (بالحوراني نسميها اذان الشايب) وهو معروف (طحين وملح وماء يتكون لدينا عجينة نعمل منها حبات الششبرك ونقوم بحشوها بنفس حشوة الكبة من غير المكسرات ) الششبرك بشكلين معروفين لدى الجميع بعد السلق بالماء والنشاء مثل الكبة تمااام نحضر اللبن ونضيف له كأس صغير كأس صغير أرز مصري مسلوق وهذا سر الطعم الرااائع الذي تتميز به الكبة بلبنية في بلدنا الغالي نضيف الكبة والششبرك المسلوقين سابقاً وننتظر حتى يغلي اللبن مع الكبة والششبرك وبتكون الكبة باللبنية والششبرك جااهزين واذا بتحبي فيكي تعملي الكبه والشيش برك تغلي كل منهم لحال الكبة بالصينية ندهن صينية شوي بالسمنة العربي ونفرد عجين الكبة عليها بفرد قطع صغيرة وجعلها متساوية من حيث الإرتفاع نفرد الحشوة المجهزة للكبة ونغطيها بعجين الكبة من جديد ونقوم بالضغط عليها وجعل سطحها مستوي ولا ننسى بل أيدينا بالماء البارد نقوم بتقطيعها وتزيينها بالمكسرات وندهن وجهها بالسمنة العربي أيضاً نشويها بفرن حامي إلى أن تحمر أطراف الصينية نشغل الشواية لياخد الوجه اللون المطلوب وبتكون جاهزة وهاد نوع من الكبه عالطريقه الحلبيه مناخد دويرة من العجينة ومنكعبلها منحط حبة جوز كبيرة او فستق حلبي او صنوبر حسب الرغبة منصفهن بالصينية بهالشكل وبتعبيها سمنة عالوش وعالفرن فوراااااااااا وطبعا عينك عليها دايما لحد ما تطلع من الفرن وألف صحة وهنا وإن شاء الله كون قدمت شي مفيد الكبة السورية عالأصول جربوها وادعولي دعواتكم الحلوة لأنو تعبت تعيشي وتعيش آكلاتك يا ســــــــــــــــــوريا

[وردة سورية]

الشيش برك أو أذان الشايب 2 كوب دقيق ثلاثة أرباع كوب ماء 500 جم لحمة مفرومة للحشو 1 بصلة كبيرة 6 أكواب لبن رائب نصف حزمة كزبرة خضراء 1 ملعقة كبيرة نشاء ربع كوب زيت نباتي قليل من الملح 2 ملعقة صغيرة ملح نصف ملعقة صغيرة فلفل اسود 5 فصوص ثوم طريقة الطبخ يضاف القليل من الملح إلي الماء ثم يعجن به الدقيق جيدا باليد حتى تصبح العجينة متماسكة ومتوسطة الطراوة ثم تترك لمدة 15 دقيقة وتغطي بنايلون أو قطعة قماش مبللة . يفرم البصل ناعما ثم يقلب في 3 ملاعق زيت ألي أن يصفر ثم تضاف اللحمة المفرومة وتقلب جيدا إلي لان تنضج ثم يضاف 1 ملعقة ملح و نصف ملعقة فلفل اسود ويقلب جيدا ثم يترك ليبرد . تفرد العجينة بحيث يرش قليل من الدقيق ليسهل الفرد وتكون سماكة العجينة حوالي 3 ملم أقل من نصف سم . تقطع بفنجان القهوة لنحصل علي دوائر من العجينة . تحشي العجينة بملعقة صغيرة من الحشو ثم تطوي مثل القطايف ويمسك الطرف الاول بالطرف الثاني مثل الطوق الي فوق راس العروس يقلب اللبن جيدا مع النشاء او بيضة ثم يرفع علي النار مع التحريك المستمر إلي أن يغلي اللبن ثم توضع حبات الششبرك في اللبن ويستمر بالتحريك علي نار متوسطة لمدة 15 دقيقة أو حتى تنضج . يدق الثوم وتفرم الكزبرة ثم يقلب الثوم في 3 ملاعق زيت في المقلاة إلي أن يصفر ثم تضاف الكزبرة ويقلب جيدا ثم تضاف إلي اللبن ويقدم في طبق التقديم ساخن . و صحة وعافية

[وردة سورية]

الشيخ المحشي المكونات كوسا حجم صغير محفور لحم مفروم مطبوخ مع البصل والبهار وبنصحكم اللحمة الناعمة اطيب من اللحمة الخشنة مع الكوسا واضح بالصورة هذه لحمة خشنة لكن احسها مو طيبة مثل الناعمة لبن +بيضة + الطريقة: نحشي الكوسا باللحم المطبوخ ثم نقليه بعد ذلك نضيف على الكوسايات ماء مغلي وملح ونتركه يغلي قليلا حتى يستوى في هذه الاثناء نحضر اللبن المطبوخ باستخدام لبن زبادي مع بيضة نضيف البيضة الى اللبن ثم نضعهم على النار مع التحريك حتى غليان اللبن ونضيف ملح ومكعب ماجي نقلي ثوم مهروس مع نعنع ناشف ناعم ونضيفه للبن نصفي الكوسا من الماء ونضيفه للبن ويترك قليلا على النار وهيك الكوسا جاهزة وصحه

[وردة سورية]

الكوسا والباذنجان والفليفلة المحشي . المقادير:- كوسا وباذنجان بين متوسط وصغير كاسة رز مصري (مغسول ومنقوع ومصفى جيدا من الماء) حبتين بندورة فصين ثوم مهروسين ملعقة كبيرة الا ربع بهارات مشكلة نصف ملعقة صغيرة فلفل اسود ربع ملعقة صغيرة كمون ربع ملعقة صغيرة قرفة ملعقة صغيرة هيل مطحون ملعقة كبيرة نعنع ناشف مكعبة ماجي لحمة مفرومة مقادير الصلصة ماء رب البندورة فصوص من الثوم ملعقة صغيرة نعنع ناشف مكعبة ماجي الطريقة نضع كمية من الزيت ونضع اللحمة بنقلبها على النار حتى تستوي انا بخليها تستوي لاني بعملها بالليل وبطبخها تاني يوم وبطفي النار تحتها بحط مكعبة الماجي على شان تذوب وبحط الثوم المهروس وبقلبهم مع اللحمة

ثم نضع الرز والبهارات والنعنع والملح و البندورة وبنقلبهم ننحشي الكوساوالباذنجان والفلفلة للنصف ما تزيدي ثم نحضر الصلصة بنحط كمية من الماء كافية لتغطيه ونضع رب البندورة حسب ما بتحبي الكمية اذا بتحبيها خفيفة او ثقيلة ونضع مكعبة الماجي و النعنع الناشف وبنسقط حبات الكوسا بعد مضي نصف ساعة تقريبا بنفرم ثوم انا حطيت 3 فصوص ثوم بنقلبهم بزيت حتى يصبح لونهم اشقر ونضعهم على الكوسا والباذنجان بنغطيها وابنتركها على نار هادئة حتى الاستواءوبتقدميها

[وردة سورية]

التبوله التعريف بالوصفة يستخدم الماء الساخن لنقع البرغل للسرعة، حتى تطرى حبات البرغل سريعا، إلا أن البعض يفضل أن ينقع البرغل بالليمون وليس بالماء ويتم ذلك قبل استخدامه ويترك ليطرى وفي هذه الحالة لا يتم اضافة المزيد من الليمون للتبولة. المكونات والمقادير 2 كوب بقدونس مفروم ناعم ورق نعنع أخضر 1/3 كوب عصير ليمون 1/3 كوب برغل 3 حبات بندورة (طماطم) متوسطة الحجم 5 ملاعق طعام زيت زيتون 3 حبات بصل أخضر كبار، يستخدم الجزء الأبيض فقط ملح حسب الرغبة طريقة التحضير 1. يفرم البقدونس مع النعنع الأخضر فرما ناعما ويفرك جيدا بالليمون والزيت حتى يذبل ، ثم يفرم الجزء الأبيض من البصل الأخضر فرما ناعما أيضا ويضاف للبقدونس. 2.تفرم البندورة فرما ناعما وتضاف للبقدونس. 3.يسخن بعض الماء ويوضع فوق البرغل بحيث يغمر البرغل وتحس حبات البرغل فإذا كانت طرية تصفى من الماء الزائد وتعصر باليد قليلا ثم تضاف للبقدونس. 4.يضاف الليمون وزيت الزيتون والملح للتبولة وتحرك ثم تقدم.

[وردة سورية]

اللازانيا طريقة اللازانيا طريقتها بسيطة ......والطعم رائع ....جربيها والف صحة: الخطوات : 1- تسلق اللازانيا بماء حار مضاف اليه زيت زيتون حتى ما تلزق اللازانيا لانه زيت الزيتون افضل , وانا دائما بسلق اللازانيا حتى لو مكتوب عليها بدون سلق بسلقها لانه بحي وقت ما بسلقها بتطلع ناشفة وبتاخد مرقة اللازانيا. 2-وقت بتشوفيها كبرت وصار لونها ابيض منصفي عليها الماء ومنسكب عليها ماء بارد من الحنفية بعدين منفصل قطع اللازانيا عن بعض ولايهمك اذا تمزقت او اذا ملتزقة حاولي تبعديها شوي شوي وبتزبطي امورك وقت بتمديها بالصينية وحاولي تتركيها بهي الطريقة حتى ما ترجع تلزق . الطريقة : مقادير الصوص الاحمر : -3ملاعق كبار زيت زيتون. -1بصلة مفرومة ناعم. -حوالي نصف كغ لحمة مفرومة. - 4 بندورات مقشرة بعد وضعها بماء ساخن ومضروبة في الخلاط . -سنين ثوم مطحونين. -ملعقة كبيرة معجون طماطم. -ملعقة كبيرة كاتشب. -ملعقة كبيرة اورغانوا. -ملح وفلفل فقط -حوالي نصف كوب ماء . -منقلي البصلة بزيت الزيتون لتتدبل وبعدين نضع فوقها اللحمة والفلفل لتستوي شوي ويتغير لونها ثم نضيف البندورة والثوم ومعجون الطماطم والكاتشب والاورغانو والملح والفلفل ومنحركها شوي ومنضيف الماء بس لتغلي منتركها على نار هادثة جدا (اصغر شي )حوالي ربع ساعة ومنطفي تحتها وهيك خلص الصوص الاحمر. الصوص الابيض او البشاميل : منحتاج : - حوالي 6 ملاعق زبدة -لكل كأس حليب ملعقة زبدة وملعقة طحين -ممكن تقللي اذا حبيتي. -6 ملاعق كبار طحين . -6كاسات حليب -فلفل .ملح .فلفل ابيض اذا متوفر -علبة كريمة خفق انا دائما بستعمل يلي للحلويات وليس للطبخ اوزل ما بدأت ضيف الكريمة بالطبخ ما كانت موجودة تبع الطبخ وتعودت وخفت غير وما تعجبني. الطريقة نسيح الزبدة على نار هادية: نضيف الطحين نضيف الحليب والفلفل والملح ونضل نحرك ليتقل الحليب منضيف الكريمة ومنركها غلوة وحدة ومنطفي النار. تطبيق اللازانيا : نفرد طبقة لازانيا بالصينية : نضع فوقها نصف كمية الصوص الاحمر : نضع طبقة لازانيا فوقه : نضع نصف كمية البشاميل : نرجع نضع طبقة لازانيا فوق البشاميل نضع المتبقي من الصوص الاحمر ( رح كرر الصورة لاني نسيت صور هاللقطة) نضع طبقة لازانيا اخيرة : نضيف المتبقي من صوص البشاميل : نضع على الوجه جبنة مبشورة (انا استخدم القشقوان البلغاري) هي صورة جانبية للطبقات : ادخليها على الفرن من ساعة لساعة وربع على حرارة معتدلة او ليحمر وجهها حسب فرنك هي اللازانيا متميزة عندي ودائما يسألوني عنها احرصي على تركها حوالي نصف ساعة بالفرن بعد اطفائه حتى تتماسك وقت التقديم والف صحة .