صباح الخير حوامل بليز ادخلوا محتاجه رائيكم

[مدام اميره]

السلام عليكم
صباح الخير يابنات
انا حامل في الاسبوع ال 19 وعندي 3 بنات من اول حملي وانا كلي امل في الله انه يديني الولد الصالح اللي يكون سند واخ لبناتي ودعيييت كتير جدا انا وزوجي واحلامي كلها تدل علي الولد وحتي حملي مختلف تماما عن ال3 مرات في بناتي ال3 الحمل كله واحد اما الحمل ده مختلف المهم من بدايه الرابع وانا متشوقه اعرف جنس الجنين واول الرابع بشرتني دكتورتي ان الجنين ولد فرحت جداااااااا وشكرت ربنا انه حقق لي حلمي زوجي قالي لا متفرحيش اوي لتتصدمي نتاكد من دكتوره تانيه ورحت لدكتوره تانيه وقالت لي هوه احتمال كبير ولد بس تعالي كمان اسبوعين نتاكد اكتر روحت لدكتورتي الاولي بعد اسبوعين اكدتلي بنسبه 90% ولد حبيت اتاكد اكتر روحت مركز اشعه معروف جدا وقلتلها عايزه اعمل 4dقالت لي ليه هوه فيه تشوهات لا قدر الله قلت لها لا الحمد لله بس عايزه اعرف جنس الجنين قالت لي نعمل 2d وانشاء الله هيبان وسئلتني انتي باي اسبوع قلت لها 18 قالت لا انشاء الله اكيد هيبان عملت لي السونار وقالت لي ولد قلت لها اكيد قالت اكيد انشاء الله وعلي فكره هي سئلتني انتي معاكي اولاد ايه قلت لها بنت وولد علشان متتعاطف معايا وتقلي اي حاجه تريحني وخلاص فرحت فرحت الدنيا كلها وقلت لكل الناس وفي يوم خارجه اشتري ملابس للولد ودا كان حلم بحلم بيه من 7 سنين المهم المحل اللي هشتري منه الملابس جنب عياده الدكتوره قلت اروح اعيد الكشف واقولها علي نتيجه الاشعه واوريها الصور كشفت عليا وقالتلي تعالي نعمل سونار وهاكدلك انه ولد بنسبه 100% بماانك بقالك اسبوع في الخامس هيبان واضح وصدمتني وقالت لي واضح كدا انها بنت اتصدمت ومشيت منغير مااتكلم ونسيت شنطتي وتليفوني وجريت علي دكتور تاني قالي مش باين ولا ولد ولا بنت لانه قافل رجوله وخرجت من عنده علي دكتوره تالته قالت لي بماان الجنين قافل رجوله فااحتمال انه بنت اه احترت وتعبت ومبقيتش باكل ولا بنام ولا باخد الفيتامينات ولا اي حاجه جسمي ضعف وتعبانه وموجوعه اوي بس لاني اتعشمت اوي لو كان من الاول قالوا بنت خلاص كان عادي لاكن انا طلعت لسابع سما ووقعت لسابع ارض انا مش معترضه علي حكم ربنا الحمد لله علي كل شئ بس لعبوا باعصابي وتعبت ومش عارفه اصدق مين وانا حامل في بناتي عمر ماحد قالي ولد كانوا بيقولولي بنت وبتطلع بنت فيدوني يابنات بالله عليكم ممكن يطلع ولد ولا خلاص كدا اكيد بنت
واسفه جدا علي الاطاله لاكن مليش غيركم ومش عارفه هعمل ايه في اهلي واهل جوزي بعد ماقلتلهم انه ولد انا محرجه جدا ومكسوفه اوي