جعل كل من ترد علي للجنه ولاده طبيعيه بعد عمليتين

[ام ولاء*]

المشاركة الأصلية كتبت بواسطة أم حمودي وعبودي

ممكن تولدي طبيعي بس راح يكون في بعض المخاطر عشان كذا بعد عمليتين قيصريتين يوصون بالولادة القيصرية

مشكوووره عالرد ام حمودي وعبودي

مخاطر زي ايش لاسمح الله ؟؟

[مكتومه]

تقريبا نفس مدتك سنتين ونص وتخيلي انتظرت لحد ماجاها الطلق وراحت المستشفى والدكتور عطاها مسكنات وع طول حولها عمليه ماحاول معاها ابد للاسف اختي عنيده وكانت بتخاطر بحياتها بس لطف ربك الحمدلله طلعت منها بخير انصحك ماتجازفين مستحيل ولاده الطبيعي بعد قيصرتين والله يكتب لك الولاده السهله

[ميدوري]

طبعا القرار راجع لك .. بس انا كمان انصحك ما تجازفي بالطبيعي

مثل ما انتي قلتي العمليه تتعب
و الرحم يتعب و عمليتين اصعب من عمليه يكون مكان العمليه اضعف

اذا بس عمليه وحده يكون في امكانيه للطبيعي لو مر ع العمليه الاولى سنتين او اكثر لكن مو ممكن طلق صناعي
لان ممكن العمليه تنفتح من داخل و يحصل نزيف
و اذا عمليتين يعتبر خطوره لان تكون منطقه الجرح اضعف و حتى الطلق الطبيعي ممكن يسبب نزيف و خطر
فليش تجازفي بصحتك ؟

الي اعرفه ان ابدا ما ينصحوا بطبيعي بعد عمليتين متتاليتين ،،،
و مثل ماقلتي الجسم يتعب فيكون الحد الاقصى اربع ولادات حسب ماسمعت

و بصراحه ما اعرف من ضحك عليك و قال لك الطبيعي الم ساعه ...
صح انه طبيعي من ربي بس تراه متعب متعب و ناس حتى بعد الاربعين تعاني مشاكل

و ناس يجيها الطلق يوم و يومين ... غير مشاكل الخياطه الي تحت .. ترى حتى الطبيعي يشقوا و يخيطوا


انا عارفه العمليه تعب لكن كل الولادات تعب ... و انتي ماجربتي الطبيعي فلا تحكمي انه راح يكون سهل
و انا ما جربته بس عكسك احسه اصعب من كثر ما اسمع مشاكل عنه
و الم الطلق و الم الخياطه و الي ترجع تخيط مره ثانيه و الي يجيها ارتخاء و توسع بالمهبل
اصلا مكان الجرح بس يخوف

بالماضي كان الطبيعي .. طبيعي جد .. بدون ما يشقوا و يخيطوا بس الحين غييير

في حالات يكون الافضل ترضي بالعمليه يعني ناس تعاند و تنتظر الطلق رغم ان المفروض تسوي عمليه
و بعدين تتعب من الطلق و تولد عمليه لان الطبيعي تعسر يعني تعب اثنين
و ناس ياحرام مو عناد بس مثلا المستشفى حكومي ما يبغى عمليه
يتركها تعاني لحد ما يصير الوضع خطر و بعدها يحولوها عمليه و ناس تؤم يطلع واحد طبيعي و الثاني عمليه

كانهم ولدوا مرتين

اذا مره ودك طبيعي انصحك تستشيري اكثر من دكتور و في اكثر من مشفى و شوفي الكلام الي يقنعك اكثر و ترتاحي له

اكيد ان اهل الاختصاص يفموا اكثر منا و اكيد نصيحتهم لك بتكون افضل من آرائنا

و ربي يكتب لك فيه الخير ... طبيعي او عمليه المهم تقومي انتي و البيبي بالسلامه .. ربي يتمم لك و لنا ع خير

بصراحه الولاده رعب سواء عمليه او طبيعي و يجيك الهم و انتي تفكري فيها

اه الله يعينا بس

[احلام بعيده]

خليها على الله واصبري لاتستعجلين ابد لان الدكتورات حيل عجولاتانتي اعرفي لمن تنزل الاشاره مده اسبوع ادا ماكو ولاده سوي عمليه اني صديقتي بعد ولاده قيصري ولدت طبيعي بس توسع اصطناعي انتي اهم شي مافي نزيف اوضيق والاعمار بيد الله الله يسهل عليج يا رب اني مثلك بس ابني صغير عمره خمس سنين اتمنى طبيعي

[ام ولاء*]

الله يسعد كل اللي رد علي ماقصرتووا حبيباتي
وربي يكتبلي ويكتبلكم اللي فيه خير...
باذن الله بستشير كذا دكتوره وربي يسهل

[انثى تكره الظلم]

الله يقومك بالسلامه ياااااااارب

[انثى تكره الظلم]

[هنوده2014]

هو ممكن أختي وسمعت عن كثير أنجبوا بعد عمليتين طبيعي بس ما تضمنين المضاعفات لاسمح الله من تمزق ونزيف لاقدر الله أنا سمعت وحدة جابت طبيعي بعد عمليتين بس شالوا الرحم بسبب النزيف وللأسف طبعا ماراح تقدر تنجب يعني مافي شي يسوى الخاطرة وفي زمنا هذا صارت القيصريه أسهل من الطبيعي وتقدرين تنجبين إلى تسعة إذا صحتك تسمح ومافيه أي مشاكل بس صدقني أنتي تتمنين الطبيعي ﻻأنك ماجربتيه لو مجربه كان قلتي الحمد الله إني أولد قيصري طبعا هذي شهادت كل اللي أعرفهم وولدوا طبيعي بعد عمليه كلهم أجمعوا أنها مررررره متعبه والله يكتب اللي فيه الخير والصالح لك يارب وأهم شي السلامه لك وللبيببي