انا ولدت فيه قبل سنتين ببكري تابعت من بداية التاسع مع دكتوره رنا كان باين عليها فاهمه طبعا انا اسئلها وهي تجاوب المهم حددت لي موعد للولاده لان كنت متاخره اسبوع عن الموعد وقالت بتعطيني طلق صناعي ورحت على الموعد الساعه ١٢ الظهر وحطوني في غرفه لحالي كانت حلوه ونظيفه هي نفسها اللي ولدت فيها وزوجي كان معاي وقعدنا نسولف ونضحك مو مصدقه اني راح اولد موعارفه وش اللي رايح يصير بعدين ركبوا لي مغذيه وقسطره وبدوا بجرعات خفيفه من الطلق وانا كنت اقراء قران واموري تمام وزوجي يقول لي شفتي الامور سهالات بس انتي تسمعين للحريم كل وحده تختلف عن الثانيه
المهم جلست على هالحال هم يزيدون الجرعات شووي شوي وانا اقراء قران وشوي واوقف بعدين ما قدرت زوجي يقول وش فيك اقول ما فيني شئ لما جات الساعه ٤ العصر طلع وجات امي بداله طبعا الطلق بدا يشتد على بشكل مو طبيعي وكل شوي يفحصون يقولون باقي ٣ سم وانا عيني على الساعه ابغى الوقت يمر لما جات الساعه ٥ العصر اصيح واقول لامي ابغى اطلع البيت ابغى امشئ وامي تصبرني وتقراء قران الله يجزاها خير طيرت عقلها كم صار لها من الولاده
كان فيه ممرضتين فوق راسي معاي طوال الوقت وحده تراقب جهاز النبض للطفل والطلق والدكتورة طبعا تجي الدكتوره المناوبه انا دخلو على حوالي سبع دكتورات او قابلات والله ما ادري بس ثنتين اللي استمرو معاي وحده مصريه والثانيه يمكن بكستانيه المهم كان الرحم عندي ينفتح بشكل بطيئ لما جات الساعه عشر بالليل فتح عشره وانا طبع كنت خلاص حيلي مهدود وفيني نوم يعني ما قدرت اسوي شئ يعني ادفع شوي وشوي اوقف وهو خلاص بيطلع والدكتورات يساعدوني المهم تعسرت ولادتي وما ولدت الا الساعه وحده وبدات الدكتوره تخيطني ما حسيت بشئ طولت صح بس كانت خياطتها حلوه
بعدها دخلت علي اختي وزوجي وهو شايل ولدنا في نفس الغرفه وانا مرهقه بعدين طلعوني الغرفه وكانوا جايبين لي حليب دافئي وعصير وفطاير طبعا انا شفتها شئ كبير لاني كنت مو اكله شئ خايفه ارجع وقت الولاده وكانت معاملت الممرضات حلوه ويعطوني مسكن ما كنت حاسه بشئ وفي البيت نفس الشئ ما اشتكيت من خياطتي الحمد لله اهم شئ ولدت صح ولادتي طولت بس لاني بكريه وطلق صناعي طولت عليكم الحين حامل وناويه اولد عندهم واستخدم ابرة الظهر فحابه اعرف الي جربتها عندهم يليت تطرح لنا تجربتها