شوفو قصة ولادتي والله اكشن وحمااااااس مرة,,

[سمسمة مجودي]

باااااكو
معليش ع التأخييييير
والله نمت نومة خطييييييييييرة!!!!
اولا شكرا ع البنات الحلوات اللي ردو
واحسن شي انكم متحمسين معاياااا هههه

يلاااااااااااااااااااا نكمل!!
اممممم فين وصلنا
ايوة وانا في غرفة التخطيط زوجي قام وصورني فيديو >>>للذكرى,,مو والف ابو الشباب
المهم بعدين نام في البلاط بعد قلبي وجات الساعة على 12 الليل وكل مايجيني طلق اصرخ صرخة والتوي>>>بصراحة يابنات هو الالم قوي شوي لكن يحتمل
بعدين صرخت وقلت لزوجي وهو مسكين في عز نومه>روح نااااااادي السسسسسسسسسسسسسسسسستر>!!!
تخيلو ايش عمل وهو نايم تخيلو قال بصوت واطي:سستر تعالي بسرعة يلا
وجا يقولي:خلاص الحين جاااااااية>>منسم ع الاخييير هههه
والله اول ماراحت الطلقة ضحكت ضحك مو طبيعي
وجات الساعة وحدة وجات طلقة قوية صرخت وجات السستر وكانت فلبينية الله يسعدها طيبة مرررة والله مرة مريحتني
جات مسكت يدي وقالت في الم؟؟
قلت ايوة والدموع في عيني اعطيني مسكن راحت ونادت الدكتورة نفسها الله يسامحها والله ماارتحت لها
وقلت ابغى شي يهديني تعبانة حيييل راحت وبعد عشر دقايق جات الممرضة الفلبينية وقالت ان الدكتورة تقول خلاص تنويم نامي عندنا احسن
وكانت الفلبينية تقولها لي وهي حزينة علي وتقول انا الحين راح اعمل لك مغذي ومهدي
وشوية شاورت زوجي وقال خلاص تنويم تنويم!!
وانا قلت في نفسي الله يستر شكلي راح اتعذب هنا يومين ؟؟؟
رحت الحمام لاخر مرة ولبست ملابس المستشفى وقلت لزوجي كلم امي اني راح انام المستشفى
ودخلت الساعة تقريبا 2 الفجر

حبااااااايبي زوجي جا وجاب الغدااااااا
باكل وارجع احكي لكم!!

[سمسمة مجودي]

"]سامحوني يا بنااااااات
والله ودي ما اقطع حماسكم بس تدرون البيت وشغله وتعب ونوم


المهم نكمل!!!!!!!!

اممم ايوة لمن كنت فاتحة ثمنية سانتي
حسيت بشي هو بصراحة مو الم لكن زي الضغط من تحت تبي تنزلي شي لكن مو قادرة المهك وقتها كنت عايشة بعالم ثاني كان كل همي اني اولد وخلاص
الا وشوية وانا بين العالم والخيال وزوجي كان جنبي جات الطلقة ومسكت يد زوجي بقوة الين ماانقطعت الساعة حقته>>طبعا اخونا في الله يموت في شي اسمه ساعات
فبان من شكله انه عصب بس كتمها عشان خاطري وقلت له:لا احسن تعال اضربني.. تعال اديني كف احسن
قال لا عيب فداك
وبعدين خرج زوجي وانا مدري وين رحت >>يمكن عند الجيران هههه

والممرضة كشفت ثاني وقالت خلاص قريب وغطتني وقلبتني على جنبي واذن الفجر وجات عندي الممرضة الحبوبة ومسكت يدي وقالت دوامي خلاص انا بروح والله بكيت ومسكت يدها بقوة وقلت لاااااااا>>>امي على غفلة هههه
وقالت انشالله تقومي بالسلامة لا تخافي الممرضات اللي هنا راح يساعدوكي..
وبعد شوية اخذت غفوة وقمت الا لقيت بنت خالتي المتزوجة قدامي نحضني وتبوسني وتمسك يدي الله يعطيها العافية
وقالت لااااتخافي انا معاكي
مع العلم انها مادخلت الثلاثين وعندها خمسة..يعني حاسة فيني
انا وقتها انصدمت كيف دخلو رضيو يدخلو زوجي وبنت خالتي في نفس الوق ماادري
وجات تكلم الممرضة بالانجلش وكنت امسك يدها وابكي اقول خلااااص انا تعبت خليهم يعطوني مهدئ جات وكلمت الممرضة قالت لا خطر عليها كفاية مرة وحدة وشوية غفوت قمت ولقيت بنت خالتي المو متزوجة دخلت سلمت علي وراااحت من الخوف تقول والله كأنك جثة هامدة الا وشوية دخلت بنت خالي تبكي وتقول اصبري الله يقومك بالسلامة وخرجت ,,,طبعا هذا كله وهم ماشافو شي >>يعني انا مغطية مرررة
والله انصدمت من قلبي كيف رضيو يدخلو العايلة كلها في غرفة الولادة؟؟
وبعدين بنت خالتي قالت لزوجي خلاص انت اخرج ارتاح وانا راح اقعد معاها فخرج زوجي يرتاح وبأت الالام تزيم
طبعا وقت ماجاتني الالم هالمرة فعلت الاتي
مع بنت خالتي,,,
1_شديت شعرها طبعا بعد ما سحبت طرحتها
2_عضيت يدها بقوووووة وهي متحملتني الله يجزاها الجنة
3_فعصت صدرها بقوة
طبعا بعد دا كله اتبرت مني >>>>امزح

وبعدين امي دخلت وهي تبكي وتقولي اصبري ياحبيبتي
وجات بنت خالتي علطول وخرجتها من الغرفة عشان عارفة ان امي ماتتحمل و راح توترني زيادة
وجات بنت خالتي كل شوية تجيب قطنة مبللة بمويا بادة وترطب فيها شفايفي عشان ممنوع اشرب
وكل شوية اطلق تحي بنت خالتي تقول لا مو كذا
يعني طريقة دفعي غلط
وعلمتني وقالت ايوة كذا صح>>حسستني كأني بمدرسة
وبعدين في الاخير دخلت الدكتورة الي ماجات الا في اللحظات الاخيرة
ورفعت رجولي وحطت كدا زي الحديدة اللي ترفع رجولي
وقتها بصراحة ماقولك انه الم لكن شي تبغي تخرجه منك زي الضغط
وحطولي شي زي مسكتين حديديتين طلعو من السرير نفسه وعجبني بصراحة ساعدني كثييير مرة وجات الدكتورة وقالت دفي وانا ادف من قلبي وبنت خالتي تقول ايوة شاطرة كمان وانا ادف والممرضات كلهم يشجعوني الا وشوية الاقي دكتور التخدير على يميني ماانتبهت له بصراحة
وبعدين تجي الطلقة ورا الثانية والله ماتلحقي تتنفسي ابدا لكن حلو الشعور والله موالم مرررة
وجات الطلقة ماقبا الاخيرة وقالت بنت خالتي وهي تبكي والله شفت شعرها شفت شعرها يلااا باقي شوية وقلت لها قوووووووولي والله قالت والله قلت لا كذابة>>>وقتها من الصدمة والخوف لو حلفتني بالتوراة والانجيل ما راح اصدقها
و اول ماجات الطلقة الاخيرة قلت في نفسي يلا يا سمسمة بس باقي ها لدفعة وخلاااص راح تسوفي ضناك
ودفعت بأقوى ماعندي الا فجاة احس ان دكتور التخدير ضربني زي الضربة الخفيفة على ذراعي ونمت في ساااابع نووووومة..
الا وانا نااااايمة والله يابنات سمعت اصوات اسمع صوت الدكتورة تتكلم مع الممرضة وهي جالسة تخيط لي يعني احس بدخول الابرة لكن من غير الم ابددددا واشوف الممرضات يطيرو قدامي
واشوف بنتي تطير قدااامي بالحبل السري حقتها وهي تبكي
والله والله شعووووووور غرررررررررريب واروووووع شعور
الا قلت لنفسي انتي فين؟؟
وردت علي نفسي:ياغبية انتي خلاص ولدتي بالسلامة وعشتي اروووووع تجربة ومغامرة راح تتذكرية طووووول عمرك ويلا خلاص نامي وارتااحي
فقلت لنفسي:شكرا يا نفسي>>>ههه مهبولة
يعني ولدت بالضبط السعة ثمنية صباحا من يوم الجمعة واول ما فقت لقيت زوجي يقول الحمدلله ع السلااااامة وهو ياكل فطييييييرة>>>يااااربي منه نفسي وقتها اجري وراه واحشر الفطيرة في حلقه هههه
وجات الممرضة وقالت يلا شوفي بنتك وبوسيها بستها مافي في لساني الا كلمة الحمدلله وخلتني الممرضة اعطي بنتي اللبأ اللي في صدري وراحت وجا زوجي وقلت له مين كان موجود
قال يوووه العيلة كلها ماشالله وقلت له وينهم قال اول ما ولدتي بالسلامة راحو بيوتهم يرتاحو
وطلعت غرفتي وكل ماشفت احد اشكره ع المعاملة الحلللللوة اللي عاملوني ايااه والله ادعيلهم من قلبي
والله حتى عاملة النظافة اشكرها تبتسم لي وتقول تبغي شي؟؟
وكل شوية الممرضات يدخلو يتحمدو لي بالسلامة ويقولو لازم ترضعي بيبي طبيعي اقول انشالله
الله يحفظهم من كبيرهم لصغيرهم لمن اجي اطلب شي والله يجوني مبتسمين ويسولي اللي انا ابغاه
والمكان قمة في النظااافة والاكل النظيف
ارتحت بشكل مو طبيعي
وجهي اتنفخ وطلع حبوب احمر وجا العصر وجو اهلي وجلسنا نتحاكا ونضحك وونااااسة
وجلست يومين وكل ما ابغى بنتي يجيبولي اياها نظيفة وحلوة العب معاها شوية واقولهم خلاص خذوها والله ياخذوها وهم مبتسمين
وجات متدربة تعلمي كيف ارضع طبيعي واستفدت منها
وغيرها وغيرها الكثييييير و زوجي نام معايا
ولمن خلاص ابغى اروح وقلت لهم جيبو بنتي
جو ممرضات الحضانة كلهم وجابو لبنتي هدايا زي حفايض وشامبو وحاجات كثيير احلاااهم بصررراحة
جابولي دبدووووووب ماسك برواو فيها صورة بنتي اول مااتولدت
يعني يصوروها ويحطوه عند برواز اللي ماسكه الدبدوب
وفرحت مرررة وسلمو علي
ايش ابغى اكثر من كذا >>>>يارب لك الحمد
وخرجت من المستشفى وانااا كلي فخر ببنتي حبيبتي (حلا)
ورجعت البيت عند امي وخلاااااااااااااااااااااااااااااااااااااص
والله كان هم وانزااااااااااااح
يعني انا ولدت في نفس اليوم اللي راجعت فيها دكتورتي وقالتي لي لسة بددددددري عليكي
يعني ولد في نص التاسع بالضضضضضضبط
الحمدلله والله في نفس يوم الولادة سالوني الاهل ها تبغي تجيبي الثاااني
قلت لااااااااااااااااااااااا الا بعد عشر سنين
والله والله بعد اسبوع من الولادة حسيت انها تجربة حلوة ونفسي اعيدها
رغم الالم والعذااااب لكنها تجربة حلوة وتنسيها علطول بعد الولادة زي ما انا نسيتها ؟؟؟؟؟؟
والحريم اللي يقولو الولادة موت ومدري ايش
شوفو انا توكلت على الله و ما شفت الموت بالعكس شت احلى قمر بالدنيا,,,,

وداينا اسمع الناس يقولو تربية الاطفال متتتتعبة يعذبوكي ماراح ترتاااااحي ابد
وهذه انا مستنية بس متى بنتي تصحى من النوم عشان العب معاها
وانظف لها واغيرها واطقم ملابسها
وانبسط من ها الشي
اهم شي تنظيم الوقت ياااااااحلوووووووووووين

على فكرة انا ولدت في سليمان فقيه في جدة
اراجع عند الدكتورة هدى زغلووووول والله الذي لا اله غيره ان الدكتورة عسسسسسسسل وتريحك وتنحط ع الجرح ابرة
والله بعد ولادتي رحت لها مخصوووص عشان اجيب لها هدية وشكرتني
والدكتورة اللي ولدتني اسمها خديجة بس احس انه خياطتها مش ولابد,,,
والدكتورة هدى قالت اذا ولدتي في دوامي اجي اولدك
واذا مو دوامي في دكاترة مناوبين
لان هذا نظام التأمين
وهذا كللللللللللللللللللللللللله بالسهااالة يعني الدكاترة اللهم يطلعو البيبي لكن السهاالة من الله
شوفو مين كان متصور انهم يدخلو اهلي اشوفهم فب غرفة الولادة
ومعروف على سليمان فقيه الصرامة محد يدخل معاكي الاواحد وتكون حرمة ,,يعني امك او اختك,,,الخ
والله كلمت صحبتي ولدت عندها قبل شهر وقااااالت ممنووووووووووووع يدخلو احد حتى زوجي لا بس امي اللي دخلت تكلمني وهي مصدوووووومة
سبحاااااان الله حظي كان حلو الحمدلله

الحمدلله رب العااااااااالمين وسااااااامحوني ع التقصير
واي سؤاااال انا حاااااااااضرة
احبكم[/COLOR][/SIZE]

[الاميره دودي]

واااااااااااااي ونااااسه متى اولد !!!!!!!!!
مبرووووووووووك خيتووو وتتربى بعزك ان شاءلله

[شموسه]

يامال العافيه

غدى العافيه ان شاء الله ناطرينج خذي راحتج .....

[رونق الروح]

حمد الله عالسلامه ياسمسمه وبانتظار باقي القصه

[أم جنى فديتها]

والله انك خطيره ياسمسمه مجودي هههههههه
الله يسعدك
وألف الحمد لله على سلامتك وتتربى بعزك حـــــــــــــــــــــلا

ولك مني أحلا تقييم *****
بجد أحلا قصه قريتها ...
بانتظار أحلا أكشن صراحه............
شوقتينااااااااااااااااااااااااااااااااااااا

[الدندوشة]

قهر والله اهئ اهئ

كملي حمستينا بعدين قطعتي

لاتحطي بالقطاره

خخخخخخخخخخخخخخ

[شذها غير]

حمدلله على السلامه والف مبروؤؤك

وعقباااااالنااااا يااارب

[سمسمة مجودي]

بااااكو معليش حبايبي
اتغديت وشفت بنتي نامت قلت بغتنم الفرصة وانام معاااااها,,

فين وصلنا؟؟؟
ايوة اول ماجات الساعة 2 الفجر
جات الممرضة وعطتني ابرتين ف العضل اظن انه مهدئ واعطتني ابرة في الوريد وقالت هذا بيخدرك شوية ويخليكي تنامي وترتاحي شوية والله فرحت ودعيت لها من قلبي وبعد ماراحت صرت احس كأني سكرانة وابغى انام لكن مااقدر لكن والله ارتحت من قلبي ومر تقريبا نص ساعة وراح مفعوله اللي كان زي السحر>>>لا ابكي احسن

وفجاة جاتني طلقة وزوجي كان في سابع نومة واسمع شخيره>>خخخ ششش خخخ
وجات الممرضة الحبوبة وجات فحصتني وقالت ثلاثة>>
انا هنا انصدمت ونسيت كل الالام واتحمست وقلت والله منجد قالت ايوا مدام وغطتني بحنان الله يعطيها العافية
وقومت زوجي وشافني اسوي كذا
قال بسم الله وش فيكي؟؟
هو ع باله يااما اني اتجننت او اني ولدت خلاص>>ياحليله
قلت له ثلاثة قال الحمدلله ورجع نام
وبعد شوية كمان جات طلقة صرخت وناديت السستر وكشفت قالت ماشالله اربعة وراحت
وانا ومع قوة الالم قلت لزوجي الله يخليكي خليهم يعملو لي عملية قال اذكري الله
بعد خمس دقايق جات طلقة وجات السستر وقالت اربعة ونص وانا مع الالم قلت لزوجي وانا ابكي قلهم عملية؟؟
راح الحبوب قال للمرضة ليه ماتعملو لها عملية احسن
صرخت الممرضة وقال ليه عملية لا انشالله طبيعي
وقالت خلاص اول ماتفتحي خمسة نوديكي غرفة الولادة
تخيلو هذا كله وامي ماجات ولاخطرت على بالي اساسا>>سبحان الله كان وجود زوجي يكفيني
وبعد شوية دخل دكتور التخدير يسألني شوية أسئلة عشان لا جا وقت التخدير يعرف ايش يعمل
وجاوبت عليه على كل الاسئلة
وراح وبعد نص ساعة,,على فكرة ترى الوقت يعدي بسرعة سبحان الله
وبعدين دخلت الممرضة ومعاها ممرضة ثانية وكشفو علي وراحت الثانية تسأل الاولى بالفلبيني ((كم))؟؟
قالت ((ليما))؟؟ يعني خمسة
انا اول ماسمعت هذا الرقم فرحت لا مو عشان اني فتحت خمسةلا
عشان اول ماقالت ,,ليما,,انا عرفت انه خمسة لان هالكلمة بالاندنوسي مو بالفلبيني لاني انا اعرف اللغة الاندنوسية طاعت فيهاكذاوقلت لها انتي اندنوسية ضحكت وقالت لا فلبين؟؟
ومافتكر بعدها ايش قلت؟؟
بعدين قالت خلاص يلا غرفة الولادة
وجا زوجي لان وقتها كان برة يشرب مويا>>باااارد الاخ
اول مادخل شافني زي كل مرة ,,كدا
وقال هاولدتي؟؟وقتها تمنيت اخنقه واعمل له كدا هههههه
لا قلت له خلاص بيودوني غرفة الولادة قال من جد؟؟
قلت ايوة يلا كلم امي شوف وينها؟؟
وقتها امي كانت مستنية اخويا الثاني لان اخويا الكبير كان تعبان مرة
والثاني كان بعيد عن البيت مرة عشان كذا اتاخرت,,

المهك كان غرفة الولادة كبيرة مررررررة وسرير الولادة بس واحد وحاطين جنب السرير سرير صغيييير للبيبي
والله انا اول ماشفته جاني حالة بكاء واستوعبت اني خلاص راح اولد وان البيبي اللي كان في بطني تسعة شهور العب معاه نفرح سوا وونبكي سوا وناكل سوا راح يطلع للدنيا واخيرا راح اشوفه>>اقلبيها فلم هندي احسن
>>>عارفة انكم بكيتو معاااااها

يلا خلونا نرجع صحصحو معايا
بعدين جات الممرضتين ولبسو القفازات جا زوجي واخذ زيهم ولبس>>>ملقوووف
وبعدين حو الممرضتين ولبسو كمامة كمان جا زوجي ولبس زيهم>>>بالغصب يبغى يصير ممرض
سويت له كذا وقلت ااخ بس لو اني مو وقت الولادة كان جبت القفاز ومططته في وجه>>ترفون الحركة تعورر,,وجبت الكمامة وخنقته بيه ,,ااخ بس
بعدين نمت ع السرير وجابن الممرضة الحبوبة عود طويل زي حق الايس كريم لكن بلاستك وعاه حوض كبير
اول ماشفته عرفت من الخبرة ف النت انها راح نفتح موية الراس
قلت يارب كن معايا
وماشالله ماجسيت بشئ الا يشي دافي ينزل مني والحمدلله
بعدين اللي صار مع امي انها دقت على خالتي وهي تبكي وتقول:سمسمة ف المستشفى تولد قامت خالتي كلمت بناتها
اللي هم اقرب الناس لس واحدة متزوجة والثانية لا
وكان الساعة 4 الفجر بالضبط
قامت بنت خالتي المتزوجة دقت على زوجي وقالت تبغونا نجي نوقف مع سمسمة قال لا مافي داعي انا معاها>>مسوي نفسه متأثر
وبعد شوية لمن زاد الالم خاف زوجي وعف انه الموضوع جد راح ودق على بنت خالتي وقال لها تعااااااالو اللي بيغى يجي يجي حياه الله>>مسوي عزيمة الرجال
ومر الساعة ووصلت الين ثمانية سانتي
وحسيت اني ابغى اخرج شي لبرة
وبعديـــــــــــــــــــــــن



وبعديــــــــــــــن



والله جاني نوووووووم مرررة تعبانة وهادة حيلي
ينام شوية واكمل لكم بعد المغرب

انا عااارفة ان كلكم تعملو كدا
لكن ماعليه سامحوووووووني
انتظرووووووني مع الاكشن اللي جاااااااااي

[doody]

كان كملتي ال2 سانتي اللي باقيين

ترى كذا بنمل من الاكشن تبعك >>عصبت خخخ

نووم العووافي