أهلي زوجي و تصرفاتهم معي

[خلوني على صبري]

شوفي ياعمري الطيبه الزايده ماتنفع يحسبو الطيبه ضعف اهم شى زوجك يكون راضي عنك وامه عامليها بما يرضى الله ام الباقي اذا مااحترموكي ارميهم وراكي ولاتفكري فيهم والله لوتسويلهم العجب ماراح تكسبيهم ثم ليش تبي رضاهم والله لومكانك واسمعهم يعزمو مرة ولدهم واناواقفه مايعزموني من يومها مااطب عليهم الافي الشديد القوي ليش وش فيني ايش ناقصني عشان ينبدوني عشان الخلفه هذا امر الله الااذا كانو جهله متخلفين ولا تزعلي نفسك اعملي بأصلك بس لاثكثري عليهم زيارات ومافي داعي تتنازلي لهم خليكي واثقه من نفسك وشوفي كيف راح يتغيرون وحرمة ولدهم الي طايرين فيها قدامك مع الايام راح تقلب عليهم لان كثر الاحتكاك يسبب مشاكل وانتي سويلك مجتمع يخصك صاديقات زيارات اعزمي في بيتك وشوفي كيف راح تتغير نفسيتك

[جوoجو]

بردتو على قلبي الله يبرد على قلبكم إن شاء الله بصراحة كلامكم كلكم بدون ذكر اسماء عجبني
انا محتاجة احد يفهمني و انتو ما قصرتو تسلمون والله
صدق اهل الزوج هم الي يسببون لنا المشاكل اذا حبو وحده من مرت اخوهم خلاص انتي ما يعاملونكي مثلها انا من زمان كنت اطنشهم لانه هم اعمارهم اكبر وحده 22 سنة فأقول يالله ما يحسون في مشاعري ولا عندهم احترام حتى الى امهم بس الواحد لازم يضايق من تصرفاتهم و الحمد لله مو محتاجة لهم هم الي محتاجين لي

[نونـي]

بصراحه أحس الوضع عادي وعساهم مايحبوني
أهم شي اكون لزوجي الزوجة الصالحة واخدمه
وهم اذا بيحبون ولدهم بيحبوني خاصة اذا انتي ماغلطت بحقهم
اهم شي زوجك اكسبيه والزيارة بالاسبوع كافية ووافية
لان كثرة الاحتكاك بأهل الزوج خاصة اذا كنتي حساسة وايد مو حلوة
يبيلك قلب قوي معهم ومع غيرهم
واتركي التحسس على جنب وربي يرزقك الذرية الصالحة آمين