تجمع حوامل ليبيا

[ميراس]

يقونة شن اخبارك تعرفوا خاطري في قهوة ومانحبش نشربها بروحي هي شن رايك يقونة تسايريني في فنيجين

[يقين]

ههههههههههه اني بنموت من الضحك نحضر في فيلم نمس بوند اااااااااه يا احشائي مش عااااادي

[ام قصى محمد]

عيون بعيد السو على ساره كيف دايره اليوم
هاتو جو درنه روعه امى عندكم هى والوالد فى بنغازى كلمونا امس قالو عمتى مريضه وراقده فى العنايه جتها جلطه مشو اليوم من الفجر وكلمونى فى الظهر قالو خشو عليها كويسهويدرو فى اجارات بيشولوها لتونس بس عمتى الثانيه مريضه من قلبها وراقده هى الثانيه فى العنايهمش عارفه شن صار معاها
اما بالنسبه للمجفف انا عجبنى بس عندى وين ننشر مش محتاجته
بس غساله الموعين والله روعه ومريحه انا بس نشبل فى باقى الطعام لا نممصمهم لا شى وتعرفى تطلعولى نظاف وجافين بس انردهم للدولاب
وهى انواع عند عمتى ما تنفع بكل بس بينزو التركيه الى عندى مريحه وتاخذ فى مواعينى من الفطور للعشاوفيها تعديل مرات تشغلى النص الفوقى بس او النص التحتى روعه ومريحه
ميراس كيف الاحوال منقلبه منجمه يابنتى ههههههههههههههههه انا نقولك من غير زعل فكك منها خرابيط التنجيم والله والله حرام حبيبتى من اختى تخاف على اختها
الا كيف حالك الله يعاونك الخدمه وحوش وصقع الله يكون بعونك
يقون تعرفى انتى عسل وتعليقاتك روعه يافرحه المنتدى كنها فطومه ان شاء الله بخير
رغوده كيف حالك وحال سنافرك
ام اسبل مبروك عليك والحمدلله على سلامتك
معراج مبروك بنيتك وتتربى فى عزكم
بنت الجل صار بنت مدينى اللغاليه والله فرحت لما عرفتك من درنه طرت من الفرحه
ايه تعرفى كلك ذوق تهبل تهبل اعجبونى الى عرضتيهم
بس حاولت نتصل بميمو لبيبانا تقولى خطاء فى الاتصال والمدار ضرب وبعدين عطانى مشغول
طمنونى عليها اررررررررررررررررررجوكم
ام وسونه ياعمرى تعرفى سهفتنى ميراس نتعرف عليك يابنات الى حابه تتعرف عليا ما عندها مشكله تبعتلى على الخاص
ام نوزه كيف دايره نوزه توا
ام عويضه الله فرحت لما شفتك خير كنك ياحنه تغلى علينا وله شنو
كيف حالك وحال بنياتك وحال عويضه قلت هذى شكلها حملت ومتبيش تقول ههههههههههههههه
ام رويفده خيرك ادخلى خبرينى عن وحمك وحزومى كبف داير فيك
تموره وين تغطسى فهمينى بس
رايه اها رانى ما نسيتكش ههههههههههههه بس اخرها اطيبها انتى وشرقاويه
من ومن ومن والله قاعده نذكر فيكم وحده وحده
ان شاء الله ما نسيت حد
توا اسمحولى

[يقين]

مروستي سلمها يارب كان بتخدميني نبي طويسه كموووون حلوما نحبش القهوه اني

[عيون زوجي]

صحه صحه ميراس اسم الشركة شركة الفيبا

[يقين]

ام قصي سلمها يارب والله هادا من ذوقك الراقي
كيف حالك وحال بنياتك وراجلك ان شالله تمام

[ميراس]

اسمعوا بالنسبة للابراج والله من الكساد امبارح خشيت صدفة ندهور في المواقع شوي القيت ابراج قلنا خلينا نكسدوا هي مجرد توقعات ياتصيب ياتخيب خلوها بالجو حبينا انغيروا جو الكساد ولاباس علي عماتك يقونة شن هدا اللي تحضري فيه وقاتلك بالضحك هكي

[عيون زوجي]

هلا ام قصي صحيتي عالنشده وان شاءالله عماتك ينوضوا بالسلامه يارب لا باس طهور
وانا من امس حكيت لراجلي على غسالتك ووافق لاني في سفرتي الفاتت استعملت غسالة صحون ومشت معاي اتجنن تو انزلكم صورة الحوش يلي اجرته مريح ونظيف
ميراس انا نشرب قهوة بس بلا سكر نهائب
يقونه اضحك الله سنك

[ميراس]

يقيونة ربي يستر منك طاسة كمون شكلك ماتروحي تبدي مصرية مية مية ياخوفي ماتكوني تاكلي حتي في الفسيخ وجبنة المش ياع عيون شني هالشركة امتع شني اماله غير انتي تقصقصي

[ميراس]

خلاص اتفقنا عالقهوة شن تبي معاها مقروضة ولا حاجة مشكلطة تعرفوا بحداي معمل حلويات يشتغلوا فيه مجموعة نساء وممنوع دخول الرجال ليه وكل شي يخدموه قدامك حاجات بسم الله ماشالله ماتعرفيش شن تاخدي