دردشة بنات العراق, دردشة حوامل العراق , تجمع بنات العراق

[مجنونة بحبها]

االيوم ماكوووووووووو سلامات ماتشوفون شرررررررررررررر

[روح ملائكيه]

مسااااااااااااااااااء الخير على حلوات العراق

جمعه مباركه ان شاااااااء الله

تدللين امونه هسه اعلمج ع القيسي

شوفي نكعي الطرشانه (المشمش المجفف) من الصبح وحطي زيت او زبد يعني حسب ماتستعملين بالطبخ بقدر وخليه ومن يصير حااااار حطي الطرشانه ويه الماي وحركيها شويه وحطي شكر عليها وحركيه زين حتى يذوب وخليه على نار هادئه لحد ماتنشف وحمسيها زين حتى لونها يتغير شويه واذا تردين بيها ماي حطي ماي شويه وخليه يصير مثل الصلصه وانتي لازم تكونين محضره لوز مسلوق ومقشر وبعدين محمرته وكمشمش محمر هم وحطيه ع الطرشانه والف عافيه ..
ملاحظات
- اذا تحبوها حامضه ضيفي شويه ليمون بالبدايه
-واللحم لا تنسيه عادي مسلوق وحطيه ويه الطرشانه
واذا تحبوها بالمعجون ضيفي على الماي معجون وخلطيه زين واتركيه حتى ينشف

اهم شي لازم مايكون بيها ماي هواي واهل بغداد يحبوها ناشفه والف عافيه

[روح ملائكيه]

بنات لحكني يجوز حامل راح اموت والله
بالجماع بيني وبين زوجي طلع دم مني وابد متصير هاي الحاله بيه الا من احبل واسفل بطني يوجعني ...الله يخليجن الي رضعت طبيعي بدون مااستعملت الحليب الصناعي هم تخربطت دورتها وكام تنقط وهم يطلع دم بالجماع ؟؟؟؟

اذا حامل ياربي شسوي؟؟؟ادعولي بنات بحق يوم الجمعه مااكون حامل
المصيبه اني بالشهر الثامن راجعه وحدي لأهلي ماعندي اجازات بعد شلون بيه اهلي شيتحملون كم طفل؟؟ لو اني شأصير للاطفال لو للدوام لو المن؟؟؟
لا حول ولا قوة الا بالله العلي العظيم
دعواتكم بنات

[روح ملائكيه]

هلو انفال وحمدالله على سلامة الوالده
خطيه هي الام هالشكل ..الله يحفظها الكم
ديري بالج على نفسج وغده هنئ ومرئ ان شاء الله

[زينب السعدي]

هلو بناااات شلونكم جمعة مباركة على جميع امة محمد(ص)
انفال الله ربج لعبي بيها اليوم
ام محمد لتدعين هيج كولي ياربي اكتبلي الصالح احتمال الحمل هسه من صالحج متدرين؟؟ عوفيها ع الله ولتخافين وانشالله ميصير الا الصالح
امونة مااعرف للقيسي وابد مااحبها
اليوم ايه ملتهية ويه مرت حماها انشالله خيييررررررررررررر هههههههه

[زينب السعدي]

بنااااااات اني كلش بطيئة بالعمل ولسه ماكام بيتي ع حيله ومااريد اجيب الخدامة لان اكو اشياء متخربطة ولازم ارتب كلشي بمكانه وهالاشياء الا ام البيت تعدلها وتعرف مكانهن اووووووووووو والله تعبت
والرجال واخوه قبل شوي طلعو للشغل وميرجعون الا بعد منتصف الليل
وهالفترة اكعد انظف واطبخ واعدل نفسي واتابع وياكم بس ماادري الحك لو لا

[روح ملائكيه]

هلو عمري زنوبه
الله يعينج ع التنظيف والترتيب
اي هي مأساة بعد الرجوع من السفر هههههههههههههه مثلي الكه القدوره محتركه يخلوها بفرن الطباخ ههههههههههههههههه عود يحمون الاكل وزوجي يحمي الاكل بمواعين ميلامين ويحطه باميكرويف بحيث المواعين صارت بيها فقاعات خخخخخخخخخخخخخخخ وحتى سيتات المواعين كلها يطلعوها اتخبل من ارجع اظل شهر واكثر ارتب من غير الغراض الي ارميها حرامات بس ماينعتب عليهم خطيه مايعرفون...
وبالنسبه للحمل كله بأيد الله سبحانه وتعالى بس اني حالتي خاصه اني معلمه بالعراق وصارلي 5 سنوات اخذ اجازات بحيث خلصت اجازاتي وهذي آخر سنه الي بالامارات ولازم ارجع للعراق بنهاية الشهر الثامن اسجل شوق بالاول الابتدائي واكعد عند اهلي مع انه عندي بيت وحدي بس زوجي وحتى ابوي مايرضون اكعد وحدي وشايله هم شلون ارجع ب3 اطفال يعني اهلي زوجوني وحده رجعت ب3 وصرنه 4 ...حتى ابوي كال خطيه مها ماتكفيها غرفه يريد يبنيلي مشتمل بالحديقه بس اسعار البناء نااااااااااااار وماادري بعد شنو نهاية القصه ..

ياربي نفرح بخبر حملج ياااااااااارب

[روح ملائكيه]

يله اروح اصب الغده هههههههههههههه هسه غدانه خخخخخخخخخخخخخ
سويت مجبوس دجاج تفضلواااااااااااا

[زينب السعدي]

تسلمين حبي مهاوي
وبالعافية الغده اني هم شويت تكة ودااتغدى وحدي هسه لان ريوكنا جان ساعة 1 ونص
يا شعندج راجعة للعراق خو ابقي هنا ... لج عيني الي يعوف العراق صعب يرجعله وبالمقدمة الكهرباء وانتي ماشالله راجعة بالثامن يعني بعز الحر هسه جهالج يملخون رواحهم خخخخخخخخخخخخ

[مجنونة بحبها]

سلام بنات

شلونكم اخباركم

مهاوي اسفه اجه زوجي ورحت صبيتله غده

وعفت المنتدى مفتوح

وهسه يله ترك النت زوجي واجيت

مشكوره على وصفه القيسي انا هم تقريبا هيج سويتها

بس بالاخير عرفت بان الطرشانه الي استخدمتها مو زينه

هههههههههههه

وعن سؤالج حبي انا من جنت ارضع بنونه 4 اشهر ماجانت تجيني

الدوره ابد لا اربعين ولا اي شي

وبعدها صار عندي كيس على المبيض الايمن وانطتني الدكتوره

حبوب مانع استخدمته للاخير ونزلت الدوره ونزل الكيس

وبعدها صارت قرحه وكوتها الدكتوره وحملت راسا بعدها جان عمر بنونه 8 اشهر وجانت ترضع بس صدري ماانطيها صناعي ابد هذي قصه حياتي هههههههههه

بس صحيح اختي بعد بنتها الرابعه هم جانت ترضع بس طبيعي وحملت ومارادت الطفل واخذت انواع العلاجات وهوست وشالت قناني الغاز وماوكع حملها جانت تكول اربع بنات وتجي الخامسه وكلهم صغار وحده على راس الثانيه وموكع وثبت وجابته ولد واشكر ويخبل فلا تكولين مااريد ومن هذا الحجي الي يريد ربنا يصير
صح حالتج صعبه بس هذا مكتوب بجبينك وان شاء الله اتشوفين كل خير والخيره في ماختاره الله

يارب يكتبلج الي فيه الخير