حبيباتى سيدات ليبيا تفضلو لأعرف ما حالكم

[أمل ليبيا]

اخواتي الغاليات
ام فروسي \سوسو\جي جي \ام اجنادين \اوشي \اثري

كيف حالكم ياغاليات ان شاء الله تكونو بالف خير يارب


ومرحبتين بهداية الحلوة منورة التجمع



اني نفسيتي تعبااااانه الايام هذه في موضوع شاغلني ومظايقني ع الاخر مع انه كنا سياحة في مدن اخرى غيرنا جو لكن في داخلي زعلاااانه
حابه نحكيلكم لان نثق في حسن تفكيركم وخبرتكم في الحياة بس مش عارفه كيف نحكي


يارب اهديني ويسر امري والله غالب

[sosolibya]

مبروك القصة فرووووووسة بس أنا لسة زعلانة

وبالنسبة ليا شعرى تعبان ومن غيظى فكرت المدة الفاتت نقصه لوذانى بعديت خزيت الشيطان

وشعرى مش طويل يعنى مابين تحت اإلإبط ومابين وسط الظهر

وزوجى يموووووووووت فى الشعر الطويل وأنا حتى لو نقعد سنة شعرى مايطولش فيسع

[dr.loly]

المشاركة الأصلية كتبت بواسطة sosolibya

مبروك القصة فرووووووسة بس أنا لسة زعلانة

وبالنسبة ليا شعرى تعبان ومن غيظى فكرت المدة الفاتت نقصه لوذانى بعديت خزيت الشيطان

وشعرى مش طويل يعنى مابين تحت اإلإبط ومابين وسط الظهر

وزوجى يموووووووووت فى الشعر الطويل وأنا حتى لو نقعد سنة شعرى مايطولش فيسع

الله يبارك فيك عزيزتي... ماعرفتش ليش زعلانه .؟ بالك ناسيه بم اني زهايمر ههه
الشعر عادة يطول في الشهر سم .. ولا ماطولش معناها نفس ماقالتليلي اللي قصتلي ان الشعر من كثر التقصف معش يطووول ويقعد يتقسم وبرقي التقصف لفوق

[sosolibya]

اه حبيبة قلبى الغالية أمولة

لابأس إن شاء الله خير

فضفضيلى ياعمرى

[أمل ليبيا]

المشاركة الأصلية كتبت بواسطة sosolibya

اه حبيبة قلبى الغالية أمولة

لابأس إن شاء الله خير

فضفضيلى ياعمرى

تسلمي ياسوسو ربي يخليك لكن والله معاد فاهمه حاجه خايفه نكون اني الغلطانه
يتبع...

[dr.loly]

اهلا اخواتي من جديد


امولة نورتينا ... وخير ان شاء الله شغلتيني عليك

[sosolibya]

يللا ربى يهون عليك أمولة


فروسة أنا زعلانة لانك أمس تهدرزى ماشاء الله اللهم لاحسد
وماقلتيش تفضلو حتى بالكذب فى مسابقة بحر العيون

والله كان بودى نحضر الهدرزة السمحة

ماتحرجيش منى بس زعلت تمنيت نكون موجودة

اهىىىءءءءء مبيبة شوية الله غالب

[dr.loly]

المشاركة الأصلية كتبت بواسطة sosolibya

يللا ربى يهون عليك أمولة


فروسة أنا زعلانة لانك أمس تهدرزى ماشاء الله اللهم لاحسد
وماقلتيش تفضلو حتى بالكذب فى مسابقة بحر العيون

والله كان بودى نحضر الهدرزة السمحة

ماتحرجيش منى بس زعلت تمنيت نكون موجودة

اهىىىءءءءء مبيبة شوية الله غالب

والله عادي الامر بجد...
القروب لي ف مسابقه بحر كنت واخده عليه من ايامات ليبيا والفندق ايامات مسابقه ام ارجواااان لمن العباره...
فا مفهمتش بجد؟؟؟


ولو ع مسابقه بحر العيون كيف بادية مالهش 3 ايام وامس انتي ماكنتيش فاتحه وقت المسابقه

كانت هدايه بس موجودة.............؟؟

وعموما في مسابقه وردة بتبدا اليوم ف القسسسم الاسلامي.....


وعندها مسابقه اجمل ديكور منزل



وعادة يخطوا في اعلاناات المسابقات ديمااا في التجمع

فا شن ذنبي نا ينزعل مني؟؟؟.........

[dr.loly]

يلا نستأذن حبيباتي...
بنعدوا لصاحب زوجي مراته جايبه اوليد من نص رمضان...

[أمل ليبيا]

نبي نفضفضلكم ومعليشي تحملوني لو طولت لكن قتلني السكات والدموع اني زوجي انسان طيب وحنين وخلوق ويحبني بصدق وجربت في هلبا مواقف ولقيته جنبي وبصدق بس لايخلو الانسان من العيوب اني كان حلمي بيت صغير مستقل بسوره ونعيش اني وياه مرتاااحه بس هو كبير العيله وبوه مريض من زمان وهو تحمل مسؤلية اهله كأنه بوهم مع انه مهندس نفط لكن ماقدرش يتزوج لين زوج خواته كلهم وعالج بوه وتحمل مسؤلية العيله وبعدها بدا يبني ودار حوش ماشاء اللعه كبير وزي العسل لكن امه شرطتت قتله نبي نسكن جنبك ابنيلي قبل ع خاطر حوشها قالت قديم ويبي صيانه المهم بنالها حوش صغير في نفس صوري وقبل العرس قتله ارفعني عمره ورفعهاوتخيلو واحد خاش ع عرس بمجهوده الذاتي فقط يعني مفروض استقرار ولدها اهم المهم ماقدرش يكمل الحوش كله خلاه ع الزواق وخدا جناح بس كمله وتزوجنا فيه وفي العرس جابولي كسوة وذهب اقل مايمكن هو مقدراته لكن امه بالذات كان بأمكانها تساعده لانه من يوم مادار مرتب وهو راجعلها المهم في عرسي مشت شرت تاكم وحرير لروحها ومن رابع يوم العرس واني بحنتي دخلتني للمطبخ نطيب للعيله كلها بروحي وفي العرس والثالت والاسبوع دارتلنا مشاكل واهلي تحملوها فوق من النفس المهم وشرطت لازم لما تطلعو تقولولي واي حاجة تخش لحوشي والله حتي فطور الصبح لازم يجبلها قبلي مع العلم هي بمرتبها وعندها اربع شباب يخدمو وعزابه بس هي هكي المهم بنحاول نختصر والله العظيم خلتنا ع الحديدة ديما تطلب في فلوس وتوصي ع القضيه وكله من زوجي اني عشت اكره شهور ماحسيتش روحي عروس كل ماديرلي حاجه نخش نبكي وخلاص متقيده لانطلع ولامستقله ولما سافرنا خديت معظم اثاث الحوش وخديت لابتوب زوجي وخدت معاهم فلوس مرتبه نزلو بعدنا وصوري مدايره فيه جداول خضرة ومخازن ومخلياته حاله وحوشي حاليا تستعمل فيه علي مانوصفلكم استغلاليتها لينا مانقدرش رغم انها مش محتاجه ومن لما تزوجت بدت تلبس ع الموضه وتمكيج في المناسبات والحنة ماطيرش منها والله تقولو عروس هي مش انا رغم انها كانت تلبس في شاربات كبار وجلباب فقط توا تغيرت وللاسف لما صرتلي مناسبات والله اهلي بروحهم الي وقفو جنبي وهي زي الضيفه المهم حسيتها هي سبب تعاستي كلها