تجمع الحوامل الي بيولدون في شهر ذو القعده ^_^

[الصمت عشقي]

صباح الخير كروشات
شو في احد والا...؟

[ريم ام لولو]

صباح الخير

اختي ام علاوي فهمت كلامك وفهمت وش تقصدين بس انا والله ماحس فيه واتوقع انه شي طبيعي بسبب راس الجنين ونزوله بالحوض
انا احس اني متضايقه واتعب اثناء العمليه بس اتحمل

كل شي باجره ان شاء الله

[أم عبدالرحمن السلفية]

صباح الخيرات والليرات
بديتوا تصوموا شوال ؟ انا ببدأ من بكرة الاثنين

مرحبا أمونته ان شاء الله تنبسطي معنا ,, ريم أم لولو والله زمان عنك انتي وماما زوزو كيفكم ؟

[ماما زوزو]

صباح الخير ياحلوات... شلونكم؟؟

ام لولو... انا بصراحة اوافق مع كلام دكتورتج لانه شفت كثير بنات سوو العجب وماتسهلت ولادتهم.. موقصدي يعني تقعدين بالمرة وماتسوين شي
تحركي بس من غير ما تهلكين نفسج يعني حتى شغل البيت لما تحسين انج تعبتي خذيلج راحة شوية وكملي والمشي كمان لازم مايكون متعب وفي الاخر كلها تساهيل من رب العالمين.. توكلي على ربج والمكتوب يصير
انا ماعندي خبرة بالموضوع لاني بكرية بس هذا رأيي

ام علاوي... الله يعينج حبيبتي بس حاولي تقليل الجماع قد ما تقدرين في الثامن وربي يسهل عليج

الصمت عشقي... صباح النور حبيبتي كلنا هنا تفضلي

ام عبدالرحمن... صباح الانوار.. والله انا لسه مابديت وحابة ارتاح اسبوع مثلا وربي يسهل بعدها.. انا ادخل دايما بس هيه فترة العيد شوية الواحد انشغل
ربي يديم علينا بركاته

[ماما زوزو]

بنات دخلت التاسع الحمدلله.. باركولي وادعولي بالتسهيل... عقبالكم كلكم وربي يسهل ولادتكم

[ام ماهر]

كروشات فديتكم خلونااا نسووولف ونغير جو وننسى التعب شوووي
بنات انا جهزت اعشاب النفاس وانتم قولولنا وش راح تسون....
شريت طبيخه
وكمون وحبه سوداء وحلبه ورشادومره وحلتيته وفلفل اسود وقشر القهوه يمدحوونه مره لتنظيف الرحم وقرفه وزنجبيل ووووبس ماأبغى اكثر من الاعشااب واكلي راح يكون كله بر ان شاء الله وووبس
وانتي وش راح يكون نظاامك؟ ان شالله لافضيت بقولك نظامي اللي ناويه عليه بالتفصيل الممل؟

[ام ماهر]

ايه وخلاص جهزت نفسي من قمصاان رضااعه


وغيره واغراض النونو الحمدلله كملتها

وان شالله ناويه اكون في بيتي بالنفاس

[ماما زوزو]

ام ماهر ربي يتمملج على خير ويسهل امرج... انا وانتي بيننا يوم ... ربي يجعل ولادتنا سهلة ويفرحنا بشوفة ضنانا... انا ما ادري شنو الاعشاب اللي يستخدموها للنفاس بس اللي اعرفة انه الوحدة لازم تتجنب البرودة في الاكل واللبس ولازم تغذية كويسة والاشياء اللي تنظف الرحم مثل الزنجبيل والقرفة... بس في ناس تقول تجنبي الفلفل الاسود لانه يزيد البواسير اذا كانت عندج خلال الحمل
ماشالله قميص الرضاعة حلو ممكن اعرف من وين اشتريتيه؟؟ والصورة الثانية ماطلعت
انا بعد خلصت تقريبا اغراضي واغراض النونو باقي بس اغراض الصيدلية... حاسة اني حولد قبل ما اجيبهه...هههههههههه
انشالله اصور الاشياء واحطها هنا
ربي يقومنا بالسلامة

[أم عبدالرحمن السلفية]

أم ماهر من شفت الصور اتحمست .....

ابغى أسألكم
هل نآخذ معنا للمستشفى شرشف للسرير عادي ؟أو إلي ح اتنفس فيه عند ماما ؟

[رمش الغلاا]

بناااااااااااااات خلااااص انا زعلانه منكم حييييييييييييييييل ما تتفاعلوا معاي بالموضوع الي اكتبه