حامل في الشهر الثاني وفي دم

[ماما زوزو]

السلام عليكم حبيباتي
كنت من فترة احلم اني ادخل هذا القسم وادردش معاكم والحمدلله حصل الحمل وكان كل شي تمام انا المفروض الحين في الاسبوع الثامن وقبل بداية رمضان عملت التراساوند وتطمنت عالجنين وماعندي اي اعراض وحام حتى اني مرات كنت اقول لنفسي اني مو حاسة اني حامل
بس اللي صار انه من اربع ايام نزل علي شوي افراز بني
وبالليل حسيت انه في شي بينزل الله يكرمكم دخلت الحمام وانصدمت انه دم احمرررررررر بس مو كمية كبيرة رحت للمستشفى بالليل ماسوولي شي لانه مافي عندهم التراساوند بس وصفولي حبوب دوفاستون مثبت
ثاني يوم رحت لدكتورة الصبح سوتلي سونار وقالت الجنين موجود وعنق الرحم مقفول بس لازم راحة تامة تامة الين مايروح الدم
وانا خايفة على جنيني والدم لسة ينزل كلما اتحرك ولا اقوم من السرير ينزل دم
ومن البارحة بالليل وانا بيجيني الم فضيع في بطني وظهري والدكتورة تقوللي خذي بروفين بس انا خايفة انه يكون خطر
اسفة لاني طولت عليكم بس مالي غيركم حبيباتي
احبكم في الله

ماما زوزو