تجمع الحوامل الي بيولدون في شهر ذو القعده ^_^

[صوتك يناديني]

انا اليوم رحت للدكتوره وقلت تكفييين ابغا اولد بسرعه دوب داخله التاسع

قالت ابشري من عيوني اذا ما ولدتك اول اسبووع من العااشر

[مرهفة حس]

حبايبي كروشات
وحشتوني كلها ايام وادخل التاسع ويارب ماطول وابشركم بالولاده باذن الله
كان عندنا ضيوف جلسو عندنا 10 ايام والله يعين غداء وعشا فطور وكرف لدرجة اني انام ماادري عن عيالي
من التعب المهم امس راحو وقضيت للنونو وخلصت من ملابس واغراض وملابس النفاس عندي حقت عيالي مره كشخه لان دايم اولد عند اهلي المره هذي بالبيت وانا بديره واهلي بديره عزيمتي قويه
بجيب شغاله وابو العيال ان شالله مايقصر والله مادري عنه يمكن يسحب علي
وبالنسبه للالام احس بنغزات بالارحام احيانا ماقدر اوقف منها والى الان مامشيت وحاسه اني لو استمر اسبوع على المشي باولد مجرد احساس بس ماراح اولد لين اخلص الغرفه الي باولد فيها وبالنسبه للبيت والله ماينضف الغبار معدم الدنيا انظف الصباح اليل ولا كاني مسويه شي
من الغبار الله يعين ويهونها علينا يابنات انا عندي اثنين بس اكذب لو اقولكم ماني خايفه باموت من خوف الولاده لاني اتعب فيه اجلس بغرفة الولاده 14ساعه هذي بربرتي ان شالله عجبتكم ابي تعليقكم يارب يسهلها علينا يارب العالمين

[MooNi]

صباااح الخير جميعا وش أخباركم مع الثقل

مرهفه خوفتيني جتني الروعه يوم قلتي 14 ساعه تهئ تهئ تهئ يعني لهدرجة الولاده تطوووول

أنا متفقه بيني وبين نفسي أني ادخل على عماي مابي اعرف وش يصير اثناء الولادة بس شكلي بقرا قصص الحريم وأتثقف

[مرهفة حس]

هلا موني صباح النور والسرور
حبيبتي اصابعك ماهي سوى
انا الوحم والولاده عندي مووووووت الوحم 4شهور طايحه بالفراش سواء بنت او ولد والولاده في ولد من الساعه 9 الصباح اطلق ماجبته الا 12باليل
وبنتي من 4العصر ماجبتها الا تسع الصباح
وخليها على ربك لاتلوموني اذا قلت لكم خايفه من الولاده
على الالم بغرفة الولاده مااصارخ زي الحريم اتاوه واستغفر واسبح ان شالله تخفيف ذنوب

[جامعية]

أم عبدالرحمن:
ياحياتي كيفك ؟
والله لسه مااستقرينا ع اسم معين ان شالله اذا وافق زوجي ع الاسم اللي ابغاه ابشركم
وعن كيف نخبر بعض بالولادة انا يمكن اخذ رقم زوزو او ام علاوي او اي وحدة فيكم عشان اذا ولدت ارسلها مسج تخبركم بولادتي واللي تبغى تاخذ رقمي تقولي ارسلها ع الخاص
تعرفي كيف الوحدة وقت الطلق تحتاج احد يدعيلها ومن وين لها تدخل النت إلا اذا قامت بالسلامة

ورد الحين ارجع للقائمة واعدلهـــــــــــــا كيفك مع الحمل اظن دخلتي التاسع؟؟

زوزو الله يارب يسهل لك ويتعدل رااس جنينك وتجي تبشرينــا انتي ورموشة

صوتك يناديني وش ذا التحطيم هههههههه المفروض الدكتورة تتفائل لك الله يعين

الله يعينك مرهفة اكيد جسمك يعورك بعد تعب الضيوف والحمدلله انك طمنيتنا عليك ومبروك مقاضي النونو عقبال تشوفينه لابسها وان شالله ولادتك هذي ماتطول معك وتكون اسهل ولادة لك

موني نصييييييييييحة لاتسوي كذا انا فحملي الاول قلت ماابغى افكر فالولادة ولا اعرف كيف وربي لما نوموني ع كرسي الولادة جلست ابكي بكا فظيييع لاني ماكنت مهيأة نفسي لذا الموقف ومو عارفة ايش حيصير فيني رعب فظييع

لكن هالمرة ان شالله بهيأ نفسي يوميا لحد مااولد عشان اشجع نفسي وامس جلست اتفرج ع مقاطع ولادة طبيعية صح خووفت واكتئبت بس احسن من اطنش الموضوع وماافكر فيه بعقل

　

[حاملة قيمي]

صباحكم عسل
اخباركم جميعا يا شاحناااااات .. اخوي دايم يسميني شاحنه ويقول التزمي المسار الايمن في مشيك لا تسببين لنا حوادث خاصة الاطفال ما تشوفينهم وهما يمشون قدامك تحطيييييييييييييييييم هههههههه
ريحانه..
لاتشيلي هم السواد امره بسيط بالنسبه للي يجيهم نفر كأنه جدري زوجة خالي جسمها ياعمري يخرع من النفر تقول يهون السواد عند الحكه والحبوب البارزه في كل اجزاء جسمها بس تخف بعد الولاده
ام عبدالرحمن
صادقة التاسع اهون من الثامن بس همه ثقيل ومعي ولد هذا حملي الثاني ربي يسهلي ويسهل لك ولجميع الاخوات في المنتدى ..
بالنسبه كيف راح اخبركم انا اختي تعرف معرفي في المنتدى وكنت اقول لها اول ما اولد ادخلي عاى تجمع ذو القعده وبشريهم اني ولدت بأذن الله ..
ماما زوزو +رمش
طولو في سجودكم وان شاء الله تلاقو خير طريقة الحبو تعدل وضعية الجنين ..طمنونا عنكم
مرهفة
ياعمري ليه تعبي نفسك كذا ما عندك خوات يقوموا عنك ولا شغالة تساعدك ..
الله يكتب لكم الاجر عاى ضيافتكم ..
اما من ناحية الغبار فحدث ولا حرج جنني قررت اول يوم في التاسع اجيب شغالة امي واسوي تشطيب كلي على شقتي ..
ولاتنسي تفائلي با لخير في ولادتك هذي وربك كريم
جامعية
ماشاء الله اليوم نشيطة في كتاباتك دوووووووووم يارب ..

[حاملة قيمي]

بنات انا ان شاء الله ما شيه اليوم للقصيم عشان دخلة اخوي راح نزفه
بس بصراحة قلقانه حيييييييييييييييل
صرت اخذه موقف من الطريق البعيد للحامل .. لان وحده من معارفي كانت في القصيم وهي في الشهر التاسع راحت تقضي لها ولنونو من الرياض ..
ياعمري وهم راجعين صار عليهم حادث وتوفت هي وللي في بطنها الله يغفر لها ويرحمها وكان اول مولولد لهم وياقلبي اغراض البيبي كانت ماليه الشارع بعد الحادث شكله يحزن حادثهم
وصرت من بعدها اوسوس اذا ركبت اليساره لمسافه بعيده وزي ما تشوفون كثررررة الحوادث الله يكفينا الشر ويبعده عنا
على العموم يا بنات سامحوني كاني اخطيت بحق احد منكم وربي يوفق الجميع
دعواتكم ,,
مع السلامة ..............................

[عشيري2000]

حااامله تروحين وترجعين بالسلامه استودعناك الله الذي لاتضيع ودائعه

الله يوفق اخووك ويسعده في الدنيا والاخره

وتفائلي ومايكون الا كل خير واحسني الظن بالله وتوكلي عليه

[أم عبدالرحمن السلفية]

صباح الخير و الحيوية مع البكاء

حاملة قيمي:
الله معاكم ولن يصير إلا ما كتبه الله ,, فتفآءلي عيوني و مبروك لأخوكم ويتمم له ربي على خير .
اليوم عندي سونار عشان أشوف وضعية النونو بروح العصر و ح أطمنكم ان شاء الله و ربي يسهل ولادتي وولاداتكم وولادة ~ رمش الغلا و زوزو

[ام ماهر]

افاااااااااااااااا ولاحديرررررد علي ولاشي ليييييييييييش وش هالتطنيش كذاااا مره اكتب بهالتجمع ولاحد يرد علي