حبيباتى سيدات ليبيا تفضلو لأعرف ما حالكم

[sosolibya]

المشاركة الأصلية كتبت بواسطة هدية الخالق

هلا سوسو لا والله حكيت يا حبيبتي بس البين أنك نسيتي هههه
او أنك ماقريتيش ردودي عموما نقولك مرة تانية
بيني وبين زوجي عشرة سنين
وليا سنة وتلاتة شهور متزوجة
ولما جيت لكندا كان ليا أسبوعين متزوجة بس
ونقراء في كلية لكن ماكملتش لما جيت هني وقفت قيدي
ولما نروح منكمل ان شاء الله
مفروض السنة هادي تخرجت

تصدقى ماسمعتش وماشفتش بالرغم من إنى نحاول منسيبش صفحة

المهم خسارة وجعنى إنك كنتى بتكملى هالسنة

إن شاء الله على خير

وإن شاء الله على خير قداش بتقعدو غادى؟........

[dr.loly]

ماشاء الله ان شاء الله ربي يجازيه ع قد تعبه وكفاحه بالدراسه...


اللي مشيتلها امس من الخمس وكانت صاحبتها قاعده امس مناقشتها امس ماشاء الله دكتوراء كيمياء
وبعد شهر بتناقش اللي جابت...

وازواجهم قروا ماجستير من منحه زوجاتهم لانهااا فرصه بجد
وهنا ماستر ودكتوراه ,,,


وبكره لمة الوليد محتارة نمشي او لا زوجي شجعني... واجد و اليوووم يقولي اشري مع اني شاريه من قبل
عارفته يبيني نمشي ونغير جووو ...نقوله مانبيش وهو يحط ف السله بس البلايز بعد قستهن بجد روعه وقماشه ناعمه والاكسسوارات ايهبلن

وقالي نشيلك للبنانيه اللي قصتلك ششعرك ديري عندهااا شعرك ....ههههه جو امشي يعني امشي

[dr.loly]

وتوا نستأذن...

بنصبغ شعري.... وقبله بندير عشا لزوجي

تصبحن ع الف خــير

[هدية الخالق]

المشاركة الأصلية كتبت بواسطة *ام فراس*

هدية الغلا حتي هنااااااااااا يمكن انتم بالدولآر اقل من الباوند

الباوند.. الجنيه الاسترليني = بالليبي 2 دينار ونصف

لذلك الشركة تعطي في راتب كويس عارفين الاجااار ودفع الغاز والضي والميه والتيلفزون حتي هو ضرائب كل شهر
وع القمامه حشاك حتي هي وحاجات اخري ... وقرطاسية زوجي ومواصلاته كله ف الحسبه حاطته
والشركه اتكفل حتي بالعيله بس لعند 3 اولاد
ويساوي الراتب بعدهاا

واو ما بعدكم غالي هلبة الصراحة الباوند احني نشكو من الدولار طلعتو أحرف منا هههه
لكن باهي مادام المنحة قوية حتي احني الحمد لله باهي قوية المنحة وتوا زاد راتب سوما
لان جبتها اهني مشولها راتب وقالو يستمر معاها لسن 18وحصلت الجواز الكندي والجنسية

[sosolibya]

(نصــــــيــــــــحه لكل أنثى )

[هدية الخالق]

المشاركة الأصلية كتبت بواسطة sosolibya

تصدقى ماسمعتش وماشفتش بالرغم من إنى نحاول منسيبش صفحة

المهم خسارة وجعنى إنك كنتى بتكملى هالسنة

إن شاء الله على خير

وإن شاء الله على خير قداش بتقعدو غادى؟........

سلمك حبيبتي مايوجعك غالي
وان شاء الله لما نروح نكمل
وراجلي مازاله أقل من سنة باذن الله يعني في جو ستة علي تمانية شهور

[sosolibya]

لاهية نقرى فى الصفحات منو موجود


هههههههههههجنودة صار عجباتك (وووووووووو)


لو تشوفى عالحقيقة نبدأ نحكى ونقول
(امشى امشىىىىىىىىىىىىىىى)
هههههههههههههههههههه

[جوهرة ليبيا]

شن قصه النفط معانا حتي انا راجلي قلتلكم قبل انه مهندس نفط

اشتغل في اكثر من شركه اجنبيه

وكنا قبل الاحداث بنمشوا لكندا لان الشركه كنديه بيبعتوه دوره 8شهور لكن ربي ماكتبلناش وصلينا استخاره ومايسرش ربي الامور

والاحداث عرقلت كل شئ

[جوهرة ليبيا]

ههههههههه سوسو لما صغيره انقول امشيييي

توه المهم واصلا هادم الكلمات ديما في فمي وعالعموم ههههه

[جوهرة ليبيا]

رنوده قاعده ماناضتش مش عارفه امتي بترقد