السلام عليكم ورحمة الله وبركاته
بقول لكم كيف كانتولادتي فلم ولا الافلام الهنديه
في البدايه كان لي يومين وأنا أحس يالم يروح ويرجع المهم قلت والله انه طلق كاذب
وأكلم زوجي أقول له خلاص تعال أحس اني بولد قريب وهو يقول لا بدري على باله أني بالتامن المهم وجاني ألم باليوم التالت بس برضو طنشت جاء المغرب وحسيت بالم قوي طبعا ولا علامه من العلامات بانت علي طلبت من أمي توديني المستشفى
ودقت على اخوي ونروح على مستشفى خاص وتقولي الدكتور باقي لك 14يوم لان الجنين صغير 2كيلو وأعطتني حبوب للمغص المهم رجعت البيت وزاد الالم وماقدرت أتحمل جات أم زوجي وهي تسولف مع أمي وتقولها البنت شكلها ولاده هيا أنا أعرف دكتوره شاطره وقبلكذا شربت كوب حليب دافي أحسه زاد الالم بسببه
ورحت عندالدكتوره ألي تعرفها عمتي وتفحصني من تحت والله العظيم فحص مولم أييييي وقالت لأمي وعمتي مفتوح 2سنتي كان الكلام الساعه 9وقالت بالضبط الساعه 1حتولد بأذن الله ويطير أبوي فيني للبيت ويجيبون شنطة المستشفى وأمي تاخذلها كم قطعة ملابس ويطير فيني لجده طبعا أنا بيتي برى جده وكل مطب وحفره بالريق أبويا ياكلها عذبني ويستقبلونا ولد خالي وأخته علشان أبويا مايعرف وين مستشفى بخش اللي بالشرفيه ونروح طبعا أبو الشباب عنده خبر اني ولاده أتصل على المستشفى وكانو بأنتظاري أستقبلوني وسيده على غرفة الكشف جات الدكتوره وكشفت كان 4سنتي وتحويل عبى غرفة العمليات ولاده وطول الطريق وأنا بس دم ينزل مني هههه طول الطريق اللي يوديني على غرفة العمليات والخط اللي ماشيه فيه وأنا على الكرسي دم على الارض ينزل مني وأول ماوصلت غيرت لبسي بسرعه وعلى السرير وتجي الدكتوره تفحص طبعا ألم في الظهر مو طبيعي وتقولي 9ستي طبعا أهلي كانو معايا أمي ماقدرت تدخل جلست على الكرسي خافت وأبوي وأخوي وولد خالي كانو برا يسمعون الاحداث الداخليه في غرفة العمليات بنت خالي دخلت معاي الله يرزقها الزوج الصالح مسكينه وأنا كلها دفه وثنتين وثلات وأسمع صوت الولد ولله الحمد كانت ولاده سهلها رب العالمين من عنده وزوجي لما قالو له أني ولدت سجد لله وهو بعيد عني الله يحميه وجلس يبكي وأخوي النذل سجل صوت الولد وأرسله له وصوره
كان يتصل كل شويا ويقول أبا أكلمها يقولو له بغرفة العمليات
طبعا كنت مشغوله وأقول للدكتوره ماصليت العشاء وخايفهأموت وأنا ماصليت الفرض ههههه ولما طلعت غرفتي جاتني حاله وأنا أسمع أذان الفجر بكيت وحمدت ربي على عطيته ودقيت على زوجي وجكان يبكي على بكاي ويعتذر مني أنو ماكان جنبي بس معذور حبيبي
طبعا كان كلام الدكتوره صحيح الساعه 1 وضعت وجبت محمد الله يحفظه لي
كثرت كلام ههههه معليش