تجمع الكروشات اللي ولادتهن في رمضان 1433ه

[نور العيوووووون]

بقولكم سالفتي باول طفل كان حركته جدا قليله حتى بالشهور الاخيره كان يتحرك بهدؤؤؤؤؤؤ واحس عادي وعقب ماولدته اسم الله عليه نام ماتحرك احسبه ميت حتى امي تقول وش ذا الولد وتحركه وتنغزه يادووووب يتحرك ويالله يرضع من العجز بس يتمططط ويعفص خشته ويكمل نومته بس كان هادئ جدا جدا اما حملي ببنتي خرشه خرشه ماركدت مررره يمين ومرررره يسار ومره تنزوي وقلبت نفسها وصارت مقعديه كنها وحده تتحهز للتصوير ويوم ولدتها لسان طووويل. ولاتنوم فاتوقع ان حركة الجنين تدل على هدؤه مابعد الولاده والله اعلم

[ام سينا]

كيفكم كروشات

سلامات نسومه ما تشفين شر

أشوف كم على خير

[نور العيوووووون]

ياعمري يام سينا شكلك ماعندك اي وسيلة اتصال معنا لقيتي فرصه على طوول كيفكم كروشات اشوفكم على خيرر.
حاااولي تدخلين زئي اول لك فقده ام سينا

[RoOo7]

مساء الخير ..

كيفكم كروشـآت ؟؟

أنـآ جديدة هنـآ .. أتمنى تقبلوني بينكم ..
أنا بكرية و إن شاء الله ولاتني من 13 إلى 20 رمضان ..
13 ع حساب الدكتورة إعتمادا ع موعد الدورة .. أخر دورة كانت بتاريخ 25/ 11 /1432هـ
و 20 ع حساب السونار ..

[(( أم يارا ))]

السلام عليكن
اخبااركم ..؟
هيوف ان شاء الله ماتحتاجين قيصري ..
عشقي بحر هلا بك بيننا ومنوره ..
ام سينا هلا بك احنا تمام بس فاقدينك ..
نور يمكن حركته تدل على هدوئه او ازعاجه بعدين والله يبلغنا شوفتهم بصحه وعافيه ..
ام حماده وينك اليوم ..؟
نسومه ماتشوفي شر والله يخليلك اولادك ..
انا كانه راجع لي وحام النوم ابي انام نمت اليوم بعد الفجر وقمت الظهر وسويت غدا << ايه ماشاء الله سويتيه انتي
ههههه امزح زوجي اللي سواها انا اغسل واقطع له اللي يبي .. سوا كبسة دجاج حلووه
والحين طلع والله يوفقه بيروح يدور محل للايجار يبي يفتح مغسله هو ولد عمي والله يوفقهم ..
وانا غسلت المواعين برجع انام احس باقي فيني نوم متى ياذن العصر عشان اصلي وانام ..
والله يسهل ع الكل

[(( أم يارا ))]

روح هلا بك بيننا ومنوره وان شاء الله تفيدي وتستفيدي ..
السونار ماخرك لانه يحسب وزن البيبي وشكل وزنه صغير ..
والله يسهل لك ..

[(( أم يارا ))]

وناااسه ياكروشات اذن العصر بالرياض..
يوم اذن طرت فرح بروح اصلي وبعدها بكبر المخده وانااااام ..
اشوفكم بعد المغرب ان شاء الله .. *

[alas]

حبيباتي بس عندي تنبيه ولا تزعلوا مني انا ما كتبت الا محبه فيكم وخوفا عليكم مع اننا مانعرف بعض الا بالمنتدى وباسماء مستعاره فما بيننا شيء غير اننا اخوات وكل وحده تخاف على اختها من باب النصيحه لا اكثر كلنا امهات وكلنا واعيات وكلنا نعرف الحلال والحرام وبعضنا لسه ماصارت ام بس بما انها اتزوجت واصبحت مسؤوله عن رجال وبيت ومستقبلا بطفل فما اعتقد احد صغيرفينا على العموم طولت.. الصلاة يابنات الصلاة الله يسعدكم اللي بالمدرسه واللي مشغوله بوظيفه مرات الوحده تكتب والله حطيت راسي من رجعت من الدوام الين العشاء او الين المغرب طيب الصلوات هل تقومي تصلي وتكملي نوم لا تقولوا تعب لا والله الواحد بصحته وعافيته والحمدلله مافي اي عذر امام الله في المنبه في العيال يصحونا في الجوال الحمدلله كل شي متوفر والله والله كل وحده بتنسال لوحدها حتى اللي في بطنك متعبك مابيدافع عنك امام الله كل واحد نفسي نفسي والوحده فينا لوعندها موعد والله والله والله تحط المنبه وتطلب اللي يصحيها المهم مايفوتها لوكانت ايش في سابع نومه او كانت تعبانه شوفي شويه لمن الوحده تتعب مافي غير يالله خفف الالم يالله شيل الوجع صح ولا لا بس وقت المرض وبعدها الحمدلله يغفل الواحد عذرا من محبتي لكم وكا اخوات معا في السراء والضراء وكل وحده تدل الثانيه على المحلات والتخفيضات والمفارش ولاحظت ان ولا وحده نبهة على النوم اوالتاخير الصلاة والله من محبتي لا اكثر اللهم اني بلغت اللهم فاشهد وجزاكم الله خير انتهت المحاضره خخخخخ ياليت ماتطردوني من المجمع

[RoOo7]

أم يارآ ... تسلمي ع الترحيب ..
ونوم العوآفـــي ..

[alas]

كيفكم كروشات من فتره مادخلت عشان تعبانه من اسناني وامس صحيت فجأه من النوم واله يكرمكم ابغا الحمام وكل دقيقه احس بحشره وطلع التهاب بالبول الله يكرمكم وشيء مقرف حتى ابو الشباب انزعج مني عشان كل شويه ناطه الحمام الله يكرمكم وفعلا يانور طلع الوجع مهو من ضرس العقل طلع ضرس تاني الحمدلله على كل حال وسلامات هيوف واخباركم يانسمه وام حماده ونور والرشا وام يارا وام لمور والجدد وام سينا لك وحشه احس حبيتك والله طبعا كلكم بس مادري احسها طيوووبه وكيفك ام عبد الرحمن الله يسهل على الكل والله ولا فكرة اقضي دحين بس اخلص السادس بادن الله ابدا