رحلتي الجميله لمدينة بون- المانيا 2012

[عيون زوجي]

المشاركة الأصلية كتبت بواسطة يارب اكون حامل

وااووو ما شاء الله رحله والله عشت معاااااك فيها كني سااافرت ههههههه

ماشاء الله تصوير وتقرير راااائع يا مراسلتنا خخخخخ

الحمدلله ع سلامتكم والله

والله يجعل عيالك من حفظة كتاب الله الكريم يااارب ^^

الله يسلمك يا اختي الكريمة وهذا من ذوقك الحلووو
والله يحفظك ويرزقك بالولد الصالح يارب

[رشة سكر]

مآشآء الله الاجواء مره روعهـ..الله يهنيك ويحفظ لك اولادك وبنوتك الحلوهـ...ويسعدك دوم

[عيون زوجي]

المشاركة الأصلية كتبت بواسطة رشة سكر

مآشآء الله الاجواء مره روعهـ..الله يهنيك ويحفظ لك اولادك وبنوتك الحلوهـ...ويسعدك دوم

الله يسلمك يا رشة سكر وانتي السكر والحلو يطلع منك
ويارب يخليلك احبابك وناسك يارب

[عيون زوجي]

اخليكم مع صور البارك في بون واستمتعوا معاي ويارب يهنيكم ويرزقنا اجمعين الجنه يارب

[عيون زوجي]

اسفه لو تكررت الصورة مرتين لان الحال حال سهر ومستوى التركيز منخفض للنص وهو كامل وان شاءالله يمشي حاله

ياريت هالصور تعجبكم وبنقوللكم الليله تصبحوا على خير لان بنتي مش ناوية ترقد بالساهل بس ما تنسوش الدعاء وغدوة ( بكرة) موعدنا انزللكم الجزء التاني من الصور يلي هو زيارتي لمدينة كولون وممكن صور المحلات والبضايع الموجودة فيها شنو رايكم
نتلاقوا غدوة على خير بأذن الله


يتبع

[أم ورد]

تبارك الرحمن يا عيون يسلموا دياتيك على الصور والتقرير يلى سافرنا من غير تذكرة ولا طيارة وحصلنا جولة من غير سيارة هههههههههه ويارب ترجعي بالسلامة

[poucie]

ماشاء الله يا عيون تقريرك حلو ومرتب وربي يحفضلك صغيويرتك ويكونو من حفظت كتاب الله هما وصغاري ههههههههه

[عيون زوجي]

المشاركة الأصلية كتبت بواسطة أم ورد

تبارك الرحمن يا عيون يسلموا دياتيك على الصور والتقرير يلى سافرنا من غير تذكرة ولا طيارة وحصلنا جولة من غير سيارة هههههههههه ويارب ترجعي بالسلامة

الله يسلمك يا ام ورد ويرزقك بالذريه الصالحه يارب وتسافري حجه احني وانتي ان شاءالله

[عيون زوجي]

المشاركة الأصلية كتبت بواسطة poucie

ماشاء الله يا عيون تقريرك حلو ومرتب وربي يحفضلك صغيويرتك ويكونو من حفظت كتاب الله هما وصغاري ههههههههه

احم احم احنا قطرة من بحركم
انتم خبرة في اوروبا وفرنسا صح
ويارب يجعل صغارك وصغاري من حفظة كتاب الله يارب

[عيون زوجي]

السلام عليكم وكيف حالكم اليوم وشنو اخباركم هههههههههه فضوووول
اليوم حبيت انزلكم صور رحلتي لمدينة كولون هي صغيرة وحلوة والوقت في الشتا ما يسمحش بالطلوع هلبه لان الساعه 4.30 العشية كل شي يظلم ومع الساعه 5.00 المسا ظلام وليل
المهم نويت انا وزوجي نمشوا الصبح الساعه 10 لكولون بس هو اتأخر في النوم وطلعت انا وبنتي نتمشى في الشارع سبقناه يعني ماتبيش ذكاء




ويلي لفت نظري ساعي البريد ذكرني بالرسوم المتحركة وانا من صغري نتمنى انه يكون عندنا ساعي بريد يرفع ويجيبلنا الرسايل متأثرة برسوم سالي وفلونه وهايدي ههههههه وحتى سنان مع انه حيوان حاشاكم وعندهم ساعي بريد واحني في ليبيا ماعندناش حتى رقم بريدي لكل بيت ان شاءالله في الجديد يارب

]

طبعا لازم نمشوا للشتات يلي هو مركز المدينة في بون وندخلوا مبنى الدي بي مبنى كبير للقطارات والحجوزات لداخل وخارج المانيا
حجزنا تكوت السفر لكولون احنا الثلاتة ذهاب واياب 22.5 يورو بالليبي حوالي 40 دينار
وهذا شكل المبني بس من داخل كبير وناس ماشيه وناس جايه




طبعا الرحلة بالقطار اخذت منا نصف ساعه والجو كان روعه برد (صقع) بس مافيش مطر والقطار دورين فوق ولوطة اتمنيت انقعمز فوق بس لان عربة بنتي معانا اضطريت نقعمز ( نجلس )تحت






وبحمد الله وصلنا على خير واول ما تتطلع من مبنى البانهوف يقابلك طول مبنى ضخم لكنيسه اللهم انا نحمدك على نعمة الاسلام وهم فرحانين بيها لانها اكبر واقدم كنيسه في المانيا وتالت وحده في اروبا ومبناه ضخم جدا جدا نتفرج ونقول الحمدلله اني مسلمه






لاحظتم في الصورة فوق اصول الشحاده يعني يلبس ملابس غريبه ويقعد واقف يابس من الصبح لليل باش يلي يفوت يحطله سنت ولا اتنين الاحسن برا اخدم اطلع اكتر خيرلك رح انعاودلكم الصورة باش تركزوا






لان المدينه سياحيه مليانه محلات تماثيل واصنام حاشاكم بنتي عاجبها الجو






مانحكيلكم على منظر الدراجات كانها دراجات لاند كل الناس تسوق في الدرجات كبار وصغار والله شفت عزايز في عمر 70 يسوقوا لسببين اولا لان سعر البنزين غالي جدا واللتر الواحد ب 1.5 يورو يعني تانك البنزين يكلف اقل شي 50يورو وتانيا لهوسهم بالصحه والرشاقه وحكاية اصدقاء البيئه يلي مقتنعين بيها جدا





وهادي لقطات لشارع صغير فيه محلات في كولون وكان الوقت قريب من المغرب

يتبع