لكل من ضآيقوهآ النآس لتأخر الحمل ..

[تَنْهِيدةٌ فَرحَ ❀]

لولو المتفائلة نورتي يَ عسسل
يسعدك ربي ويرزقك ..

[تَنْهِيدةٌ فَرحَ ❀]

nada-alrayhan آمين يآرب ومافي احلى من حسبي الله :)
يسعدك ربي ويرزقك نورتيِ حبيبتيِ ..

[ابتسامه رغم الالم]

حبيبتي والله كلامكـ كله صح الصح والحمدالله لم اسمح لاحد ان يتدخل بأموري الخاصه لدرجه راح يجنو ويعرفو عن سر حياتي السعيده دايم اضحك صحيح في العين الاف الدمعات ولكن هذا الشي لا يعني احد ابدا والناس لاتهتم لحل مشكلتك انما معرفت اسرارك ونشرها او حب الفضول يذبحهم والشي الثالث لتشميت بكـ

اسأل الله ان يكرمنا من عنده ويرزقنا بالقريب العاجل ويخليلك ابنك ويشفيه يارب

[ahlam-f]

والله انا وحده سمعت من الكلام لين شبعت كلما اروح لمكان اسمع كلام يوجع القلب وتجريح وانتي ماراح تحملين وصرت احاول انقطع عن الناس وماروح لمناسبات علشان مااسمع السوال المعتااد ؟؟ ليش ماحملتي؟؟ لانني قبل اتزوج احب الاطفال كثير وكنت اقول نفسي من اول شهر احمل ومررت السنه الاولى والسنه الثانيه والناس زي الذيابه تاكل فيني اللي ترمي علي كلام واللي تقول ماظنك بتحملي واقاربي لما بيحملوا على طول بيبتعدو عني يخافوون احسدهم حتى صديقه عمري لما حملت ماعرفت انه حامل الابصدفه ولا كاانت ناوويه تقووولي لاتقولوا ماتبي ينكسر خاطرك لا والله خاايفه احسدها .. وانا عايشه مغتربه عن اهلي وبنفس المدينه اللي انا فيها عندي ثنتين بنات عماتتي كنا تقريبا كل اسبوع او اسبوعين نتلقا ولما حملت قطعتني خمس شهور كل خوفه اني اشوفه وهي حامل واحسدها ..ناس متخلفه..بس دايم ادعي ربي ان يملا وحدتي بالفرح ياارب انك تعوض صبري خير وانا الحين الحمدلله حامل لي شهر ونص والحمدلله كله من فضل رب العالمين واديم اردد ايه <وبشر الصابرين>والحمدلله ياارب وكلما هالناس كان زي السم لنا بس بنحاااول ننساه

[تَنْهِيدةٌ فَرحَ ❀]

وهذآ المطلوب أبتسآمة رغم الأمل أنك تبتسمي طول الوقت أنتي مثليِ
ماأعطيهم فرصتهم لابتلميح ولا بتصريح اللي بَ القلب مو لازم
الكل يعرفه هالشي يخصني
وربي اضحك ولاكن عندي
شي لدرجة وحدة حاولت تستفزني ماقدرت
أخر شي قآلت لي كيف صآبرة
شآيفة ضعف الأيمآن لوين يوصل عند البعضَ ،
الحمدلله
هالشي بأمر الله ومن عند الله والتأخير والتعجيل بيده ،
شرفني مروك يسعدك ربي ويرزقك يآرب ..

[تَنْهِيدةٌ فَرحَ ❀]

ahlam-f ماعليك منهم ولايهمك هذآ مو صديقة تخبي عنك فرحتهآ


هم تفكيرهم أنه لو عرفنآ حملهم ولا شفنآ أطفالهم بنحسدهم


لاتلوميهم تفكيرهم كذآ اكيد يشوفوآ الكل مثلهم ،


جارت أمي قآلت من بآب التلميح ترىَ احنآ نخاف من اللي ماعندهم أطفآل


لكن لو دققو شوي مين اللي عطآهم مو الله


طيب وأحنا مين اللي ماأعطانا مو الله


بس في نآس تنسىَ ان هذآ رزق مثله مثل المال والصحة


يعطيه الله لمن يشآء


ربي يتمم لك حملك وتولدي بَ السلامة ويحفظك ربي من كل شر


وكل يوم أستودعيه الله


شرفني مرورك يَ عسل

[LOUBI]

اهلاااا فيك حبيبتي بين خواتك
منورة منتدانا و انتي الان صرتي وحدة مننا
و كلااااامك عسل و صحيح
الله يصبرنا يا رب و يكتبنا عنده من الصابرين ..اليس هو القائل إن الله مع الصابرين .. فلااااازم نصبر الصبر الجميل عشان ننال معية الله القوي العزيز
موضوعك رائع و يناقش قضية حساسة لكل متأخرة فينا فيستحق خمس نجوم

[الخاطر]

المشكلة مو بس بالناس .. حتى فينا أحنا .. نفسيا الموضوع متعبنا .. لازم نحاول قد مانقدر نتعايش ويا الموضوع .. حق نتحمل كلام الناس

[تَنْهِيدةٌ فَرحَ ❀]

loubi
النور نورك حبيبتيِ ، ويشرفني أكون وحدة منكم أن شآء الله نكون من الصآبرين
ويكتب لنآ الله الأجر والصبر والثوآب ويفرج قلوبنآ وقلب كل صآبرة
وجودك يَ عسل يعآدل الالف النجوم
شرفني مروركّ حبيبتيِ ..

[تَنْهِيدةٌ فَرحَ ❀]

الخآطر صآدقة حبيبتيِ حتى أحنآ صرنآ حسآسآت أي كلمة تأثر وحتى لو مايقصدوآ
عشآن كذآ التغير يبدأ فينآ آحنآ نغير نفسيتنآ ، نقوي علاقتنآ بربيِ ،
آممم ذكرتينيِ لقصة سمعتها مع شيخ رجل عقيم له 14 سنة تقريباً
وزآر صديقه عشان عنده مولد وصديقه وراه ولده وقاله تقدر تجيب زي كذآ وضحك
الرجآل من الصدمة ماعرف وش يسوي مصدوم من صديقه وتذكيره لعقمه اللي نسيه ويخرج
من عند صاحبه وهو يبكي ويقول يآرب أرزقني أرزقني بس بتضرع وبكي
ويستجيب منه أرحم الرحمين وماتكمل السنة الا وهو عنده تؤآم ماشاء الله تبآرك الرحمن
حبيبتيِ شرفني مرورك ..