دردشة بنات مصر , دردشة حوامل مصر , تجمع بنات مصر

MALAK2010 · 12-19-2011, 04:56 PM

الله الله ايه الكلام الجميل ده ايوا كده عاوزين الهمه
انا قريت اللى كتبتوه اروح بس اصلى واجى ارد عليه ان شاء الله بس قبل ما سلمى تصحى وباباها يجى

توتة السيد · 12-19-2011, 04:56 PM

يامكتكتين ابوس القدم نفسي اعمل تورتة هبيض علي تورتاية

قولولي طريقة سهلة ومضمونة وتكون حلوة كده نفسي اجربها علشان

لو طلعت حلوة اعمل وحده في راس السنة

توتة السيد · 12-19-2011, 05:02 PM

الحلقة الاولي كيف تتلذذ بالصلاة

om arwa · 12-19-2011, 05:08 PM

يارانا اسمها مش فاكرة
بس هى تبع الشركات اللى بتعمل الكيكات والكريم كراميل
دريم
حلو الشام
حاجة كدة مش فاكرة بالظبط

كمان ممكن تسالى فى محلات الحلويات نفسها اذا بيبعوا الملفاى ناشف لوحدة وتعملية
لانهم بيبيعوة عشان ام على
اكيد هيبقى خامتة احلى

رنا خالد · 12-19-2011, 05:10 PM

انا بحترم الشيخ ده جدا
كنت بشوف حلقاته علي قناة اقرأ كان بيجي في رمضان قبل برنامج احبك ربي بتاع مصطفي حسني
حمستوني والله
انا سعيده جداااااااااااااااااااااا اننا هانبقي احسن
جزاكي الله خيرا ياملك
وانتي كمان ياتوته
انا معاكوا في اي خطه هانحطها ومسار يومنا ان شاء الله هايختلف
بس اللغ الله يكرمكوا عشان اركز لحسن وقت البطون تتوه العقول لمؤخذه هههههههههه

لحظات سعاده · 12-19-2011, 05:20 PM

ياااااااااارب يا توته ياااااارب عندى امل كبير فيه والله
ازيك يا سما عمله ايه وازبك يا ام لوجى انت وملك وطبعا توته الجميله
بس للاسف النت عندى بطى مش عارفه اشوف الحلقه الاولى

MALAK2010 · 12-19-2011, 05:22 PM

انا جيت تمام اوى اللى كتبتوه وان شاء الله نحاول نعمله
انا هحاول اعمل جدول فيه الحاجات دى وانزله
وان شاء الله ربنا يسهل والحق انزله النهارده
وهعمل ملف اكسل فيه الجدول ده وكل واحده تنزله وكل يوم تحط درجاتها وهو هيحسب تلقائى المجموع اخر الاسبوع
ربنا يسهل واحاول اخلصه وسلمى تبقى كويسه وماتسخنش تانى واوفى بالمعاد(واذا ماقدرتش نلتزم الاسبوع ده بالجدول المحطوط على ما اخلص التانى الشامل)
علشان من بكرة ان شاء الله هنبدا وبعد بكرة الصبح كل واحده هتحط درجاتها قبل حتى صباح الخير ماشى ؟؟؟؟
وبجد بقا المرة دى نلتزم

وكل واحده تحاول تحط افكار نضيفها

MALAK2010 · 12-19-2011, 05:25 PM

لحظات سعاد بحق لا اله الا الله ربنا يكرمك بالحمل الثابت وبالذريه الصالحه يااارب

بس انتى هتنضمى معانا فى جدول الطاعات ولا تقوليى نفسيتى وحشه اليومين دول ولا الكلام ده انتى معانا باذن الله غصب واقتدار يلا ورينا الدرجات يا جميل

MALAK2010 · 12-19-2011, 05:27 PM

الف سلامه عليكى يا سما ربنا يشفيكى يااارب

رانى معلش يا جميل ماعرفتش ارد على كلامك الصبح علشان كنت بدخل بسرعه لانى كنت مشغوله بسلمى علشان السخونيه
عندك نت فى البيت علشان لو قدمتى استقالتك مش هيبقى ليكى غيرنا ههههه تضيعى الوقت معاه

رنا خالد · 12-19-2011, 05:28 PM

توته انا هاقولك طريقه حلوه جدااااااااااااا
جيبي كيك جاهز لو لقيتي اللي بيتباع في العلب ده
بس هل ممكن تلاقي في الامارات كيك جاهز ممممممممممم
هنا في الطحان اسمع انها حلوه اوي
طب لو ملقتيش اقولك تعملي ايه
انا اكتشفت حاجه من كذه الشيف الاوهي
ان الكيكه الاسفنجيه مابتعلاش غير حاجه بسيطه وده لأنها دقيقها قليل والبيكنج بودر بتاعها قليل برضه
هي بتتقسم دسكات
يعني ايه؟
اقولك اعملي صاج كبير ودخليه الفرن وبعد مايطلع قطعيه بفرمه دسكين او 3
وحطيهم علي بعض وبكده هاتبقي عاليه جدااااااا زي تورت المحلات
لكن هي مش بتنفش اوي لأنها مقفولة المسام مش مفرغه الكيكه الدسمه المفرغه هي اللي بتبقي عاليه جدا
وانا هاكتبلك طريقه حلوه تعملي بيها
او ممكن تشتريها معموله جاهزه وانتي تزوقيها
شفتها في محل عندي هنا جميله وعاليه وب20 جنيه بس
وانتي عليكي الزواق بقي وده اسهل مايمكن
هاكل بس ام السجق والكفته والرز دول واجي جرررررررررري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM